قصيدة مدح الشيخ بادي آل وثيلة

[اخو]

القصيدة منقولة وهي للشاعر محمد بن نابت بن فهيد; قالها في أولاد عمه من قبيلة الرجبان

يقول ابن العياضي يوم ينظم = نقول الفعل ما نفعل كلاما
الا يا راكب من عندي انهض= إلى الوادي ونحرها اللداما
معك مني( نعم) والنعم ينشر = على الرجبان بالجملة سلاما
هل الوادي عمى العادي وسقمه =مداغيش الثنا وأهل الكراما
سلام يا بني عم تعلو= على العليا وعدوها الغماما
مدحهم قبلنا جريس اليماني=هل الجزلا لهم باعلى السناما
وأخص من الكرام أولاد مصري = محددة الجمل يوم الزحاما
بيوم واردات به المنايا =ومصري حددة والطير حاما
وهذي خصته لال الوثيلة =وطولتهم لنا طولة لزاما
مشى ذكر الوثيلة في القبايل=مكاسر طيب في جمر النشاما
حلاحيل زحازيح تنومس =قرانيس الحرار اللي تساما
زعامات لكم في الكتب كتبت = وفي الحكم السعودي الكم مقاما
الى جيت ابن فيحان فتقدم =بكلام بادي له بالنظاما

وانا شاعر ليا من جيت ابمدح = اقدمها لفعل له علاما
وكل انسان لابده محاسب = فقول الصدق هو درب السلاما
فسلام لك يا ابن فيحان بادي =ابو سعود العديم ابن الحشاما
سلام عد ما هلت مزونة =ببرق صادق الخير يتواما
من المنشا يشوق اللي يشوفه = قناديلة كما موكب اماما
سلام ما يساق الا لمثلك= اقدمه لجنابك باحتراما

حملت حمول من غيرك قدرها =سواتك ماجمعها بالف عاما
كما بليهي يشيل حمول اليفة= كما قالوا بالامثال القداما
تقدمت وبذلت الجهد واكثر =وعين غير عينك في المناما
لدسمين الشوارب والعوارف =وللتاريخ ومن فيه اهتماما
تفضلت وجمعت اغلى الجواهر=نوادر دوسرية ما تراما
وعيبك يا ابن مصري بس واحد= هو انك مقطع الحق الحساما

ومن لام الرجل يوم يتفاخر =بصدق الفخر تغشاه الملاما
تواريخ مضت وانا كذلك =بنذكر بعدهم في الكتب ياما
فعسى الله ينصر الدين ويعزه =ويعز ال السعود ابنا الاماما

وصلى الله على محمد واله =عدد من طاف بالبيت الحراما