محــمد بن ساقان في مدح الطنــايا ,,رائعة

[مهندسة]

السلآم عليكم ورحمة الله وبركاته

محمد بن ســاقان كعادته يغرف من بحر الشعر وياتي لنا بدرة من درره

هذا القصيدة في قبيلة شمر .. انا مب شمرية لكن اعجبتني فوددت ان انقلها اليكم


اروو ذائكتكم بها :

من يم نجد00وشرق مكه00وطيبه
لين الديار اللي 00جنوب القريات
جيت بخفوقي شوق 00ماينحكي به
اكبر من حروف الشعر00والكتابات
شوق(ن) ماهوشوق الحبيب لحبيبه
شوق (الطنايا للكرم والجمالات)
ولو قالوا ان الدار ماهي قريبه
بقول : يعني ماتهون المسافات
ماهم بربعي بااليالي الصعيبه
أجل وربي ماحسبت المشقات
(شمر) ليا صك الصليب 00بصليبه
أهجد ياجن وأنس00لاهل الطويلات
يرضخ لهم هاالطيب حشمه وهيبه
ويرفع لهم بالعز00بيرق ورايات
ومن مرهم طرقي00بياخذ ضريبه
فنجال(اشدا من خضاب الخوندات)
والموقده00تشهد براس الرقيبه
ومن طيبهم ما ينزلون الطمانات
(والشمري) من طيب راسه وطيبه
به ميزة(ن) عدة حدود المروات
لاثارت الفزعات00لاتنتخي به 00!
لانه يثور من(الطنا دون فزعات)
الله خلقهم للمصيبه 00 مصيبه
وللنار نار00وللمعالي ريادات
وللموت موت 00وللهيبه لهيبه
وللطيب طيب00وللمراجل سيادات
لكن : بهم حاجه00ولاهي غريبه
يمكن يخون بها الشعر والعبارات
اليا بطشوا: خلوا المضارب عطيبه
واليا عطوا: ما مدوا الا الجزيلات
ما ارفع مكانتهم بشعر(ن) اجيبه
هم يرفعون حروف شعري مقامات
واخر ما اقول بالشعر وانتهي به
بحطها بقوسين واربع علامات !!!!
(الشمري ! عيبه ! وعيبه ! وعيبه !
اليا ارتكي للحمل شال الثقيلات )

وسلآمه قلوبكم / مهندسة

[ليبرالي]

يستاهلون شمر.. وشكرآ يامهنسة

[مهندسة]

ليبرالي منووور في حضورك وردك

مشكوور لاعدمنـــاك

[$ احلى من العقد لباسه $]

ونعم والله بشمر


لاهنتي ع النقل

[مهندسة]

مشكووور / ة على مرورك الكريم

لاعدمنـــــــــأك