بطــاقة مرور ( هاجسن حط جمره فوق غـــليونه )

[مهره أتعبت عسافها]

بطاقه بسيطه للتعريف لمن يجهلني

البارحه يـوم كلـن نامـت عيونـه=عيت عيونـي تنـام ولا هـدا بالـي

اقالب الفكـر وابـرد مـن غبونـه=وأقول يا لا لا لا له يا لا لا لا لـي

من هاجسن حط جمره فوق غليونـه=ينفخ نكوتيـن عيـا الجـو يصفالـي

ياهيه ياللـي عليـه يشعـب جنونـه=الريح ماحركت صخرة مـن العالـي

ماني على الناقصه من يبدع لحونـه=أنا علـى الوافيـات أجـر موالـي


مقعادي الصدر أنا مانيـب مركونـه=الصدر مقعاد أبوي ومقعـد لخالـي

والشله اللي علـى الشيـن يرمونـه=الشين طبع الردي في كل الأحوالـي

والتافهه تافهـه لـو كـان مزيونـه=تبقى على طبعها في المر والحالـي

فـي الـذم مانيـب فنانـه ومفتونـه=مار الاهانات ما ارضاها على حالي

أخايل الجـود لـو هـم مايريدونـه=في دربي أطا على الديبـان ب......

ياركلتن جيتي من الخلـف ممنونـه=أثبتـي ان الصـداره دوم منـزالـي

لي صاحبن يومي أذكر ضحكة سنونه=ربع فؤادي وتزهـر فيـه الأمالـي

ان قلت ياهووه أحبك قـال ياعونـه=أبك أنتي الحب كلـه بـاول وتالـي

الموقف اليا أحتمى مانيب مشطونـه=مادام خلـي بقلبـه فاحـت دلالـي

والبارحه يوم كلـن نامـت عيونـه=هيجنت يا لا لا لا له يا لا لا لا لـي

و س ل ا م ت ك م

[كحيـــــــلان]

صح لسانش ..,
واعتلى شانش ..’
ومشالله عليش .. قصيدش طيب .. ومنطوقش اطيب ..,
في انتظارش تروينـّا بالمزيد ..’
تقبلي تحياتي ..
كحيلان

[محسن بن خميّس]

الله الله

جعلش سـآالمه

/


صح لسـآنش ولاهنتي
الى الآمـآم يا مهره


/\

/|

[موادعك خيره..!]

عز الله انها خوش قصيده

عساش عالقوه

[s3odi]

الله الله

ابداع يامهره صح لسانش

لاهنتي ع النقل

[برقع صقرين]

خيـــــال خيــــال مهره

صح لسانك على هالقصيده

بصراحه روعه

اخوي ( سعودي) بس حبيت اوضح ان الشاعره هي اللي كاتبتها مو ناقلتها



تحياتي: برقع صقرين.

[عبدالله ال شامر]

صح الله السانش وتقبلي مرووري

[بدوية ماتهاب]

صح لسانك يامهره وسلم بنانك



قصيدة رائعه


نتمنى المزيد



تقبلي مروري

[سعد بن سريّع]

.

/

.

\



مهره اتعبت عسافها / صح لسانتس

فعلا يا لا له يا لا لا لا لي ، من التعابير الصادقه احيانا
صح لسانتس . .




دمتي بخير
سعد