بسم الله الرحمن الرحيم
يالله يامنشي الهمال وأمطاره
ياللي على فعلك حنا مالنا حجة
تنشي سحاب"ن"يسيل القاع بهداره
وتملى وديان"ن"سراها الليل ملتجة
حتى الرجل يبطي ماسير على جاره
يصبح ويمسي على صوت المطر ضجة
يدوم مطره ويفيض القاع بنهاره
وثم وقف وبان الطير في دجة
وبين على القاع عقب الشمس مخضاره
وبي حراوي عشب و القاع مبتهجه
و ظهر جميع العشب أصغار و اكباره
وتشوف روس الزهر للشمس معوجة
هذي ربلة وهذا خزام و صفاره
ورقروق وعنده صوت الطيور ملتجة
و الذود فلى وهنالك أحوار و حواره
وريف العشب ملهي الخلفه عن الخلجة
و الذود شبان وبارك ضحى نهاره
في فيضة"ن" ماترى الاغنام مهتجة
هذا هوى الناس أبطى الحول ماداره
وكلن على حال نفسه يظهر السجة
و اليوم يالله حمده جل مقداره
نصبح على عج ونمسي على عجة
والارض ودار الوقت بدهاره
وتسمع في الوادي صفير العج والصجة
والناس هذا يغسل الوجه وغباره
وهذاك واحد ذاق الماء وثم مجة
أختامها دعوى مني واخر اعباره
يالله تغيث الوطن و من الدهرنجة
19-05-2008, 11:36 PM
العرض المتطور
