كبّ الرومنسيّه وردّ الخبَرْ عنّي @ قدّام ينقال : ضحّكته وبكّاني .!

[فهيد بن عصيدان]

صباح الخير .,

ردّيه بيني وبين إخي وزميلي الشاعر سعد بن مناحي الدوسري , وقصيدتي لاتعبّر بالضروره عن وجهة نظري

المهم , يقول سعد :

يا فهيد بآخبّرك .. رد الخبر عنّي = وانا رجل مسعري وانته .. سليماني

لكنّك تفرّق الشيعي .. عن السنّي = وإليا حسبتك ؟ حسبتك .. حسبة إخواني

لا واحلالاه .. لو إنّي .. ولو إنّي = يا كثر ماني بآردّدها .. على لساني

الفرصه تمّرني وتطوف .. ما كنّي = كنت أنتظرها .. ولا وقـِـفت على شاني

زهقت من حزني وحزني .. زهق منّي = شف من متى .. يا فهيد احزاني \ اوطاني

وتعبت من دمعتي لا خالفت ظنّي = أدناة ما صار للغالين .. بكّاني

يوجعني الغالي . إليا من دلْه عنّي = وانا ؟ أحسب إنّه يموت .. ولا تناساني

كان يعشقني وانا شاريه ..لكنّي = مدري من اللي بدا واخطا على الثاني

زيّنت له دلّتي .. لين إنكهه بنّي = ما كرّم .. وعذرب الدلّة .. وخلاّني !!

العام لا من بغيته ..جاك متعنّي = واليوم لو آتطلّب فيه .. ماجاني !

والله إن غيابه إمن العام .. محـّزنّي = عاد انت .. لاعاد تنشدني عن احزاني

لكن لو لا الأمل ما يبتسم سنّي = عساني ألقى عوض ضيقي .. وحرماني

عرفت هالحين ..ويش اللي مجننّي ؟ = أدناة ما صار من غالين .. بكّاني

وقلت انا :

الهاجس المُعتَبَرْ ماهوب متونّي=لاقارشه هاجسٍ فاجر وبطراني

شروا هجوسٍ نتاج الانس والجنّي=راعيه مجنون لاحيته ولاحاني

لوماني بمنّه ., ولوماهو بمنّي=أعتبْره مْن إشققاي وصُلب جدّاني

أفاخر بخوّته فالسنّ والعنّي=قدّام صدْقاني ., وقدّام عدواني

جاني الخبر عنّك ., وردّ الخبر عنّي=ياللّي علومك علوم وقلبك إيعاني

بعطيك من خبرتي وأفنّ من فنّي=وماني معلّم مَنْ المجْني مِن الجاني

إمجرّبٍ حالتك من قبل لكنّي=مانيب قايل صدقت وجاك ماجاني

من قبل لاتختلف وتونّ وتحنّي=تذكّر إنّ الهوى ماله طَرَفْ ثاني .!

لو إنّ تالي الزّمان الحبّ غابنّي=فأنا لي أسلوب ولْي أشكال وألواني

كلٍ على جوّه أعطيه الهوى لأنّي=مانيب مكلوف ., يذكرني وينساني

ماني مقمّن حبيبٍ مايقمنّي=قدّام ينقال : ضحّكته وبكّاني .!

فإن كان لي حاجةٍ في خوّته فإنّي=بسوّي إنّي عَشَقت وبركب إحصاني

بصْدِق بوجهه ويعننّي ويعننّي=ومافيه صدقٍ من اللّي قاله إلساني

وإليا نشدْني كذبت وغنّ يامغنّي=بأغيّر إسمي وميلادي وعنواني .!

لين آخذ الحاجه اللي معْه وآكنّي=وأسحب على مذهبه وأجفاه بالعاني

ياتي على سَنّته وأروح مستنّي=وإن كان دوّر عليْ معاد يلقاني

لاالخاطر إيكتّم ولاالدّمعه إتدنّي=مرتاح ., وأعطي عليه ْدروس مجّاني

كبّ الرومنسيّه وردّ الخبَرْ عنّي=قدّام ينقال : ضحّكته وبكّاني .!

وسوالم

[فلاح بن ملبز]

حجز 1

[احمد بن جوفآن]

فهيد ابن عصيدان ..

صح لسانك مليار ولا يكفون ..

وصح لسان الشاعر سعد بن مناحي الدوسري ولا هان ..

ابدعتو يالشعار وبيض الله وجيهكم ..

تقبل فائق احترامي لشخصك ..

اخيك / احمد الجوفان .

[سالم الرتيبان]

ارررحب يافهيد صح لسانك ولسان خويك مبدعين وانت عارف مدى اعجابي بقصيدك

[نـاصـر]

صح لسان المسعري وصح لسان وجه آل مساوا

[مناحي الصميل]

صح الله لسانك يا فهيد

وصح الله لسان سعد بن مناحي الدوسري

على الرديه الجزله


ابدعتوااا




تقبل مروري .

[فهيد بن سالم]

حجز 2

[فهد بن مطلق]

سعد مناحي

وتعبـت مـن دمعتـي لا خالفـت ظنّـي=أدنـاة مـا صـار للغاليـن .. بكّـانـي

يوجعني الغالي . إليـا مـن دلْـه عنّـي=وانا ؟ أحسب إنّه يموت .. ولا تناسانـي

كـان يعشقنـي وانـا شاريـه ..لكنّـي=مدري من اللي بدا واخطا علـى الثانـي

زيّنت لـه دلّتـي .. ليـن إنكهـه بنّـي=ما كرّم .. وعذرب الدلّـة .. وخلاّنـي !!

العـام لا مـن بغيتـه ..جـاك متعـنّـي=واليوم لـو آتطلّـب فيـه .. ماجانـي !

والله إن غيابه إمـن العـام .. محّزنّـي=عاد انت .. لاعاد تنشدني عـن احزانـي

لكـن لـو لا الأمـل مـا يبتسـم سنّـي=عساني ألقى عوض ضيقي .. وحرمانـي

عرفت هالحين ..ويش اللـي مجننّـي ؟=أدناة ما صـار مـن غاليـن .. بكّانـي

الله الله



فهيد

بعطيك من خبرتي وأفـنّ مـن فنّـي=وماني معلّم مَنْ المجْني مِن الجانـي

إمجـرّبٍ حالتـك مـن قبـل لكنّـي=مانيب قايل صدقت وجـاك ماجانـي

من قبل لاتختلـف وتـونّ وتحنّـي=تذكّر إنّ الهوى ماله طَرَفْ ثانـي .!

لو إنّ تالي الزّمـان الحـبّ غابنّـي=فأنا لي أسلوب ولْي أشكال وألوانـي

كلٍ على جوّه أعطيه الهـوى لأنّـي=مانيب مكلوف ., يذكرني وينسانـي

مانـي مقمّـن حبـيـبٍ مايقمـنّـي=قدّام ينقـال : ضحّكتـه وبكّانـي .!

فإن كان لي حاجةٍ في خوّتـه فإنّـي=بسوّي إنّي عَشَقت وبركب إحصانـي

بصْـدِق بوجهـه ويعننّـي ويعننّـي=ومافيه صدقٍ من اللّي قالـه إلسانـي

وإليا نشدْني كذبـت وغـنّ يامغنّـي=بأغيّر إسمي وميلادي وعنوانـي .!

لين آخذ الحاجه اللـي معْـه وآكنّـي=وأسحب على مذهبه وأجفاه بالعانـي

ياتي علـى سَنّتـه وأروح مستنّـي=وإن كان دوّر علـيْ معـاد يلقانـي

لاالخاطـر إيكتّـم ولاالدّمعـه إتدنّـي=مرتاح ., وأعطي عليه ْدروس مجّاني

كبّ الرومنسيّـه وردّ الخبَـرْ عنّـي=قدّام ينقـال : ضحّكتـه وبكّانـي .!

هذا الكلام

صح الله السانك والسان ابن مناحي الدوسري

[بــ ــــــــرق]

الله الله



صح لسان المسعري


و


صح لسانك يا فهيد



لا هنت على النقل



تقبل تحياتي



بـــ ـــــــــــرق

[شخص عادي]

اخوي الشاعر فهيد بن عصيدان صح السانك يالامير وصح السان المسعري

لاهنت وبيض الله اوجيهكم كلكم على القصايد الجزله

تقبل مروري