قــــم يانـديبـــــي

[عبدالله الشولاني]

مسيكم بالخير,هذا واحد من اخوياي جاه ولد وسماه علي وكتبت فيه ذا القصيده,واتشرف اني انزلها بالمنتدى.ودمتم.

قم يانديبي فوق رنجن وكاله=كنّه من المينا امحًول لحاله
محوال شيخ امقدّرن عند ربعه=عقب البطا أقبل عليهم بفاله
عاده على الزيرو وتوّه مورّد=محدن سبق جابه ولاحدن سعى له
متميّزن باللون والوصف كايف=يملى عيون اللي تعنّا وجاله
كلن يبي شوفه وكلن يودّه=وكلن على ماقيل زوّد هباله
من قيمته تذهل كبار العقولي=عسرن ولاحدن قد جِلب له وناله
فّر السويك وهاك مني وصيّه=ومن وادي العجمان وجّه شماله
وان جا النعيريه فلفّه يسارا=على الحفر وجهك وخلّه اقباله
واكرب على الدعسه وثقَل يمينك=ولا تحاتي له وتحسب عطاله
طوّل على خالد وخلّه يدندن=وشبّ الزقاره وارفسه لاتساله
مايمسك الرادار سرعة طريقه=يوشوش الجاهاز لامن بدا له
ولامن دخلت الديره اللي تبيها=انشد من الكايد زعيم الشكاله
فارس ابو ناصر زبون المجّنا=اللي يمينه مظهراتن افعاله
لاجيت له لابد فيك الكرامه=لاتجادله مادام ضايع جداله
على الشحم والطيب والعود لازرق=وبيدور فنجالن وعقبه ابياله
وعقب الكرامه طالبك حبّ خشمه=وقلّه من العجمي ترى لك رساله
مضمونها يامرحبا يالسنافي=ياذا الزميل اللي يصون الزماله
وانا على يمناك وان جا مجالي=غدت حياض الموت عندي سهاله
ابشر بعزّك وانتهض لي واجيلك=احزامك اللي ماتصيبه خماله
وانا علي واجب وحق السموه=إن آعنى لشخصن يبدّي وصاله
هذا وصلو عد شوف البروقي=على النبي محمد وصحبه وآله

[فيصل ال رشيد]

لاهنت

[مح ـمد بن حبنان]

صح لسانك ياعبدالله على ذلجزله لاهنت لاهنت جازتلي الله يعطيك العافيه وننتظر ابداعاتك

[العــــديم]

وانا على يمناك وان جا مجالي
غدت حياض الموت عندي سهاله
ابشر بعزّك وانتهض لي واجيلك
احزامك اللي ماتصيبه خماله


كفو ياعبدالله
وصح لساانك ملاايين

[عبدالله الشولاني]

فيصل ال رشيد
محمد بن حبنان
العديم
صحت ابدانكم ولاهنتو فديتكم,واكبر شرف مروركم

[مخلد علي العتيبي]

صح لسااااااااااااااااااااااااانك