دواسرفوق الخيول كواسر

عجمي يحب لدواسر · #1 13-12-2004, 01:16 PM

حنا الى حل القدر دسـنا الخطر=والحايم الظميان وردناه

نرويه دم مـن كبــود عـدانا=ونصدره رويان من مرواه

يشهد لنا بالحرب ضرب سيوفنا=والجمع لاشفناه فرقناه

ويشهـد لنا من زارنا في دارنا=واللي يقوله فعلنا قلناه

افـعالـنا بالحرب ترفع روسنا=والمجد حنا ساسه ومبناه

حنا هل الوادي بسـيف ومنسف=وكل يلاقي عندنا جزاه

دواسر فـوق الخيـول كواسـر= ياسعد منا محمزمه سعداه

نرمي بنيران الحـروب كبـودنا=لا ضاق من عج الخيول سماه

سم سقطري فـي كبـود عـدانا=وايضا تري من جا لنا جيناه

حـنا نـداوي خـصمنا بالعلـة=يروح جرحه فيه مانساه

حنا هل الغرس الظليل الـداجي=نرعي صخاف الشول في مضماه

وحـدودنا بسيـوفـنا محـدودة=نرعي بها والضد ضديناه

ورا بني رمح جنوب حـدودـنا=والخرج رسم حدودنا وراه

حامينها يوم الـقنا يقـرع الـقنا=بمزرج تشرب وراه اعصاه

ومشـوك ماهـس فـي مضرابه=بين الثنادي والظهر يشلاه

بعنا النفوس الغاليـة من دونـها= واما الفخر والمجد مابعناه

هـذا كـلام الشاعـر الودعاني= من مطلعه قلته علي معناه

تمشـي به الأقـلام في كل ديره= واللي ثقال الروز قدمناه

مثـايل يطـرب لـها عـدادها=مثل الذهب ياربح من شراه

هـذا وأنا مـن لابة معـروفـه= سقم الحريب اليا عثا بشواه

لطّـامة العايل عـنـان العاصي=لاعضت النجذ علي الشفاه

ما فاز جمع والـوداعـين ضده=يرجع بغله زاهد دنياه

وان كبرت القالـة وجت بالحمايا=ذيب عوي قاد الذيب عواه

من كان فـي زايـد وفا بالوعايد= لبي ندا الداعي لادعاه

من كل فـج جـا وصوب الوادي=مع كل شيخ لابته تتلاه

جينا كـما بحـر الى هاج والتطم= مايشرب الظميان بارد ماه

ودعانـي ورجـبانـي وعـماري=والمسعري خوض الحروب مناه

وآلاد حـسن والمخاريـم درعـنا= مركاظهم والله ما ننساه

وما فـشل جمع فيه لاد الحبيـبي=من كل حر طيب مجناه

وعمور لامن صك حاجب حاجب=اروا حمهم يوم اللقا مهداه

وان جا الغيـيثي في مقاديم سرية=تكبر علي عدونا بلواه

ولاد الحريجي ويل من بنحورهم=ضربة قضا تعطي الخصيم دواه

ومن كان في تغلب الى سمع الندا=جانا وسيف الزير في يمناه

تـرسي رواسينا وتفعـل يديـنا=وان صك جمع جمع حطمناه

حنا حماة الدار والجار والـوطن= كم عايل بالسيف طوعناه