انـا جــريح الهــم !

ناصر العظيمان · #1 20-08-2009, 11:34 PM

السـلام عليـكم

اقدم لكم قصيدتي هذي لعل وعسى ان تنال استحسانكم

.
.

احيــه .. من كبــدٍ بها ضــو منقــاد
ما تنطفـي نـاره .. ولو هبـت النـــود

بعـض الضلــوع تشـب .. و النار وقاد
وباقي الضلـوع الصـامده ما بها عود

النـار في قلبـي .. من الهـــم تزداد
والبـال في نـار المهمات .. معقـود

انـا جــريـح الهــم .. والهــم مـابـاد
تقبــل مظـاهيـره من الحـزن وتـزود

مـن الفـراق . اللي يشيب بالاولاد
فـرقا رجال الطيب .. والعـز و الجود

فرقـى رفيـقٍ شوفتــه مثل الاعياد
يا سعد عيني .. كل ما شفته يعود

لـو يبتعد ... ويطول فـرقــاه بـزيـاد
يغيب في الواقـع وفي القلب موجود

إلى متى ؟ ياهـم .. وتحــاول إيجــاد
دور الحزن .. والغم .. وتحاول تســود

لكن ! بوقف .. وقفةٍ ما بها حيــــاد
وبهزم جمـوع الهم .. لو كانت حشود

ما تطرح عزومي .. ولاهي لي انداد
العزم فيني ورث .. من جـد وجــدود

وذكـر الولي يجلي همومي والاحقاد
رب البشــر .. اللي به اجير ما احـود

وسلامتكـمـ !