ستة آلاف من البشر تصبح هواياهم بدون

الاصيل اليامي · #1 20-04-2005, 09:03 PM

البارحة أقشر هجوسي على الخافق تمون = رحبت به قبل يتفضل بالتحيه والسلام
وأسرجت له خيرة همومي من كبيرات الغبون = وعطيته السيف المهند والكحيله والحزام
وقلت استمع قول الحقيقه لا خيال ولا طعون= حقيقة ٍ ما مرت التاريخ في عصر الزحام
أنا ما غنيت القصيدة كون من بعض الحزون = يشهد علي الله ما غنيت القصيدة للغرام
لا بارك الله في الحمام اللي خذاني باللحون = ولا بارك الله باللحون اللي يغنيها الحمام
ولا بارك الله في الاذاعه يوم طاح المكرفون = ولا بارك الله في الصباح وبارك الله في الظلام
لا الارض ارضي ولا السماء تحضن مراويح المزون= مادام عشنا يا هالأمة على خير وسلام
ستة آلاف من البشر تصبح هواياهم بدون = أعرب عرب شبه الجزيرة في الهوية والمقام
يا هل قرارات التعسف في قطر لا تعبثون = اللي تسوونه في هالعالم حرامٍ في حرام
بالله قولوا يا زبانية التصهين وش تبون= الله يلعن مثلكم ما بين زمزم والمقام
جهاتكم متعاكسة وآراءكم في التلفزون = لكن بلاها الله بحب البهرجة في كل عام
يا منفرين أبناء الخليج وكاسبون رضا شارون = مكاتب اسرائيل في الدوحة تداوم بانتظام
فيكم طياشة عقل والطوشة نهايتها جنون = وفيكم ضعافة نفس مدري هلوسة مدري انفصام
فتحتم التجنيس للبربر وغير المسلمون = وعشتم على تزييف واقعكم دمقرط طاح قام
انتم تشيلون الجذور وتنزعون وتحرقون =النسل والارض العذية والصليب من العظام
الارض تبكي والمراح و عد قومٍ راحلون = حزن الشجر من حزنهم واصفّرت جذوع الثمام
يا كيف بالله تشربون وتاكلون وترقدون = والشعب ينفى دون حق ودون دستور ونظام
ما تعرفون انكم على هذي السوايا تسألون = في صفحة التاريخ يكتب بالسواد لكم ملام
يا هل ثقافة هايد بارك مرقصين الشيرتون = يا الطامعين العابثين أهل التفرق والخصام
أن كان فيكم ناس للمنطق عوارف يسمعون = خافوا من الله منتهى حجة طلاليب الأنام
العالم أصبح قريةٍ تنظر لها كل العيون = ما عاد فيه مغفلٍ في ترجمة بعض الكلام
شوفوا فهد الله يشرف فهد من ذيك الذقون = اللي يشيل الحمل لا ثقل الحمل فوق الجهام
تشهد له الأمة زعيمٍ بالسياسة ما يهون = تتلمذ الحكمة على مشطاه من راس الأمام
ملاذ من خانه عضيده واصطفى دونه زبون = سعد العيون اللي من الضيقات جافيها المنام
يا شط دجلة .. يا جبل حايل .. يا هضبة قاسيون = عنتر عناترة الرجال اللي تضيم ولا تضام
تكفى يا ابو فيصل .. لحمنا ..دمنا .. لا يقهرون =وحنا عيالك يا فهد يا شوق مردوع الوشام
حنا لكم يا سيدي درع يوقي من الطعون = وحبك ورا حدب الضلوع وبصمته فوق البهام
متعاهدينٍ بالولاء وبالوفا متعاهدون = لا صاح مسموع النداء نادوا لنا صبيان يام
نآتي على صوتك فدائية جنود مجندون = من مات للجنة ومن يحيى يعلق له وسام

الشاعر الفارس الفهادي

تايه الغربه · #2 20-04-2005, 09:19 PM

متعاهـديـنٍ بـالـولاء وبالـوفـا متـعـاهـدون ** لا صاح مسموع النـداء نـادوا لنـا صبيـان يـام

صح الساان الفهــــادي
ويعطيك العافيه يا الاصيل اليــــــامي