|
الوفا في الحـب مثل الأمانه في الرقـاب=ملـتـزم فـيـهـا سـنافـي وخايـنهـا ردي(لبن شويه)
بسم الله الرحمن الرحيم
والسلام عليكم ورحمة الله وبركاته
نتواصل مع هذه الرائعه
لمطلق بن شويه
ليتـنـا ياصاحـبـي نقـضـي الـدنـيـا شـبــاب=كـــان أعـيّـفـك المحـبـيـن قـبـلـي وبـعــدي
لـكـن الـلـي قـدرتــه ماتغطـيـهـا الـسـحـاب=خـلّــت الأعـمــار تـاقــف والايـــام تـعــدي
أعـرف إنّــك مــن تــراب ومــردّك للـتـراب=خلّـك اللـي يُخلـق إنسـان ويمـوت أجـودي
الوفـا فـي الحـب مثـل الأمانـه فـي الرقـاب=مـلـتــزم فـيـهــا سـنـافــي وخـايـنـهـا ردي
وأنـت حـاول تحفـظ الـود ياسمـح الجـنـاب=مثـل مـا بـلادك تحفـظ الجمـايـل لبـلـدي !!
لاتـغـيّـرك اللـيـالـي .. ويـغـريـك الـغـيــاب=وتحدانـي !! والجفـا مـنـك حاديـنـي حــدي
نبض قلبي يـوم ودّا .. ونبضـه يـوم جـاب=مايـقـول : الا عـسـى الله يسـامـح ويـهـدي
عـد غلطاتـك علـى يـدك وأحسبهـا حسـاب=إنسها .. ومسامحك .. وأذبح لنفسـك فـدي
كـود ذيـك الغلطـه الـلـي تـعـاب وتستـعـاب=غلطـةٍ ضيّعـت عمـري وراهـا وجـهـدي !!
طعنـةٍ مـن سيـف عنتـر ومـن شلفـا ذيـاب=تنتـهـي بـيـن الضـلـوع القـصـار وتـبـتـدي
ماهقيتـك يــوم الأجـسـاد تستـرهـا الثـيـاب=بالجفا عريت صبري ؟! وعريت جسدي ؟!
ليه ؟؟ وأنا اللي عشانـك تحديـت الصعـاب=وفـي دروبـك متعـب أقـدام رجلـي بالـعـدي
إن ضـوانـي اللـيـل سريتـهـا بلـيـا ركـــاب=وإن نويت سهيل .. وجهت وجهي للجـدي
من عذابي كل خطوه !! وخطوه من عـذاب=اللـيـالـي سـرمـديّـه !! ودربـــك ســرمــدي
وين أيمم شوف عيني وأنـا اخيلـك سـراب=كــل ماضمـيـت زولــك تـلاشـى مــن يــدي
مـذهـبٍ حـالـي بـطـاريـك يـامــال الـذهــاب=مابـقـى فالقـلـب مــن سبّـتـك عــرقٍ نــدي
ليت مايفتـح علـى بـاب شعـري منـك بـاب=لاتثاقـلـت اجلـسـاي .. وجـفـانـي مـرقــدي
وأرسمـك قـدام عينـي علـى صفحـة كـتـاب=وأنـت بيـن السالمـيّـه .. وبـيـن الأحـمـدي
إن نسيتك .. فأعـرف إنّـي مـوارا فالتـراب=وإن تذكرتـك .. عسـى الله يسامـح ويهـدي
وان تعدتـك المشاريـه .. وأخطـاك العتـاب=أعرف ان منتب سنافي !! ولانتـب أجـودي
__________________
نلح بقعا بليـا كـور و حـــــــداجـه=حتى طويل المدى فضّــا مزاهبنـا
نستر بيوت الندا عن كل هـــــرّاجـه=كنوزنا الصبر والشيــــمه رواتبنـا
|
23-05-2009, 07:42 PM
العرض المتطور
