ملامح الفرقا

[تمّام المجماج]

السلام عليكم ورحمة الله وبركاته

مصافحتي الثانية آمل أن تحوز على رضاكم وترتقي لمستوى هذا الصرح الشامخ بأعضائه ومادته


(( ملامح الفرقا ))

ياصاحبي بالجو عج ومعاصير=نذير سوٍ للعشيق ومصيره
ملامحك تنبي بمنفا وتهجير=للمغرم اللي ما رضا بالكسيره
لا تقول لي تعبان والبعد لي خير=من قال لك في بعد الاحباب خيره
صور لك العَذّال بالبعد تصوير=شويرك اللي بالردا فاح كيره
كانك قنعت براي راع المخاسير=اللي شقا للبعد واشقا بعيره
فانا حفيد اهل الظفر والمناعير=لابارك الله بالغرام وعبيره
للمقبل إقبالي حيامٍ على بير=وللمنكف إنكاف القطا مستذيره
وفي صاحبي ماطيع عذّال ومشير=لو كانت جيوش العواذل مغيره
أثني له اليمنى وبالثانيه سير=وصدري مدرع للسيوف الشطيره
لعيون من شاف الرفاقه معي غير=اللي يناظرني بعين البصيره
والحب له بالقلب سطوه وتاثير=وريح الندى بالسيف يعدم جفيره
لكن ما اخضع له ولو كان تعزير=عزيز في طبعي وكبدي مريره
واكما جروحي وانتهض كني الطير=اللي يصخر كل برقا شريره
وحتا همومي لو تجيني طوابير=اصبر ولي بالصبر اجرٍ وخيره
وياصاحبي هالحين.. خل المعاذير=قرر..لو إن العظم عاف الجبيره
بانت بك الخله وانا مستشك مير=عيني بصيره والسواعد قصيره
لا عالمٍ غيبك ولا ادري وش يصير=بالرفقه اللي بينت لي نذيره
و(( الصبح موعدكم )) وتصبح على خير=(( والهرج يكفي صامله عن كثيره ))

وسلامتكم

تمّام المجماج

[احمد بن جوفآن]

يا سلام يا سلام

.
.


جزااله وابدااع صراحه

..

تمــَام .. صح لسانك يالشـَاعر

وبيض الله وجهك على هالفـاخره ..

ولا تحرمنا من جديدك طال عمرك

.
.

تقبل مرور إخيك

[وكيل آدم]

للمقبـل إقبالـي حيـامٍ عـلـى بـيـر
وللمنكـف إنكـاف القطـا مستـذيـره
وفي صاحبي ماطيـع عـذّال ومشيـر
لـو كانـت جيـوش العـواذل مغيـره




ارحب يالمجماج


عز اللة انها كايفة وفيها شعر


صح السانك مدد

وفي انتظار مصافحة اخرى

[برنسيسة القلوب]

و(( الصبح موعدكم )) وتصبح على خير
(( والهرج يكفي صامله عن كثيـره ))

صحححح لساانك

وبيض الله وجهك


قصيدة في منتهالروعه

فيها حس الفرقا والامه

نص اعجبني بكل مافيه

تقبمروري

برنسية القلوب

[ناصر بن ذروه]

الله الله

صح السااانك


تحياااااتي

[تمّام المجماج]

المشاركة الأصلية كتبت بواسطة احمد بن جوفآن

يا سلام يا سلام

.
.


جزااله وابدااع صراحه

..

تمــَام .. صح لسانك يالشـَاعر

وبيض الله وجهك على هالفـاخره ..

ولا تحرمنا من جديدك طال عمرك

.
.

تقبل مرور إخيك

صح بدنك اخوي احمد


و وجهك ابيض يالقرم


شاكر لك مرورك واطرائك لا خليت منك

[تمّام المجماج]

المشاركة الأصلية كتبت بواسطة وكيل آدم

للمقبـل إقبالـي حيـامٍ عـلـى بـيـر
وللمنكـف إنكـاف القطـا مستـذيـره
وفي صاحبي ماطيـع عـذّال ومشيـر
لـو كانـت جيـوش العـواذل مغيـره




ارحب يالمجماج


عز اللة انها كايفة وفيها شعر


صح السانك مدد

وفي انتظار مصافحة اخرى

فيك البقا يا مرحب وجعلك تسلم

صح بدنك عددت ما ذكرت واكثر يالذيب

والكايف والله مرورك وردك لا خلينا منك