مجاراه لقصيدة الشاعر ماجد المهنا طعنات وظماد

[أبن رشـــــود]

السلام عليكم ورحمة الله وبركاته

أخواني أعضاء ديوانية العجمان

مبروك عليكم العيد

وجعله يعيد عليكم كل سنه


قبل فترة بسيطه قريت قصيده لأخوي الشاعر ماجد المهنا بيطار الشعر وأعجبتني وجاريتها بأبيات متواضعه وأرجو أن ترتقي ألى ذائقتكم

مع العلم أن لو أحاول لن أصل الى مدى جمال ورونق قصيدة أخوي ماجد ولست بشاعر لكن ابيات روادتني بالمخيله فأردت أن أطرحها عليكم::


قصيدة أخوي ماجد::


( طعنـات و ضمـاد )

الشتاء اقبل وضو الشوق فينـي =واصبحت ضوي عقب زولك رماد
اشتكي حر البعاد لمـوق عينـي=وانتي يحلالـك عذابـي والبعـاد
يا وجودي وجد قـومٍ نازحينـي=اجبروهم عـالرحيل مـن البـلاد
حاكـمٍ ظالـم وجنـده حاقدينـي=ذلـو العـز بطغيـان وفـسـاد
خلو كبير القوم ضمن الصاغريني=واحرمو صغيرهم طعـم الرقـاد
جند لا تؤمن بـرب ولا بدينـي=وحاكمٍ قلبـه توشـح بـالسـواد
قامت ادموعي تحدّر فـي يدينـي=مثل ما يبكي ( جبير ابن عبـاد )
وضع مستعصي وعيا لا يزينـي=من عنادٍ في عنادٍ .. فـي عنـاد
يا عذابي كل ما يعـرق جبينـي=واتباشـر بأنهـا كبـوة جـواد
اتفاءل وادري ان حظـي دفينـي=ميتٍ من عادني وسـط المهـاد
هقوتي ماهيـب تتعـدى يمينـي=كن ظني تحت رحمه مـن زنـاد
وادعي اللـي رازقٍ أم الجنينـي=رافعٍ سبـعٍ شـداد بـلا عمـاد
تدفي اطرافي وتنشـف دمعتينـي=وينتشل قلبي من اثيـاب الحـداد
ان كان يحلالك عذابي عذبينـي=والله انـك غاليـه هـذا وكـاد
( واطعنيني كـان ودك تطعنينـي=لأن طعناتك يجي معها ضمـاد )
وجعلني ما ابكيك دامك تذكرينـي=وجعل يومٍ فيه غبتـي مـا يعـاد

الشاعر ماجد بن عبدالله بن جلوي المهنا الشكري الدوسري

أما مجارتي لأخي ماجد

ياقصيدي وان زهمتك لاتجيني= غير بأبياتٍ جزيلاتٍ أحداد

أن بغى المنكوس ولا بالهجيني = المهم آنآآ نوفيه المراد

يم ماجد يابيوتي وصليني = وصليني لجل أواسيه البعاد

قافه اللي من سمعته مهتويني = قمت أغني به وجافيت الرقاد

كل قاسي لاسمع قافه يليني = الجماد يذوب له حتى الجماد

صايغآ معناه باللحن الحزيني = والسبايب كلها ظبي الحماد

يشتكي من عذبه طول السنيني = ذاق لوعات الجفا عقب الوداد

كن حالك مثل حالي ياعويني = ياعويني ويش أسوي ويش فاد

لي سنه وشوي جرح الشوق فيني = ماكنآ في وسط مكنون الفواد

ماجداي ألا التنهت والونيني = وأذرف العبرات وأصفق بالأياد

خابره لا جيت له لازم يجيني = مع مطب الريع في طرف النفاد

قال يامنذر علامك ماتحيني = لاتكثر حولنا هرج النقاد

رح لأبويه وأطلبه بأنك تبيني = لاتخليني على هم ونكاد

الخطاطيب الكثيره مزعجيني = وأنت يامنذر مناتي والمراد

ثم لفيت العود طلق الحاجبيني = قلت ياعمي عسى عمرك مداد

جاين أخطب منك أنا صافي الجبيني = جادلآ ريحه مثل ريح الزباد

ثم تبسم وأبتسم حظي اللعيني = من سمعته قال توفيق وسداد

ثم عرض لي جعل فاله فال شيني = عمها ياجعل عمره للنفاد

قال محجوره وخل العلم زيني = قبل لاتآآصل على قدح الزناد

ذا وجودي يالمهنا في خديني = وجد من هو ضاع عمره في كباد

وطرقك اللي من سمعته مهتويني = قمت أغني به وجافيت الرقاد

وياقصيدي لازهمتك خابريني = ماتجيب الا الجزيلات اللأحداد

وسلامتكم عرض وطول

أخوكم منذر بن حمد بن رشود الشكري الدوسري

[فيصل بن حجرف]

السلام عليكم
يامرحبا ومسهلا يابن رشود وصح لسانك على القصيدة الرائعة
كلمات في قمة الروعه لا انت ولا الاخ ماجد المهنا
وعيدك مبارك وكل عام وانت بخير

[ابن راعي الفحمه]

صح لسانك يالشاعر

وصح لسان ابن مهنا يعطيكم العافية

اخوكم العسكر

[عـزام]

ياقصيدي وان زهمتـك لاتجينـي=غيـر بأبيـاتٍ جزيـلاتٍ أحـداد

أن بغى المنكـوس ولا بالهجينـي=المهـم آنــآآ نوفـيـه الـمـراد

يا سلالالالالالالالالالام يا سلالالالالالالالالالام

ابن رشود

ارررررررررررررحب تراحيب المطر


مجاراة رائعه تدل على شاعر رائع


صح الله لسانك مليوووووووووووون


ولا هنت يالسنافى

تسلم يمناك لا عدمناك

[ابو محمد]

صــــح لســانك يابن رشــــود

[مصلح]

صح لسانك يا بن رشود انت وماجد لاهنتو

[ماجد المهنا]

السلام عليكم ورحمة الله وبركاته ..


مسيك بالخير ..

أخوي .. وولد عمي .. الشاعر / منذر الشكري ..


قصيدتي غاليه عندي .. وزاد غلاها يوم جاريتها يا بعد راسي ..


ابو حمد .. صح لساااانك مليووون تردف مثلها ..

انت خابر رايي بشخصك وقصيدك .. ولو احكي ولو اقول .. ما راح اوفيك حقك ..

وافي يا ابو حمد وماتمد الا الجزال ..


*

( بيطار الشعر )

لقب يشرفني يا ابو حمد .. خاصه انه جاء من شخصٍ غالي .. وانا اعتبره وسام قلدتني اياه يا ابو حمد .. وافتخر به ..


واتمنى اني اكون عند حسن ظنك يا ولد عمي .. والربع ..


لاهنت على كل حال .. والربع اللي ردو ..


ولا خلا ولا عدم ..



شاعركم /


ماجد ابن مهنا ..

[وافي]

أن بغى المنكـوس ولا بالهجينـي
.........................المهـم آنــآآ نوفـيـه الـمـراد


بعدي انت

اشهد بالله انك وفيت بمجاراتك


رائعتين وشامختين


سلمت روسكم يالطيبين



وافي

[أبن رشـــــود]

العجمي صح بدنك


المرحب باقي يالغالي


ولاهنت على مرورك اللذي اتشرف به

ولا خلا ولاعدم


اخوك ابن رشووود

[أبن رشـــــود]

العسكر العجمي



صح بدنك ياغالي


ولا خلا ولا عدم


اخوك ابن رشود