كلن سمع شعـري ولا أحـدن قرالـي

[موكب]

السلام عليكم ورحمة الله وبركاته

أحب أهدي لكم هذه القصيده القديمه صراحه وحبيت إنكم تقرونها

وإن شأ الله بتحوز على رضاكم جميعا

إليكم القصيده المتواضعه

لفيتنـي غـالـي وروحــت غـالـي=ما صـار شـي ولا حصـل بيننـا شـي
ما جيـت أحبـك لجـل تطلـب وصالـي=ولا قلت أبيك تمـوت فينـي وأنـا حـي
يكفـي جـروح ويكفـي إللـي غـدالـي=وتكفينـي الوحـده ولـو لحمهـا نــي
علـى كثـر ما أحـب محـدن طرالـي=وعلى كثر ما إشتقت محـدن عنـى لـي
كلن عرف صدقي ولا أحـدن شكالـي=كلن نـوى قربـي ولا لامـس يـدي
كلن سمع شعـري ولا أحـدن قرالـي=كلن نظر يمي ولا أحـدن نظـر فـي
كـلـن يصـفـق لا تسـمع مـقالي=ولا أحدن سأل هو حب ؟ هوهم؟ هو غي؟
أكتـب مـن جروحي وشين جرالـي=والنـاس تستمتـع ولا همـهـا بـشـي
ولو كان شعـري يكتبـه شخـص سالـي=ما كان هز شعـورك وقلـت بـه ضـي
من شفـت فيـك الحـب خفـت من الليالـي=مـا راح تلقـى فـي ذرى خافقـي فـي
كـلـي جــروح ولا يفـيـدك دلالــي=إبعـد مـع غيـري وخـل الشقـى بـي
ليـه أحتـرق مـن واحـدن مايبـالـي=والجـرح لا مـن زاد ما ينفـعـه كــي
ودامـك تحـس وما جـرالـك جـرالـي=إبعد وخـل جـروح قلبـي كمـا هـي
إبعـد وخـل الجـرح هـو راس مالـي=وإذا طلبـت مواصلـك يالغضـي عـي
تراك لفيتـنـي غـالـي وروحــت غـالـي=وما صـار شـي ولا حصـل بيننـا شـي

وسلامتن تعم الجميع

[Khaled 100]

موكب ..

قصيدة روعه ...

اذا انت اللي كاتبها ...

بصراحة ... اهنيك على شاعريتك ...


لك خالص مودتي ..

[موكب]

يا هلا ومرحبا

اخي العزيز khaled 100

وانا بصراحه ما انزل بالمنتدى شي ماهو لي طال عمرك

وتسلم يمينك وتعقيبك اللي يشرفني

شاكر لك تواجدك معانا

تقبل تحياتي وتقديري

[كثير همة]

تـراك لفيتنـي غالـي وروحـت غالـي
وما صار شـي ولا حصـل بيننـا شـي

--------------------

تصفيييييييييييييييق حااااااااااااااااااااااااار

تصفيييييييييييير عالي

صح الله لسان من قال

لاشلت يمينه

تسلم يالموكب على هذه الراااااااااااااااااائعه اللي اتحفتنا بها


لك تحيتي

[عـزام]

كلن سمـع شعـري ولا أحـدن قرالـي=كلن نظـر يمـي ولا أحـدن نظـر فـي

أشهدنى بسمع لك واقرا لك عقب ذا القصيده


ابيات رائعه ومفردات جميله

صح الله لسانك يالقرم


وتسلم يمناك لا عدمناك

[تايه الغربه]

صح السانك يا موكب

تحية إعجاب ابعثها لك

[فيصل بن حجرف]

صح لسااانك اخوي موكب
وماهي غريبه عليك الابداعات والكلمات الرائعه
وننتظر جديدك وقديمك بعد

[مـحمـد]

الاخ العزيز موكب
صح لسانك على هذا الابداع
الزين مايجيب الا الزين يابو سعود

[غرنوووق]

تسسسسسسسسسسسلم موكب وربي روعه ..


ماشا الله عليك


لا تبخل علينااا خلنا نقرا كل جديدك


يعطيك العافية

[هند]

ودامـك تحـس ومـا جرالـك جرالـي=إبعـد وخـل جـروح قلبـي كمـا هـي
إبعـد وخـل الجـرح هـو راس مالـي=وإذا طلبـت مواصلـك يالغضـي عــي
تـراك لفيتنـي غالـي وروحـت غالـي=وما صار شـي ولا حصـل بيننـا شـي

صح لسانك أخي القدير
أبيات راااائعه

في إنتظار القادم

لك احترامي
السؤدد