>>وجهتها يمة الصرار وقصوره<<

[طبــ ع ــي كــذآ.. }~]

السلام عليكم ورحمة الله وبركاته



عوده من جديد ولكن هذه المره غييير

معي قصيده بحثت عنها في قوقل لين عجزت بس ماعينتها لامكتوبه ولا صوتيه مع العلم بأنها انتشرت عن طريق البلوتوث واستغربت اني ما لقيتها في هذا المنتدى الجميل مع ان الحفل منقوول بالصور كامله

على هذا الرابط

7

7

7
http://www.alejman.com/vb/showthread.php?t=73240

7

7

7

ما اطول عليكم هذي قصيدة ابن مرهان في مدح الشيخ خالد بن مشعل ال_حثلين وهو اهل للمدح ويستاهله بس في مشكله الشطر الأول من اول بين في القصيده مفقود اللي يعرفه يكتبه ولايهون

اسـتأذنتني من القيفان مأموره
قلت اقبلي ياقريحه بينش وبيني=من بيننا نبغي التطبيق بالصوره
تصوير الابداع من فني وتكويني=الشعر قدام عيني صف طابوره
تقبل بيوته على المعنى تحييني=تضرب تحياتها طربه ومسروره
قامت تزاحم على بيت(ن)وبيتيني=متتاليه كل بيت(ن) ينتظر دوره
صفيتها واستمرت بي تقديني=إلين رتبتها بالصوت والصوره
الشعر لازانت لحونه يسليني=اخوض معنى الشعر واغوص في بحوره
من بين الامواج من حين(ن)الى حيني=اطلع اصدافها والماس ودروره
كن المعاني ورود(ن)في البساتيني=اطب بستانها واقطف من زهوره
شاعر وبدع الشعر دايم يشاليني=الجرح مايعرفه يا كون دكتوره
قصيدتي عطرها كادي ورياحيني=بالعود الأزرق ومسك الطيب منعوره
خليتها تتجه حسب القوانيني=وجهتها يمة الصرار وقصوره
ديرة شيوخ(ن) فواعيس(ن) مسميني=بيوتهم بالكرم والجود معموره
مقصودي الشيخ خالد بالعناويني=اللي يمينه بكسب الطيب مخبوره
شيخ السخا والكرم في العسر والليني=على المراجل ثبت نهجه ودستوره
المدح ينقاد صوبك يا ابن حثليني=تستاهل المدح والوقفات مذكوره
ابوك مشعل ملاذ(ن) للمجليني =شيخ(ن)على الطايله ماتقصر شبوره
وجدك زعيم السلف سقم المعاديني=ضيدان وافعاله الجزلات مشهوره
مقدام الامجاد زيزوم السلاطيني=تشهد بطولات ابن حثلين وعصوره
خالد مقر الشجاعه بين الاثنيني=عريب ساس(ن) وصعب الراس واسطوره
شيخ(ن)فعوله تثبتها البراهيني=ماقلت علم(ن) قبل ما اوجه اسبوره
ما اسج من وقفة اللي ينزع الديني=وقف معي واحتظى الاشوار في شوره
يوم القدر ضامني والسيف حاديني=يوم الزمن ضدني واركا على جوره
كبرت علي القضيه واصفق ايديني=ضاقت ونفسي من الصكات محسوره
اصيح وازهم ولا احدن يلتفت فيني=ناس(ن) تسوق العذر ماهي بمعذوره
اقدم لها خالد وخاض المياديني=ثم قال ماهي على المرهان مقصوره
هذي على يااام و امد النياشيني=انا لها واحتماها ضارب(ن) زوره
وقف وميقاف خالد يعجب العيني=خلص نشبها وزال الضيم وجذوره
وقف لها يوم صار العلم علميني =في وقفته ترفعن البيض منشوره
ما اسج منها إلين اوسد يميني=من فزعة اللي تعزوا واحتمى دوره
جميل ابومشعل(ن)واجد وكاسيني=ماني من اللي يعبد الجحد والبوره
فرض(ن)علي دام رب البيت محييني=في ذمتي ذمة ٍ لا اجيه وازوره
ياشيخ الافكار في مدحك تناديني=واهديتها لك وكل(ن) يهدي شعوره

السموحه اذا كان فيه اي خطأ مطبعي لاني قاعده اسمعها واكتبها

اتمنى تحوز على رضاكم تحياتي

[بتاااار]

الله الله



ياسلام صح السانه رائعه وصف عجيب في المدح



وخالد بن مشعل يستاهل



يسلمو على النقل وماقصرتي


تقبلي مروري

[طبــ ع ــي كــذآ.. }~]

المشاركة الأصلية كتبت بواسطة بتاااار

الله الله



ياسلام صح السانه رائعه وصف عجيب في المدح



وخالد بن مشعل يستاهل



يسلمو على النقل وماقصرتي


تقبلي مروري

اخوي البتار

صح ابدانك ..

العفووو ..

اسعدني مرورك ...

[فهد بن مطلق]

ياسلااام ..

صح لـسان الشاعر على القصيده الفاخره / ويستاهل الشيخ خالد بن مشعل

وشكرا ً على هـ البادره الطيبه !! والنقل الجميل

[طبــ ع ــي كــذآ.. }~]

المشاركة الأصلية كتبت بواسطة العود

ياسلااام ..

صح لـسان الشاعر على القصيده الفاخره / ويستاهل الشيخ خالد بن مشعل

وشكرا ً على هـ البادره الطيبه !! والنقل الجميل

اخوي العود

صح ابدانك طال عمرك ...

الشكر لله وحده العفو ...

الغرض من نقل القصيده حفظ حقوقها لشاعرها ونقل صوته ..
وقصيده مثل قصيدة ابن مرهان تستحق بأن تأخذ مكانها في منتدى العجمان ..
لأن المادح والممدوح يستحقونها..

اتمنى اني وصلتها بشكل صحيح من دون اي نقص...

تحياتي لشخصك الكريم...

[@بنت العز ما تنهز@]

الله الله صح اللسان شاعرها
يستحق الشيخ خالد بن مشعل
هذا المدح

ولا هنتي عالنقل الرائع

[طبــ ع ــي كــذآ.. }~]

المشاركة الأصلية كتبت بواسطة @بنت العز ما تنهز@

الله الله صح اللسان شاعرها
يستحق الشيخ خالد بن مشعل
هذا المدح

ولا هنتي عالنقل الرائع

اختي بنت العز ماتنهز....

صح ابدانش فديتش...

ولا تعبتي يالشيخه...

العفووو طال عمرش..

اشكرك على مرورك الطيب..

تحياتي