مجآرة بين الشاعر: سدآح والشاعر الكبير:سلطان الهاجري.

[ﺂلـِ͡ـِبطْـِرﺂڼ ̸~]

بسم الله الرحمن الرحيم


السلام عليكم ورحمة الله وبركاته

صبجكم\مسيكم بالخير

اليوم جبت لكم مجآرآة بين الشاعر سدآحالعتيبي & الشاعر الكبير سلطان بن وسام الهاجري.
..
..
..
يقول الشاعر: سدآح العتيبي ,,,
يا شعرنا المـوروث طالبـك السمـاح ... عـنـي وعــن شـعّـار جـيـلـي كـلّـهـا

ماني وكيل الورث وأفلـح يـا فـلاح ... لا شــك قـسـمـي ف الـرعـيّـه جـلّـهـا

حـنّــا عـيــال العـولـمـه والإنـفـتــاح ... وأنـتـه علـومـك خلّـهـا فـــي حـلّـهـا

الفلـك دايـر مـن صبـاح إليـا صـبـاح ... حـلّــت عـلـيـك الـلــي تـبــا تحتـلّـهـا

مـاهـوب لازم نــآآرد الـعـد الـقــراح ... كـثــرت مـواردنــا ولا تـفـطـن لّــهــا

العام فـي ظـل الشجـر والـورق نـاح ... والـيــوم تكفـيـنـا الـقـصـور وظـلّـهـا

تصبح ونضرب بك على الحزم البراح ... وتمـسـي خــلاوي والـدمـوع تهلّـهـا

ميـر أقتنـع بالحـال واللـي راح راح ... ريّــح ضـمـيـرك والـحـواجـب فـلّـهـا

يـا ملقّحيـن الحـيـل .. ولــدنّ اللـقـاح ... تقـاسـمـوهـا .. لا تــمــوت بـغـلّـهــا

هبّـت نسايـم ليـل مـن مبسـم نـجـاح ... يـالـيــل بـلـغّـهـا الــســلام وقـلّــهــا

(جمهور الأستديو ) على خفّ وجناح ... وإلــيــا تـثـنّــى عــودهـــا طـبـلّـهــا

والنـاقـد المنـقـود ســـاق الإقـتــراح ... وضيوفـهـا نضـحـك لـهــا ونمـلّـهـا !

رزّت علمـهـا بـاشـة الـغـيـد الـمــلاح ... أصـبــر علـيـهـا والـسـيـوف تسـلّـهـا

المجـتـهـد عـيّــا يحـالـفـه الـنـجــاح ... أظـن ســاس المشكـلـه فــي حلّـهـا

المصلـح الله كــان تبـغـون الـصـلاح ... والله يـخــلــي ل الـخـلـيـلـه خــلّــهــا

اقـرب مثـل يلبـق عـلـى طـلّـة نـجـاح ... الـلـي عـقــد روس الـحـبـال يحـلّـهـا
..

..
.
.
فقآل: الشاعر سلطان بن وسام الهاجري ,,,,

سحـابـةٍ غــراء تكفكـفـهـا الـريــاح ... كــبــدا تـجـرحـهـا وكــبــد تـبـلـهّــا

فيهـا الرعـد يرعـد وفيهـا البـرق لاح ... اعمـل لـهـا لـكـن ويــش اعـمـل لـهّـا

لقيتها كيـف الصحـاح مـن الصحـاح ... تطـلـع لـهــا الـعـشـاق مـــا تنـزلـهّـا

شامـيـة مــا شوقـتـنـي لـيــن فـــاح ... ريــح العـويـدي يــوم جـيــت ازلـهّــا

فنجالـهـا لـلـراس كـيـف وانـشــراح ... يكفـيـك مـــن كـثــر الـنــوادر قـلـهّـا

ســـداح ابسـمـيـه دكـتــور الـجــراح ... عـلــى قـصـيـدتـه الاخــيــره كـلـهّــا

لـكــن قـبــل الـعـولـمـه والاجـتـيــاح ... عـرب يهـرج لـهـا عـجـم يـرطـن لـهّـا

عـيـن يفرجـهـا عـلـى زرق الـرمــاح ... والعـيـن الاخــرى بـالـخـلال يخـلـهّـا

والكبد ضميا والسراب الضيـح ضـاح ... يـــا مـلـهـا يـــا مـلـهـا يــــا مـلـهّــا

الـلـي يـريـد يـزيـح شــي مــا يــزاح ... روابـعــه يـحـفـر لـهــا يـدفــن لــهّــا

الشعـر فيـه انـواع والشـعـر المـبـاح ... اذا مـا اعــز اسـمـاء هـلـه مــا ذلـهّـا

واللي على ظهر الجمـل لاطـاح طـاح ... وزراء يـصــل لـلــي يــبــا يـاصـلـهّـا

رزاح تقـريـبـا قـــدر صـخــرة رزاح ... وغـيـره مـاغـيـر يحـطـهـا ويشـلـهّـا

وانا ما اصافح راعي الكف الشحاح ... والا الـكــريــم يـسـلــهــا واســلــهّــا

..
..
وسلآمتكم وصح لسآن الشعار المتميزين.

[مرتاح أحبك]

بطران

لاهنت على النقل المميز. الرائع
وصح لسان الشعار ولسانك
وبيض الله وجهك

[العز بالسيف]

بطران
وعليكم السلام ورحمة الله وبركاته
مشكور على النقل الموفق
صح الله ألــسنة الشعراء , ولاهنت
تحياتي

[ذيب الخزامي]

الله الله بطراان لاهنت على النقل

وعزالله ان كل وحده اجزل من الثانيه ,,,,,

[ﺂلـِ͡ـِبطْـِرﺂڼ ̸~]

المشاركة الأصلية كتبت بواسطة مرتاح أحبك

بطران

لاهنت على النقل المميز. الرائع
وصح لسان الشعار ولسانك
وبيض الله وجهك

ولآ انت ..
وصح بدنك..

وجهك ابيض .

[ﺂلـِ͡ـِبطْـِرﺂڼ ̸~]

المشاركة الأصلية كتبت بواسطة العز بالسيف

بطران
وعليكم السلام ورحمة الله وبركاته
مشكور على النقل الموفق
صح الله ألــسنة الشعراء , ولاهنت
تحياتي

العفوو . .

ولآ انت . .

اسعدني مرووركـ

[ﺂلـِ͡ـِبطْـِرﺂڼ ̸~]

المشاركة الأصلية كتبت بواسطة ذيب الخزامي

الله الله بطراان لاهنت على النقل

وعزالله ان كل وحده اجزل من الثانيه ,,,,,

اررحب ذيب الخزآمي ..

ولآ انت ..

اسعدني مرووركـ ..

[مح‘ـمد بـن وذيـن..!]

تسلم يميـنك ع النقــل ...


وصح الله لسسـآن الششـعــآر ..


تحيـآتي لـك..

[ﺂلـِ͡ـِبطْـِرﺂڼ ̸~]

المشاركة الأصلية كتبت بواسطة مح‘ـمد بـن وذيـن..!

تسلم يميـنك ع النقــل ...


وصح الله لسسـآن الششـعــآر ..


تحيـآتي لـك..

ويمينك سالمه من عذاب النار انشاءلله

صح بدنك

ولآهنت على المرور .

[ﺂلـِ͡ـِبطْـِرﺂڼ ̸~]

مرتآح أحبك
.
العز بالسيف
.
ذيب الخزامى
.
محمد بن وذين

لآهنتو على الرد واسعدتني مشاركاتكم