رَحَلتْ .. وعِقبكْ الدنيا غلاها طاح مِنْ عيني

[الحلا مبتليني]

الســــلام عليكـــم ورحمــة اللـــه وبــركـــاتـــه

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيني)

اتمنـــــــى تنـــــــال عـــلى اعجـــــــابكــــــــم احبتـــــــــــي ...

اختكـم : الحــلا مبتليني

[ريم الصيد]

تسلم يمينج الحلا

ذووق

لاهنت

[ذايع الصـيت]

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني
-----------------------------
أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْم وردي .. لا تصحيني
-----------------------------
تعَالْ: إنْ كِنتْ تعشقني وإذا فِعلاً تبي لي خيـر
تعَالْ: ومِدْ لِي .. كَفْ الوَصِلْ .. وآمِدْ كَفينـي

إذا كانْ الجِفا واجِبْ بدى مِنْ قلبـي التقصيـر
أبيكْ الحِينْ .. تِرجَعْ لِي ولا تِرجَـعْ تخلينـي

الحلا مبتليني الله الله الله
إبـداااااااااااااااااااااااااااااااااااع .... إبـداااااااااااااااااااااااااااااااااااع

صح لسااااااااااانك وسلمت أناملك وأحاسيسك بما خطت لنا من ذوق راقي
وروووووعة الإحساس حقيقة ً يعجز المتلقي عن الكتابه والمدح لهذه المعلقه

تقبلي مروري وإعجااااااااابي بهذه القصيده الأكثر من رائعه بكل المقاييس

في إنتظار المزيد والجديد من رواااااائعك كهذه الرائعه

تحيااااااتي أخوك / ذايع الصـيت

[الحلا مبتليني]

ريوم نورتي


يالغلا

[الحلا مبتليني]

ذايع الصيــت


كـــل الشكــــر لك اخـــــوي ع شـــرف المـــرور وع هذا الاطراء


لاهنت مليار نورت المتصفح

[dont play with me]

الحلا مبتليني




صح لسانش واختيارش الرائع والجميل



قصيده جميله



شكرا ً

[شخص عادي]

الحلا مبتليني يااااااااااسلااااااااااااااااااااااااام تسلم يمينش واختيارش الرائع وذوقش الاروع ونقللش

وصح السانش وصح السان كاتبها

لاهنتي على اختيارش للقصيده وشهادتي فيش مجروحه وذلك لذوقش الرائع دايمآ

أشُوفِكْ في صباحي إنتْ مَعْنَى يا صباح الخيـر =وأشُوفِكْ في مَسَائي حِلْم وردي .. لا تصحيني

تقبلي مروري

[على دروب الغانمين]

صح السانش والسان الشاعر على الاختيار


قصيده روووووووووعه



لاهنتي على النقل

[الحلا مبتليني]

دونت لاهنت ع المــرور العطر

[الحلا مبتليني]

فــووعاان


كل الشكر لك ع شرف المرور
وع هالاطراء تسلم

نورت