خلوه يسرح بين ذولا وذولاك وان مت خلوني على باب قصره ( رائعه )

[عنـ وافتخرــزي]

بسم الله الرحمن الرحيم

السلام عليكم ورحمة الله وبركاته

صباح , مساء , الخير للجميع
اليوم جبت لكم قصيده من قصايد الشاعر مشعل بن جريد العنزي وقصيده جميله اعجبتني واتمنى ان تعجبكم كما اعجبتني ...


مع السلامه مالنا غير فرقاك
والله مالي في موادعك قدره


الله يسمّح درب مثلك وشرواك
والقلب خله عند الايام عذره


أن ماقدر يصبر تسليه ذكراك
لوكان في بعض التفاصيل قبره


وان جادة الاحلام فينا وشفناك
هي عبرةٍ تقفي على درب عبره


أقفت تنشد عابرٍ عن مطاياك
اللي لها بين الزمانين هجره


تاقت وطاحت مالقت في زواياك
الا حنينٍ شلّع القلب جذره


قلبٍ يفيق وينشد الصبح وش جاك
واثرك ناوي من ورى العام هجره


تبي الحقيقه جعل ماجاك يفداك
والرجل مايجبر على فج صدره


أما تجي برضاك ولا تركناك
أرحل ونا ادري مابقى غير شعره


بين الوداع وبين شوفت محياك
والقلب ماهو سلعةٍ وسط كبره


تبي تسلابي على جرف دنياك
صخرٍ تساويني على حد صخره


ماني صغير امك ولا من رعاياك
لو شفت دمعي ينسكب وقت غدره


هذيك عبرة شايبٍ عاف ممشاك
من جاه يشكي ضنوته قال بصره


خلوه يسرح بين ذولا وذولاك
وان مت خلوني على باب قصره


خـطو على التابوت هذي ضحاياك
وعساه يقنع بارك الله نصره


وان شافو دموعك على حلق شباك
ماهي محنّه واغلب الضن فطره


أدخل على اللي بدعك في شفاياك
الرجل وش قدره ليا فج صدره


مع السلامه مانبي غير فرقاك
دام انت مقفي مالنا فيك قدره



اخـــوكم : عنزي وافتخر !!!!!

[الجلمود]

صح السان شاعرها وناقلها

[الـ ـشـ ـقـ ـا ويـ ـه]

صح لسان الشاعر وصح نقلك



تحياتي لك

[عنـ وافتخرــزي]

بسم الله الرحمن الرحيم

سكرا لكم على المرور ( الجلمود -- الشقاويه )

اخوكم: عنزي وافتخر !!!!

[الناس ماتدري]

الشكر لك اخوي عنزي على هذه القصيده الرائعه
واختيارك الموفق لها
وصح لسان شاعرها وتسلم يمين ناقلها
وتقبل مروري