ابن عفيشه والدوسري (( و اللــسان ))

[قاصد الخير]

قلط راشد بن عفيشه من بني هاجر هو وابنه عمير وكلهم من فطاحلة الشعراء في تاريخ الجزيرة وراشدفي ذالك الوقت قد اصيب بالعمى
وابنه عمير هو اللي يقديه
مع واحد ٍ من معارفهم في الحساء على جاره الدوسري من الحقبان عنده عشى وكرامة ووافقوها وقلطوا مع رفيقهم

الاكيد انهم قلطوا مع الاولين وتعشوا وقاموا

وقلط معزبهم الحقباني الدوسري مع التالين ما عين لسان الخروف وهو ما هو بخابر شاعر من ربوعه اللي حوله واللي معه

الاكيد انه تمثل ببيت واحد فقط وجاني في روايتين

يا جماعه من كلا لسان الخروف ... اللسان اللي فوق من اللهاه ----> هذا البيت جاني من شيبه من الحقبان
والثاني

ياجماعه من كلا مكلماني الخروف ....... راح فيها لين قال وعداه اللهاه

فرد عمير راشد بن عفيشه

قصه الشويف للي مايشوف .....وجعل فيه العافيه للي كلاه

وتبين الدوسري انه امام شاعر فحل ولانه ما عرف من هو عزمه وعشاه

وذي من عوايد الطيبين



منقول من مجالس قبيله بنو هاجر