يا جار كانك طعتني برقع الطير

[ذيب مطنوخ]

السلام عليكم ورحمة الله وبركاته
امسيكم / اصبحكم بالخير


هذي قصيده لشاعر/ هادي الرزقي

وهو شاعر جزل ومبدع في المجالين , مجال المحاوره والنظم
ولا اطول عليكم اخيلكم مع القصيده وارجو ان تنال على اعجابكم

ياجار كانك طعتني برقـع الطيـر
طيرك وحش واقلوبنا مستميتـه
لولاي رجلٍ من رجال بهم خيـر
ماصد واغض النظر من بخيتـه
ياجار طيرك كل ماعرّض اعصير
مدري علامه يلتفـت مادعيتـه
يمر كنّه شـارد الصيـد لاذيـر
لابوه لابو حـي حيّـه، وميتـه
اغير,وانذر، وانذر القوم، واغير
وابيع روحي، وانهـزم لابغيتـه
يردّني ياجـار طبـعٍ لنـا غيـر
الجـار مانـدرج لغـرات بيتـه
يبقا على حشمه، وشيمه، وتقدير
ويروح عنّـي بالـردا ماقفيتـه
من خوف شيِ مابعد صار،ويصير
يامّا هدمت البيـت ،والاّ بنيتـه
بعدٍ عن الهيّـن معـزّه وتوقيـر
ورجمٍ على غير النقـا مابديتـه
يحدني يـم الخطـا دون تبريـر
الي بلانـي بالهـوى ،مابليتـه
وانا بشر مني خطايـا وتقصيـر
الله يغفـر كـل ذنـبٍ جنيـتـه

[سالم العظيمان]

صح اللسانك ولسان شاعره

ولاهنت يا الذيب على النقل الطيب


~~~~~~