ان كيـــدهن عظيــــم نصـــيـــــحة لاخواتـــي ........!!!!!

[الجادل الراعبيه]

السلام عليكم ورحمة الله وبركاته ...

اخواني واخواتي اعضاء المنتدى ...

موضوع مهم لك يا آدم .. ولكي يا حواء ..
قرأت قصه لا يصدقها العقل وقد أذهلتني جدا وسوف تذهلكم مثلي لانه فعلا "" ان كيدهن عظيم ""
لاتستغرب عظمة كيد النساء فإنه الشيء الذي خلقه الله واستعظمه ..



شلــة بنات صداقتهم دامت لمدة 9 سنوات وانتقلو من المرحله الثانويه الى الجامعه مع بعض لدرجة انهم اختارو نفس الكليه ونفس التخصص وماكانو يعتبرون العلاقه اللي بينهم صداقه انما كانت اخوه واكثر من ذلك لدرجة تبادل الصور لانهم وصلو لحد الثقه العمياء بينهم ...
ماكانت في اي عوائق او مشادات بينهم لدرجة انك تستغرب سر العلاقه القويه وسر المكالمات اللي ماتنتهي ابدا وتصل الي 24 ساعه خلال السبع ايام .
ومنهم الصالح ومنهم الطالح لكن دايما ينقال الصاحب ساحب .. شخصيات الناس مختلفه منهم الحقود ومنهم الحسود ومنهم النمام ومنهم الطيب صاحب القلب الصافي .. تحكي الروايه طالبه في السنه الثالثه الجامعيه والتي حرمت منها بسبب غلطه لم يكن لها طرف فيها ولكنها انصدمت بالنتائج قبل الاحداث وفعلا شئ لا يصدق ابدا

تقول (( من اول سنه داومنا بالجامعه الوضع اختلف علينا صار المكان مختلط شباب وبنات وصرنا نكشخ ونلبس وكل يوم شنطه وكل يوم شكل من بيني انا وصديقاتي فيه مننا اللي كانت تكشخ عشان يبدون البنات رايهم بلبسها وكشختها والنص الثاني كانت تكشخ عشان تلفت انتباه الشباب الجامعي وانا والله ماكانو يهموووني ابدا لاني بس جايه ادرس واجتمع مع صديقاتي واشاركهم الحديث ولكن كان فيه شباب يتحرشوون ولازم يتحرشون طبعا الشباب اللي ماعندهم غيره على اهلهم مع ان شكلي كان جدا جدا عااادي انا ما احب الفت الانظار ومايهمني هالشي .. لكن كان فيه واحد من اول سنه لين وصلت للثالثه وهو " لا يأس مع الحياه ولا حياة مع اليأس " لكن انا ما اعتبر نفسي اشوفه وكانو البنات اللي معي يا فلانه ليش ماتعطينه وجه مزيون ويبيج وانا مصره على رايي ان هذا تفكير متخلف كانو كلهم يصرون علي الا ثنتين وتوقعت نيتهم زينه مايبون يدزوني للطريق الشين وكنت دايما اكلمهم وعلى اتصال معاهم اكثر من الباقي
في نهاية السنه الثالثه تفاجأت وانا ادرس لامتحان نهاية السنه وبغرفتي بأصوات لاخواني تحت يصارخون ومدري شيقولون انا قلت صار شي لا سمح الله نزلت تحت اركض بشوف شصار واخر شي اتذكره اني صرت تحتهم وعظامي ماصرت احس فيها من كثر الضرب اللي وصلني للمستشفى وانا ليلحين مادري ليش او شصاير بس اتذكر انهم لما كانو يدخلون علي بالمستشفى كنت اصارخ من الخوف لانها بمثابة صدمه بالنسبه لي
الشي اللي عرفته وجرحني جرح لا يمكن اني اطيب منه هو ان البنتين اللي كنت اعتبرهم اكثر من خوات كانو يكلمون شباب الجامعه ومن كل الكليات باسمي وصوري اللي انتشرت بينهم وانا يا غافلين لكم الله والسبب وبكل بساطه لازم شباب الجامعه يطالعونج بنفس النظره اللي يطالعونا فيها انتي ماتختلفين عنا بشي .. يا حسافة سنيني اللي راحت بالهوا مع بنات ابليس اللي كنت اعتبرهم اخوات لي يا حسافة الثقه اللي عطيتها لناس ماتستاهل .. انا حاليا لا ادرس ولا اشتغل ولا عندي اي علاقه خارج نطاق العائله مع ان حتى العائله صارو يطالعوني باشمئزاز .. الشي الوحيد المسموح لي هو الانترنت او الزيارات العائليه لاني لو ابي ابرر للناس اللي حولي محد بيصدقني اني مالي يد بالسالفه اللي صارتلي لان ما لهم الا الظاهري وليلحين محد مصدق .. ابيكم انتو تصدقوني ))

والله قصه مؤلمه لضحيه انا عن نفسي صدقت القصه وحبيت اعرضها لكم لان اللي ما يخافون الله كثير ..

حبيت اقولكم يا بنات اعرفو انكم اذا فضحتو بتنفضحون وان المسلم اذا ستر على اخوه المسلم ستر الله عليه .. ويا شباب لو عندكم او صارلكم نفس هالمواقف تذكرو ان عندكم خوات وزوجات وبنات تخافون عليهم يمكن يطيحون ضحيه للناس اللي ماتخاف الله .. فانتو بدوركم امنعو هالشي انه يصير وللي عنده صور يمسحها ويتذكر ان الله وحده فوقه ويطالعه ؟؟


ما في شخص ما غلط وما يسلم من الزلات الا محمد - صلى الله عليه وسلم - لكن اهم شي ان الواحد ما يستمر بالغلط او يكرره ..

[بتاااار]

[size="6"][font="comic sans ms"]لاحول ولاقوة الابالله



حسبي الله عليهم



ماهو ذنب هذي الفتاه ضيعو مستقبلها وشوهو سمعتها ماقول الا حسبي الله ونعم الوكيل


معاد فيه احد يحس معاد فيه احد صادق كل العالم نفسي نفسي واللي غيري بحريقه

الله يكون في عونها ويجبر بخاطرها

[أميرة الألماس]

نصيحة لوجه الله اللي يصادفه مثل هالموقف

توصله صور بنات ولا صور مركبه وغيرها

يتحفظ عليها أو يقطعها ويحرقها

وانت لك الاجر لانك قطعت سلسة ذنوب مالها أول ولاتالي

وأهني توقف الذنب ولك حسنه وماتدري الحسنة بعشر أمثالها ولعل الله يزيدك مثلها وأكثر

في هذا الزمن القابض ع الدين كالقابض ع الجمر

وجزاك الله خيرآ أختي كاتبة الموضوع

[الجادل الراعبيه]

جزاكم اللــه خير و في الموضوع عبرة لمن يعتبـر بكل صراااحة الموقف احزنـي بجد و السبب اللي صار لها المسكينه بس انشاءالله ان الله بيبن حقها على من ظلمها

[تبطي وأنت غالي]

الجادل

جزاك الله الف خير

وتسلم يمناك على الموضوع

وتقبل مروري ولك شكري وتحياتي

[الجادل الراعبيه]

يااا مرحبا اخووي تبطـي وانت غالــي حياك الله
ويمناك لا عدمنـاك

[دلول]

يسلموو يعطيك العافيه علي الموضوع المؤثر حسبي الله ونعم الوكيل

[الجادل الراعبيه]

اهلــين دلوول تسلمين يالغالــيه