مطلق بن شويه

[ناصر بن فالح]

الصدر ممحل غرام .. ومرتـوي صـدّه=والعين غصن السهر فيها ثنـى عـوده
لولاي رجل ٍ محـد وايـق علـى سـدّه=فضحني الشوق في باسـه ومجهـوده !!
أدلّـه الصـدر بيـن الضيـق والشـدّه=الوقـت دوّار .. والأعمـار مـحـدوده
لـو كـل واحـد يجـي ودّه علـى ودّه=ماطال صبر العقيم لشـوف مولـوده !!
راعي القناعه ليـا مـن الزمـن حـدّه=يرضى بحـظ ٍ ذخـر جـوده وماجـوده
يابيض الأحـلام لاتمسيـن مسـودّه !!=بشايرك فـي نواصـي الخيـر معقـوده
حي الله اللي عليـه القلـب مـن مـدّه=كنّـه سحـاب ٍ يمـد يديـه للـسـوده
أبطـى وحـس الضلـوع يقـول لابـدّه=رجله على الدرب !! وعيونه على العوده
إيّ بالله أقبل جفـول الريـم مـن قـدّه=يشيـل روض الجمـال بكـامـل وروده
كنّه بيجـزم ولْـه !! وأنـا علـى حـدّه=وأغضيت شوفي يمين شوي .. ياكوده ..
.. إليا تمثنـى قفـص صـدري ولا ردّه=ما ياخذ القلب في رمحين من سـوده !!
اللي قلـوب أكثـر العشّـاق فـي يـدّه=تسعـى لغاياتـه .. وتطّمـح لمقصـوده
لو كان ماهيـب ورث ابـوه عـن جـدّه=لكنّهـا كسـب حجانـه وعنـقـوده !!
سلمتـه الـروح وأغليتـه علـى البـدّه=يرعا مفالي حشـاي .. ويـارد عـدوده
من كثر مـا أتـوق لـه وأغليـه وأودّه=تنقص مقامات بعض النـاس مـن زوده
عليـه الأشـواق .. محتـرّه ومـبـردّه=ويلي على نفحة النسنـاس مـن نـوده
ما والله أقسى على العاشق مـن الصـدّه=الا أن كبـده بحـد المـوس مـقـدوده
لكنّـه العشـق لامـن زاد عـن حــدّه=ياكثـر ماياخـذ !! ويـاقـل مــردوده
أن حطّك براسه .. ونـواك مـن جـدّه=مايحتـرم نفسـه !! ولايمسـك حـدوده
فيه التناقض وجمع الضد مـع ضـدّه !!=حاجات معدومـه .. وحاجـات موجـوده
الله عطا (السوده) اللي ماعطـا (جـدّه)=والله عطا (جدّه) اللي ماعطـا (السـوده)

[حــروف الحــب]

من كثر مـا أتـوق لـه وأغليـه وأودّه=تنقص مقامات بعض النـاس مـن زوده

ارسطوو

صح السانك والسان مطلق بن شويه ..
قصيده جزله وارئـعه ..

ولاهنت


حروف

[محمد بن سعود]

الله عطا (السوده) اللي ماعطـا (جـدّه)=والله عطا (جدّه) اللي ماعطا (السـوده)

وهو صادق

ارسطووو

تسلم ولاهنت

وصح لسان مطلق

[شرس]

صح السان الشاعر مطلق

ارسطووو


اختيار رائع

والله يعطيك العافيه

[ناصر بن فالح]

ولا انتي مس حروف

شاكر لك المرور والتعليق

[ناصر بن فالح]

ومن قال سالم يا ابو سعود

وشاكرلك على المرور طال عمرك

[ناصر بن فالح]

وجودك اورع اخوي الشرس

وشاكر لك مرورك اخي

[مهرةٍ اصيلة]

لكنّـه العشـق لامـن زاد عـن حـدّه=ياكثـر ماياخـذ !! وياقـل مــردوده
,
,
أن حطّك براسه .. ونـواك مـن جـدّه=مايحترم نفسـه !! ولايمسـك حـدوده

الله الله


صح لسانك يا ارسطوو ..

وصح لسان مطلق بن شويّه ..


ولاهنت على النقل الطيب ..



تقبل كل الود ..

إختك .. مهرةٍ اصيله

[@الشيــــــــــــنه@]

ما والله أقسى على العاشق مـن الصـدّه
الا أن كبـده بحـد المـوس مـقـدوده

لكنّـه العشـق لامـن زاد عـن حـدّه
ياكثـر ماياخـذ !! وياقـل مــردوده



صح لسااان الشاعـر : مطــلق بن شـووويه



ويعطيك العافيـه ارسطو

[الاحرش]

صح لسان الشاعر / مطلق بن شويه



ولاهنت


يا ارسطووو على النقل