ان شفت ابن الذيب.. لا ارمي لجله الغتره

[برنسيسة القلوب]

المارد الشعري
لا من طريت محمد بن الذيب في شعري

تنومست, والقيفان تتنومس على ذكره

رجل اذا ما قلت : رجل طيب الذكـــري

وافي الخصايل, والعلوم الطيبه عـطره

من لابة لا من طريت المفخره تطري

من يام صلفين النوايا حلوة العشره

من صفوة العجمان تاج العز والفخري

وان جت خواله ونعم.. اخواله المرّه

مشرقه من شبه الجزيره يعربي قطـري

من دار ابو مشعل عقيد المجد والــــندره

كل القبايل تفتخر به , وانا من صغـري

افخر بابن الذيب , و اغري بشعره القمره

شاعر يسميه الملا بالمارد الشـــــعري

لا قال كلمه يرتعد ابليس من شـــــــــــــرّه

تغدي له سمان العرب و عجافها تجري

تحسب له حساب و تغازل مملكة شعــــره

على الساحه الشعريه باشعاره مـــذرّي

هلك كل من حاول يوقف مــعمة فـــــكــره

قوافيه تحكي لــجــــــل ..!بعد..! بـــــدري

عيون القصايد تنتخيه .. وترتجي عذره

يسجد له الشعر في خشوع ..ويطلب الأجري

أستغفر الله العظيم , ونبرته نـــــــبــــره



كلما سمعته قامت الجنيّه بفكــــــــــــري

تقّوم العرضات ؟.. من فكره إلى فكره

وجملة شياطيني تبيع بوقتي.. وتــشـري

وانا بحالة سُكر شروى شارب الخمره

إن قال .. قال الذيب ؟..والأنفاس له تقري

مع احترامي للجميع ..! ولا هم بخبـره

عطا للشعر هيبه وقيمه .. تسري وتمري

حشا ما عطاها قبل منّه شاعر بشعـره

خلق منهج وفكرٍ جديدٍ فارق وحــصــري

سبق كل جيله في الشعر, واتفرَّد بعصره

يقولون : قال :ان به طحالب بيننا تـسري

وانا اقول : لو ما قال .! ياهم بيننا بكثره

لويش بعض اهل الشعر يبغوله الخسري

عشان اقواهم شعر ..! يا علهم الــعـثــره


عسى الله يعطيه العمر والصحه .. و يـثري

جيوب القوافي .. وقلب من يهواه , ويبرّه

عسى الله لا يحرمنا من شوفه مدى الدهري

و عسى ساحة ما فيها ابن الذيب .. مغبرّه

فداه الشعر و بحوره..! من الجو للـــــــبري

فداه المنابر, و القلم, و الضوء , والشهره

فداه اجمل الافكار, و الشعار.. له عمـــــري

و تفداه نظرات العنود الفاتــن العــــــــــذره

فداه المجانين , و نظمها !..قبــلي و بحري

الا عسى تفداله العقّال بالمـــــــــــــــــــرّه

محمد بن الذيب صوت الحق .. و الــثــأري

من كل جبّارٍ , و ظالم .. سكّته بطـــــــــره

رسول الشعر.. لاهل الكَلِمْ, و القاف و النثري

مُقاتل صهاينة النبط في مدّه و جــــــزره



معــلّم الاقلام ؟... مالم تعــلم و تـــــــــدري

بل انه في نظرتي شيءٌ من الِعبْــــــــــره

ما احيد قبله شاعرٍ طحطاحٍ , و شـــــــــرِّي

سوى أبي الطيِّب, وابن الذيب له قـــــدره

كالعظـــم في بلــعوم منهو في الشعر فقري

و الهرج لش يا جارتي..! لو تاعي الهدره

ما يقطع ارساله .. و لا يفضي معه بتــري

هذا مثل ما قال عن نفسه ..! على فكـــره

و لو حلّ في بقعه استحلها.. طيبٍ و جبري

غصبٍ على خشم الذي يرضى.. ومن يكره

يجعل من اللاشيء شيء.. و مخلبه يبري

كالحر الاشقر لا طلع صيده..! و خذا عمره

رئيس دوله فالشعر.. و العالم الشعـــري

واذا من كلامي شَخَصْ طَرْجَمْ..قهوته قبره



قلت الذي في خاطري , و اقولها جهري

شاعر.. وفي اهل الشعروالشعر!..لي نظره

شاعر, و لا أخشى بقول الحق!. واستجري

أهوى الفصيح, و بالنبط أكتب على الفطره

ان مت ودي أموت.. والعزِّه على صدري

موتة شرف تحكي بها الشيبان للبـــــــزره

و اذا أطال الله في عمري علي نـــــذري

ان شفت ابن الذيب.. لا ارمي لجله الغتره



و سلمتوا مع تحياتي الشاعر :عبدالله بن فهم الحمودي.



و شكرا للجميع و السموحه ع القصور


>> من المعجبين الموضوع كامل

[فلاح بن جمل]

لآ هنتــ ي يـآ برنسيســه ع النقــ ل .. وصــ ح اللســـآن الشــــآعــــــ رر .. !

لـشـ خــآلــــص التقديـــــ رر ..

[برنسيسة القلوب]

يامرحببا بك


تسلم عالمرور السريع ماشاء الله عليك

ههههههههههه


لاهنت

[فلاح بن جمل]

أحترم ذوقـ ش ع القصايد الحلوه .. مآ نستغني عنهآ لآزم نرد عليهآ .. بأسرع وقت

[فلاح بن ملبز]

يا سلام سلم

صح لسانه عدد ما كتب ودبل

وابن الذيب يستاهل

ويعطيش العافيه

ولش جزيل الشكر

[%قبلة العجمان%]

صح لسان شاعرها

ولاهنتي ع النقل,,

[dont play with me]

برنسيسة القلوب



حياش الله في منتداش



صح لسان الشاعر على الابيات الطيبه



وبن الذيب يستاهل



’

[برنسيسة القلوب]

المرحب باقي

لاهنتوا على المروور

ومشكورين عالتشجيع

ثاااااانكس

[ذايع الصـيت]

السلام عليكم ورحمة الله وبركاته

أختي برنسيسة القلوب

بإسمي وبإسم أعضاء ومشرفين منتدى العجمان نرحب بوجودك بيننا

يعطيك العافيه على المجهود اللي بذلتيه في نقل القصيدهـ

وأحب أنوّهـ بأن القصيده مكسرهـ ومجبرهـ وفقيرهـ للوزن والقافيه

اذا كنتي تعرفين شاعرها أرجو انك تبلغينه إنه يراجع قصيدته

نحن هنا في المنتدى أخوان ونفيد بعضنا ونستفيد من بعضنا البعض

أرجو ان تتقبلين نقدي ووجهة نظري بصدر رحب وبدون زعل

تقبلي تحيـــــــــــاتي

دمـتي بــــــود

[برنسيسة القلوب]

يوه

لا والله عاادي

مدري والله مهي له

لقيتها مكتوبة وجبتهاا

وانا والله ما اعرف للاوزان القواافي واجد علي

اسمحولي

تبون تكنسلون الموضوع على رااحتكم عاادي

والله لا اعرفه ولاشي