خالد كميهان .. بقولك حاجه

[برقا]

السلام عليكم ..




مساء الجوري



قصيده قويه وحساسه جدأ وحبيت انقلها لكم




كلفتي نفسك حيل يوم اتصلتي ...
ماكان له داعي حقيقه اتصالك ..

سنتين خنتيني وعقب(ن)سئلتي ..
وش فايده عقب الخيانه سؤالك ..

على العموم بخير مهما فعلتي ..
مرتاح في شمسي ولابي ظلالك ..

بس الغريبه كيف انتي وصلتي ..
للحال هذا وصار هالحال حالك ..

وشلون من عالي مقامك نزلتي ..
في عين من طحتي من اول وشالك ..

لاتسكتي وشفيك يعني انخذلتي ..
عادي انا ياما خذلني وصالك ..

وكانك زعلتي وش يصير ان زعلتي ..
مشكلتك انتي هي مالي ومالك ..

الظاهر انك ناسيه ويش قلتي ..
ليه يوم اني كنت كلي حلالك ..

اجمل ليالي العمر بيدك قتلتي ..
طعنتي قلب اللي عنالك وجالك ..

ياليت يوم انك حكمتي عدلتي ..
ماكان قلبي شاف حب(ن)بدالك ..

هذي عمايل يدك اللي عملتي ..
جزاك من فعل(ن)عملتيه نالك ..

والحين في يدك ولاشي نلتي ..
غير التعب والهم ماشي طالك ..

بقول لك حاجه مادام اتصلتي ..
لاعاد عقب اليوم اشوف اتصالك !!


ممــا عجـــبني للشاعر خالد كميهان