السلام عليكم ورحمة الله وبركاته .
هذه قصيدة قديمة من أوئل قصائدي التي كتبت وأتمنى أن تعجبكم . وأتمنى أن تعطوني رأيكم فيها بكل صراحة.
دونك الحظ وقف ياحبيبي وطاح = ماقوى الحظ صوبك يستحث المسير
وقلبي إللي هجرته ياكثير المزاح = ما لهج غير بإسمك راجين فيك خير
ليت حبك جرحني ياحبيبي و راح = البلا إن طيف حبك في خيالي أسير
مايفارق ظنوني طيفك إللي أستراح = خلف حدب الضلوع ووسط نون النظير
إن تبسمت رفرف قلبي بلا جناح = وإن تكدرت طرفي لأجل عينك سهير
وإن تبعدت عنك صابني لك شفاح = وإن تقربت منك أصطليت بسعير
صار حبك عذابي في المسا والصباح = ما لقلبي فكاك ولا لروحي مطير
يا حياتي طلبتك بادري بالسماح = وأرحمي قلبي إللي من عذابك خطير
وش حياتي بدونك إلى نويتي المراح = مالها اليوم قيمة دام مابه خشير
حسبي الله على إللي مانواه الفلاح = حظي إللي رماني بين رمضاء وهجير
وســـــــــــلامتكم
أخوكم / محمــــــــد العرجــــاني
26-01-2005, 01:19 AM
العرض العادي
