حــــــــد الـــســـيــــف !!

[محمد بن صويان]

الثقـه بالنفـس عنـوان النجـاح=
نقصها بالنفـس عنـوان الفشـل
أحفـظ الباقـي تـرا مـاراح راح=
وأدرك أن العلم خير مـن الجهـل
وكـل ماهبـت ذعاذيـع الريـاح=
أغتنمهـا مثـل ماقـال المـثـل
وان ورثت امروية علـط الرمـاح=
أخذ منهم ماستطعتة مـن عمـل
أنصحك بالصبـر والدنيـا كفـاح=
واحتمل ياشامـخ النـاب الجمـل
عاقبة صبـر المكافـح الارتيـاح=
من مشا بالدرب بأمـر الله وصـل
ومايعيـق القافلـه كثـر النبـاح=
لو نبح من خلفهـا كلـب وثعـل
والسقامـه ماتماثـل بالصحـاح=
والوقاعـة ماتمـاثـل بالـزلـل
وللقوافي شرح وللبـال انشـراح=
ذا وذا فـي وارد الشاعـر كمـل
موجزٍ في جـد والا فـي مـزاح=
مثل حد السيـف للمعنـى شمـل
من ضرب عنقه من الدنيا استراح=
ومن ضرب بة عنق من خاصم قتل
وللنظر في لمعة السيـف ارتيـاح=
ان لعب به كل من لسيـف أهـل
وفيه تطهيرٍ وبـه عـز وصـلاح=
وفيه عدل ألمن بشـرع الله عـدل
قالـوا ان البـوح طـبٍ للجـراح=
وأختصرت وقيل اقـل الشعـر ادل

[سالم الرتيبان]

صح لسانك يامحمد ولاهنت على ذى الجزله
ودعتك الله

[فلاح بن ملبز]

أرحب يا ابن صويان

وصح لسانك على ذا الجزلة

ولاهنت

[احمد بن جوفآن]

يـا سـَلآآم يـا سـَلآآآم


محمد بن صويـان ,,


نص فـاااخر بصراحه ..

صح لسانك مليون ولاهنـت يالاميــر ..

وبإنتظار جديدك ..

[محمد بن شبنان]

صــــح لســـانك على القصيــده الجزله

[محمد المجول]

الله الله

محمد بن صويان

صح الله لسانك مدد ماهوب عدد

قصيده جزله من راس جزل

أبدعت

تقبل تحياتي ومروري المتواضع

أخوك

[مــقــبــل]

:


:

الله الله الله


مــحمد بن صويان


أهــنيك على ذا الفاخره

والله يشهد أني دخلة للتصفح ولكن أجبرتني ذا القصيد على تسجيل الدخول


صـــح الله السااانك

:


:


وللقوافي شرح وللبـال انشـراح
ذا وذا فـي وارد الشاعـر كـمـل



وشهد بالله أنك كملتها يابن صويان

[سالم العظيمان]

موجزٍ في جـد والا فـي مـزاح =مثل حـد السيـف للمعنـى شمـل
من ضرب عنقه من الدنيا استراح=ومن ضرب بة عنق من خاصم قتل
وللنظر في لمعة السيف ارتيـاح =ان لعب به كل مـن لسيـف أهـل
وفيه تطهيرٍ وبه عـز وصـلاح =وفيه عدل ألمن بشـرع الله عـدل
قالوا ان البـوح طـبٍ للجـراح =وأختصرت وقيل اقـل الشعـر ادل

صح الله لسانك يابن صويان ...

قصيده طيبه ووصف جميل ونظر بعيد يتقمس من خلال ابداعك بتعدد خدمات المثل الذي ظربت به مضوعك


تقبل مروري واعجابي

[وكيل آدم]

الله الله
الله الله
الله الله



محمد بن صويان

صح السانك ,, وأعتلا شانك ,, شاعر جزل ومبدع ,, وحضورك مميز وجميل ,,

بصراحة كل بيت أقوى من الثاني احترت وش اختار من زينها ,,


لله لا يضرك يابن صويان ,, وفي انتظار جديدك دائما


سجل متابعتي وأعجابي

[الأصـمـعـي]

الله الله

صح لسانك على هـ الحكم والجزالة المفرطة

وتقــ تحـ ومروري ـياتي ــبل