ياوجودي وجد من غاب ورجع لدياره .!!!

[محمد بن سعود]

المراره !! لها النصيب الاكبر من اسمها


ما اصعب ان تتذوق المراره اكثر من مره


مرارة الغربه .. ومرارة الفراق




اووووووووه .. ليتك كل مانتذكره نستطيع العوده إليه



اترككم مع قصيده رغم مرارتها الا انها لبست وشاح العذوبه وتاج الوفاء


اترككم معها

ياوجودي وجد من غاب ورجع لدياره=جابه الشوق القديم اللي لعب بافكاره
بعد ماعاش الفراق وذاق .. مرّ الغربه=عاد والدنيا الصغيره دائماً دوّاره
حين مرّ المنزل اللي قد قضى به عمره=غاب عن واقع زمانه لين .. حبّ جداره
ولجّت أشواق الحنان الخافيه في صدره=والدموع تفوح ودموع الوفاء فوّاره
وسار فيه وفكّ كل ابوابه المقفوله=بعد ماخيّم عليه من الزمان غباره
كل بابٍ يفتحه يفتح عليه جروحه=ويتذكر جوهرة عمره وشمعة داره
قام يذكر ويتذكر ما مضى له كلّه=مع حبيبة عمره اللي رافقت مشواره
قام يذكر حسنها وأخلاقها المحموده=قام يذكر ويتذكر وقتها وأخباره
قام يذكرها وهي تضحك معه وتسولف=يوم تسمع مايقول وتبتسم لأشعاره
قام يذكر يوم تترك ماتبي لعيونه=لاجل يرضى تترك اللي ودّها تختاره
قام يذكر لوعة الفرقا وتلك الليله=وكيف كان الدمع فيها ماتجفّ أمطاره
قام يذكر يوم فاضت روحها قدّامه=لحظةٍ يفقد بها الرجال كل أطواره
وقبل تلفظ روحها وأنفاسها الأخيره=إنظرت نظرة مودع ماوراه .. زياره
من رضاها رددت ليه البكاء يا .. باكي=ضحكتك تسوى زماني لو طفنّ انواره
لاتكدر خاطرك .. خاطرك عندي غالي=وانت مؤمن بالقضاء خيره وشرّ اقداره
ابتسم .. ودعتك الله وادع لي بالرحمه=والوقايه والنجاه من العذاب وناره
رددت ودعتك الله يالحبيب الأوحد=وخنقتها العبره اللي .. وقفت محتاره
قام يذكر لين صاح الصيحه المذعوره=صيحة من قوّ .. أثرها صاحوا أهل الحاره
وفزعوا له بالطبيب وبالحكيم ..القاري=وأعلنوا سرّ الوفاه .. أعصابه المنهاره
ذاك وجدي ياحبيبي في غيابك عنّي=والغلا يزداد عندي مانقص مقداره
ايه أنا عاشق واترجم مايكنّ إحساسي=والهوى لو زاد وجدي ماتبوح .. اسراره
ياحبيبي والله إني مانسيتك لحظه=لكن اذكرني رعاك الله لو بزياره .!

[النقال]

حجز 1 يابن سعود

[مناحي الصميل]

روووووووووووعه يابو سعود


صح الله لسان قايلها وناقلها



عز الله انها على الجرح



الله يردك سالم وتقرّ عينك بأحبابك وديرتك



احترامي .. لك ولـ ذائقتك

[المحامي vip]

الله واكبر

صح نقلك وصح لسان شاعرها

الله يردك سالم يابوسعيد

[الـــروح]

سلمت على هالاختيار ..

ومرارة الفراق طعمها امر من العلقم ..

تحياتي لذوقك ..,.

[برنسيسة القلوب]

صح لساان القاايل

وتسلم ابو سعوود عالنقل


واالله لا يروينا مرارة الغربة الا على خير

[محمد المجول]

الله الله

صح الله نقلك يابوسعود

وصح الله لسان شاعرها

بالفعل كل شي يهون إلا مرارة الغربه والفراق

تقبل تحياتي

أخوك ومغليك