المستشار على كرسي الاعتراف

[راعي العشوه]

بسم الله الرحمن الرحيم

اخواني اخواتي اعضاء ومشرفين منتديات العجمان الكرام

تحيه طيبه وبعد

نلتقيكم من جديد بالخير والمحبه مع ضيفنا الكريم واخينا العزيز اللذي طالما اتحفنا بمواضيعه و مشاركاته وردوده نستظيفه اليوم ولمدة اسبوع ليجيب على اسئلة اخوانه الاعضاء فهذا اخيكم المستشار معكم الآن منصت ومستمتع


اما سؤالي المعتاد هو
بطاقتك المدنيه ؟
وسؤال جديد
شعورك حول هذا الاختيار ؟

لكم تحياتي وإحتراماتي
أخوكـــــــــــــــــــــم


راعي العشوه

[كويتي]

تحياتي لـــــــك يا راعي العشوه

الله لا يهينك على هذى الموضوع

المهم سؤالي حق الاخ المستشار

انت متزوج ولا عازب وكم عمرك

كويتي راعي البل

[الوطن]

اشكرك اخى راعى العشوة على هذا الطرح
واللى راااح ابرد حرتى فيه
لانه قال عنى كبيرة ودبه
والحين
اخذ السؤاااااااااااااااااااااااال


1- كم عمرك
2- كم وزنك
بدووووووووووووووون كذب

[بنت راكــــان]

السلام عليكم ورحمه الله

ونحيي اخينا الكبير (المستشـــــــار ) وبيض الله وجهك اخي راعي العشوه على الاختيارك الطيب لشخصيه الاسبوع )

وعندي لك كم سؤال وماراح اكثر ادري الاخوان مو مقصرين فيك

1* اخر كتاب قرأه المستشار ؟؟ ومن هو الكاتب الذي تميل اليه ؟؟

2* هدفك في الحياه؟؟

اكتفي بذالك اخي الفاضل

وفيه مثل يقول اعرف شخصيت من امامي من اسألته ؟..

وش تقدر شخصيتي

في امان الله

ويمكن يكون لي عووده

[اليامي]

ههههههههههههههه

هلا والله بالاخ الكبير بشيبتنا المستشار

حياك الله

انا والله مشغو اليومين ذي

لكن افظالك و أرويك بالاسئله

تحياتي

[فيصل بن حجرف]

السلام عليكم

ياهلا وغلا في شيبة المنتدى

وسؤالي لك..بما انك بلغت الاربعين قبل كم يوم..شنو شعورك بعد ماصكيت الاربعين؟؟

والسؤال الثاني..شنو اكثر موضوع عجبك في المنتدى؟؟

وسؤالي الثالث شاللي تشوفه ناقص في المنتدى؟

وسؤالي الرابع..متى اخر مره رحت الوادي؟؟

وسؤالي الخامس....
ولا خلها بعدين

تحياتي

[المستشار]

أشكر أخوي راعي العشوة وأنا مكشر بس من داخلي مستانس ،، اشلون مدري.

كنت متوقع هالمطب وانكم راح تحطوني فيه ،، بس أنا حاضر وأتشرف فيكم أخواني وأخواتي .

شعوري ؟؟ عادي لأني متوقعها وأنا ما أخبي شي.


يا كويتي إطلع منها يعني ما تدري ؟؟

بطاقتي المدنية ،، تقصد بطاقتي الشخصية ،، شنو تبي تسجل أسهم في البنك الإسلامي ؟؟ هههههه على العموم أنا راح أقول أكثر المعلومات العامة وأخلي الباقي للأسئلة الشخصية والتي تودي بداهية بس هم راح أجاوب عنها ، أما بطاقتي الشخصية هي كالتالي :

الاسم : سالم ،، من آل ناجعة ،، يعني عجمي
والاسم الحركي : أبو فهد
الوظيفة : خبير تخطيط استراتيجي وتطوير - هذا صباحا
وأيضا أعمل كمستشار للتطوير الشخصي والتدريب ،، ومستشار سلوكي واجتماعي .
خريج جامعة الكويت 1986
مكان العمل : الخطوط الجوية الكويتية
السكن : دولة الكويت الحبيبة
العمر : 40 سنة و3 أيام
متزوج والحمد لله عندي 3 بنات وولدين
متخصص في العلاج بالتنويم المغناطيسي
مدرب عالمي معتمد في البرمجة اللغوية العصبية
ممارس معتمد في البرمجة اللغوية العصبية
ممارس معتمد في العلاج بخط الزمن
ممارس للعلاجات البديلة والطب الصيني والإبر الصينية
مستشار في مركز الطب البديل في الكويت
عضو الجمعية العالمية للبرمجة اللغوية العصبية
عضو النقابة البريطانية لمختبري التنويم
حاصل على حزام أسود في فن الأيكيدو وحزام أسود في الموشندو وهي رياضة دفاع عن النفس.
مدرب للقراءة السريعة والقراءة الذكية والكمية
مدرب لفنون الاسترخاء والتنويم
مدرب لفن إدارة الضغوط النفسية والعامة
مدرب للمهارات القيادية وتطوير المهارات الشخصية
ممارس للعلاج بالطاقة - الريكي


وزني يالدبة 70 كيلو ،،، والله توني وزنت بعد ما طلعت من التمرين



بما أني مدرب للقراءة السريعة فأنا دائم القراءة ، وآخر كتاب قرأته هو مهارات متقدمة للتدريب الجماهيري ،، عبارة عن ورشة وتدريبات من 680 صفحة .

تعودت إني ما أطوف أي كتاب أو مقالة تفيدني فليس المهم الكاتب بل المعلومة ،، يعجبي توني بوزان ،، وانتوني روبنز ،، وجوزيف ميرفي ،، وغيرهم الكثير.

هدفي في الحياة إرضاء ربي وأن أطور من نفسي باستمرار ،، كما أنه يوجد بعض الأهداف الشخصية التي أفضل الاحتفاض بها لأنها ما تهم الأعضاء في شي.

أما عن شخصية الجادل من أسئلتها فأنتي مثقفة وملتزمة ولديك الكثير من الحنان والاحترام لنفسك وللغير ،، على فكرة ليس من طبيعتي الحكم على شخصية الآخرين بسرعة ،، فقط ردا على طلبك.

شعوري بعد الأربعين : ممممممم ،، عادي ،،، مستانس ،، وحصلت الكثير من الهدايا ،، بس الهدية اللي في بالي ما حصلتها للحين ،، مو متوفرة في السوق ،،، نغزة ،،، ههههههه

أكثر موضوع أعجبني هو فكرة إنشاء المنتدى نفسه ، واياض مواضيع عديدة من الكثير من الأعضاء وخصوصا أخوي زبون كيمو في تقليعاته الخيالية ووسع أفقه وسرعة بديهته.

الشياء المفقودة في المنتدى يمكن كثيرة ،، وفي نفس الوقت أرى أنها لم يحن وقتها بعد ،، مثل قسم السياسة والتصاميم والرياضة وغيرها ،، وهناك أيضا وجود أكثر من ستايل للمنتدى ..

آخر مرة زرت الوادي : والله ماأذكر يا خوي بس اعتقد قبل 3 سنوات . لإانا كثير السفر بالطائرة كما تعلم حسب طبيعة عملي في الخطوط وكذلك للدورات الخارجية ،، ولا أحب السفر في البر . بس أهل الوادي أهلنا ولهم حق الزيارة ،، مع إني حضري ولا أعرف الكثير منهم .

أتقبل أسئلتكم بصدر رحب وسعيد بجميع المشاركات .
كما أتقبل تبرعاتكم على حسابي في سويسرا ،، اووووه سوري مو هنيه ،، في قسم الترفيه والطرارة.

على فكرة يا بوعبدالله : مستانس وداز لي مسج لأني صرت على كرسي الاعتراف ؟؟ ايه قاعدين بس حق الشماتة ،، ههههه ولا تفزع لي ،، والا لأنهم توهم خالصين منك ،،، ههههههه



تحياتي للجميع

[فيصل بن حجرف]

هههههههههههه

شنو شعورك يوم وصلك المسج؟؟؟
على فكره انا اللي مختارك ترى
بعدين يوم وصلك المسج وين كنت وشنو كنت تسوي؟؟
بعدين ماوراك دوام بكرى ليش ماتنام؟؟
انا بروح انام اشوف ردودك بكرى انشالله لان عندي دوام
باي

[المستشار]

عادي استانست

كنت في النادي وقريته بعد ما خلصت التمرين
قاعد أرد على الأسئلة وأسوي بحث حق بنتي

تصبح على خير

[cool]

السلاااام عليكم ورحمة الله وبركاااته

أحب اشكر اخي ابو عبد الله على اختيااارك والمقدمه الحلووه من اخي راااعي

العشوة واستمراار اللقاااءت مع الاخواان والاخوااات من الأعضاااء.

بعد اذنك ابو فهد عندي كذا سؤال لو سمحت تجااااوب عليها بسعة صدر مثل

ماتعودنا منك .

السؤال الاول :

موقف حصل لك تتذكره دااايم وماهي الاسباااب اللي تخليك تتذكره ؟

السؤال الثاااني :

بما انك مستشااار سلوكي واجتماااعي ماهي اكثر المشاااكل اللي تعرض

عليك وايها اكثر من الشباااب او الشااااباااات ؟

السؤال الثااالث :

بما اننا في وقت التقدم والتكنلوجيا هل تعتقد استفاااد منها العااالم العربي

وخاااصه حنا جيل الشبااااب ؟( يعني اطلع منها ابو فهد لانك شااايب )

السؤاال الرااااابع :

كاااتب في المنتدى تحرص على متاااابعة كتااابته او كتبااااتها ؟

مشكور ابو فهد على سعة صدرك على اسئلتي واعتذر على الاطاااله .

كـووول