عندي رصيد الطيب مثل الملايين

[مشعان]

بســم اللــه الرحمــن الرحيــم

الـي اخــوانـي الاعــزاء اكتـب لكم هــذه الابيــات عســى ان تنــال اعجابكـم


عنــدي رصيــد الطيب يســاوي ملاييــن

ياليتني ماجيت عبدون وموله = وياليتني ماشفت فيه المزايين

ياهيه انا رجلٍ واعرف الرجوله = وعن الردى يانفسي لازم تقفين

وش يعني لو خذيت دور البطوله = بدون مخرج حتى ولا معدين

والله لو في عرفك ربح وعموله = ابي الخساره بس عني تولين

اخذي كلامي واخذي يابنت اصوله = بصد عنك قبل انتي تصدين

كم صولةٍ يابنت عندي وجوله = خذيت من سنيني عبره وعناوين

وان كان قلبي مايل اعرف ميوله = يميل للي ابيها سقم المعادين

هذا الكلام اللي اقوله وطوله = ويابنت مني صعبه انك تطولين

لامن رقيت ارقا يابنت بسهوله = اعشق انا العالي ومثلي سلاطين

لاني غنيٍ ولا عندي سيوله = عندي رصيد الطيب يساوي ملايين

الطيب والله ماهو عودٍ وتوله = الطيب طيب النفس والله يازين

والشي لاجا بسهوله راح بسهوله= وانتي مثل ماجيتي لازم تروحين

[ابوحمد الشامري]

لاهنت اخي العزيز مشعان على هذه القصيدة الجميلة والرائعة وننتظر ابداعك القادم يا السنافي.

ابوحمد الشامري

[فيصل بن حجرف]

صح لسانك اخي مشعان
والله يعطيك العافية على الكلمات الجميلة وننتظر جديدك

[راكان اليامي]

صح لسانك اخي مشعان
والله يعطيك العافية على الكلمات الجميلة وننتظر جديدك

[حسايف]

ياسلام ياسلام

صح لسانك ولاهنت علي هل قصيده الجميله

[أم ثامر]

الطيب والله ماهو عود وتولة الطيب طيب النفس والله يازين
صح لسانك أخي مشعان ... كلمات كلها قوة وعنفوان ... بس ديربالك من مكة مول تراه ألعن من عبدون مول ...

[مشعان]

اخواني واخواتي
اشكر لكم حسن التعبير والاطراء الطيب ومروركم على القصيده

والتعليق الجيد وارجو ان اكون وفقت في اختيار ماهو مناسب لكم

والى الاخت ام ثامر انا جيت مكه مول مع انه ضخم لكن ما اعجبني لانه مزعج من كثر زحمت الشباب وعبدون يكون هادي والجو ممتع فيه !

ان كان غــرك شكلـي بحلـه جديــده ___ موضه جديده وقلبي مابه جديدي

انت الـذي بقلبـي وتمشــي بوريــده ___ وان كان غيرك فيه بقطع وريدي

انتـي قريبـه حتـى وانتـــي بعيــــده ___ وانــا في قلبك والله ماني بعيدي


ـــــــــــــــ

هذا ابيات من قصيده راح تكون معكم في اقرب وقت

ودمتــم ســــالميـــن

[فلاح ال مخلص]

لاهنت اخي العزيز مشعان على













هذه القصيدة الجميلة والرائعة













وننتظر ابداعك القادم يا السنافي.

[مشعان]

اشكر الاخ فلاح ال مخلص على الرد الطيب
والله يوفقني في كل ماهو جديد

[متعب الوقت]

قصيده جميله وتشكر عليها.ولاني مجاملك يااخ مشعان القصيده ينقصها بعض الوزن هي وقصيدة عجيل. لاكن بدايه جيده وموفق انشالله وامل انك تقبل تعليقي.........شكرً