حفرت اسمي على كف الزمان ولا شحذت الغيم & كبير اسمي ولي جولات واظن انك تعرفيني

فيصل البريكي · #1 25-01-2008, 12:55 AM

السلام عليكم ورحمة الله وبركاته

اقدم لكم هذه القصيده عسى ان ترتقى لذائقتكم

حفرت اسمي على كف الزمان ولا شحذت الغيم = كبير اسمي ولي جولات واظن انج تعرفيني
ابد مرضا اذل النفس لو اني شكيت الضيم = اموت بخنجري احسن قبل لنتي تذليني
انا ماني مثل غيري اجامل حضرتج تعظيم = ولاني ملك على كيفج توديني وتجيبيني
عرفتج وانهدم بيت المحبه ما يبي تفهيم = هجرتج قبل تنسيني سريتج قبل تسريني
صرخت وصرختي شبت لهايب في حشاي وضيم = وقامت قدم عيني ابك تتراقص شياطيني
بداية قصتي وياك غلطه وتقبل التعليم = هذاك اول اشوفك شي في عيني تعديني
جذبتيني وانا ماشي بخرص العين بالتصميم = يكلمي ولو انك رفضتي لا تحاكيني
صدى صوتك على سمعي عزف نغمت وتر ترنيم = خلايا السمع اصغتله على فلانه تناديني
وصدفه وزمن دوار يجمعنا يا حرف الجيم = ولو ان الزمن يرجع لقطعها شراييني
حرام الوصل مع مثلك يحب الظلم وتظليم = خساره فيج كلماتي وهرجن لي تقوليني
واصلا لو بلد اخلاف وجمع حكيك بترهيم = ملاقي فيه جملة حب الاقيلي ثعابيني
الان ان الوصل معدوم و بعرفك نشر تعميم = على قلبك على عقلك تعبتي بين حبليني
تحسبك فزت ياشاطر على قلبي وقع تحطيم = ورب الكون ما تقدر تزعزعها موازيني
ولكن كلمه وبنهي كلامي وانفخي يا شريم = وموتي في لهيب النار ولو انج تحسيني
ترى سود الجبال الصم ما تجزع رذاذ الغيم = وانا مثل الجبال الصم ما تقدر تبكيني