أخواني أخواتي حبيت أشاركم في هذه السالفه والقصيده اللي اتمنى انها تحوز على رضاكم,,
السالفه هذي صارة ل علي بن حسين الرفده الحبابي (قبل حوالي 8 سنوات) عندما كان يبني بيت أبيه وكان أول شي بدا فيه هو بناء المشب وذلك لحبه الدائم في جمع الضيفان ولايسوي الشاهي والقهوه الا هو(عوايده), المهم فبينما هو يتابع العمال اثناء البناء الا باحد الأشخاص(من نفس القبيله, من معارفه وعنده كم قرش) يقوله بأسلوب جاف ومتعلي"خلص بيتك بعدين فكر في المشب" وهو له مغزى . فهاضت قريحة علي وحب يذكره وش انتم قبل وجدنا واحد.... واليكم القصيده
قالوا أتعبك المزاج وقلت لا بالله = مايتعبني لو انه حيل عناني
كله يهون لعيون الجمر والدله = وجمعة أخوان وبني عم لهم شاني
هم حزامي لابدا في وقتنا خله = وشيخنا رايه سديد طير حوراني
ابن وازع لاتعقد حبلها حله = عارف ويقابل السيات بأحساني
مرحبا" الفين والحجان منفله = بمجلس اللي يقري الضيفان والعاني
يوم عسر الوقت يفرز دقه وجله = شايبي يمناه ياهل الجود نيشاني
يوم كل"ن" خش في دحله على غله = طبعنا ياضيف قل للضيف ينصاني
فدوته منهو عثر والله مادله = مادرى ان الرزق بيد الله كريماني
من وشينا والعطاء ياسامعي خله = ميزة"ن" ماهي تجي ياكود قوماني
والوفاء والصدق والطيبه له جبله = ذي طبيعة سيدي وطبوع شيباني
ماذخر ماله لو انها شح ومقله = يتعب ليا جت مواجيبه كحيلاني
ول يادنيا تقلب مالها مله = الثعل يشبع وذيب الريع جوعاني
العطيفي جدنا والعلم ياصله = يشهد الله والخلآيق قاصي وداني
لابتي وافخر بها وأما الردي خله = في عبيد وملتقانا راس جبراني
في رشيدا" عزوتي والسيف والسله = في حباب وملتقانا صلب سنحاني
والجحادر والحباب عيال عبدالله = عرق مروا" ياولد والساس قحطاني
وسلامتكم
18-07-2005, 10:01 PM
العرض العادي
