يا صاحب المعرفة بيني وبينك علوم
الخافية خافية والواضحة واضحة
السالفة كيف صارت بين ليلة ويوم
نومي على راس كوعي صاير البارحة
وين العرب وينكم يا طيبين السلوم
شارون يدرس خرايط خطة ناجحة
أحسن وسيلة جعلها للدفاع الهجوم
لو يعرف الثور عنتر مات ما ناطحه
يركض ورا مصلحة نفسه كبير الرخوم
في مجلس الأمن صار الحكم من صالحه
ما هو بمنه الخطا من لابسين الهدوم
الله يقطع يميني قامت تصافحه
شافت فلسطين من غدر اليهود الهموم
في اول القبلتين كلابهم نابحه
زبالة المجتمع تأخذ خيار القسوم
روس الطواغيت تلعب سارحه مارحه
عصابةي تزرع الفتنة تطيح وتقوم
للسلم تدعي عبط ما هيب إله جانحه
قضية الشرق الأوسط مثل وصف الحلوم
بعض القرارات مثل وجهها كالحة
تدفع قبل تدخل الأقصى ضريبة رسوم
إذا قلوب اليهود السود لك سامحة
ما ينفع العذر تقديمه وحب الخشوم
إشلون ننسى الشهيد الدره وذابحه
بين الشوارع تموت أطفالنا كل يوم
أبطالنا بالحجارة عجزت تكافحه
ترمي حجر والعدو يرمي شرار السموم
كم أسرةي شردت عن دارها نازحه
ليا متى حرمت الإسلام فيها نسوم
ليه الحقيقة غدت في هالزمن جارحه
حنا هل الدين والتوحيد نسل القروم
نعلم اللي خطا خطاه ونصارحه
هيهات يا اللي تحسبن العوافي تدوم
الموت راعي الشداد المعتلي طارحه
ما فيه غير الجهاد أمر يرد الخصوم
دقوا طبول المعارك فكوا النايحه
اليا اجتمعنا عدو الله يصير امهزوم
بولاية القايد اللي كلمته واضحه
نقوم قومه رجل واحد بوقت اللزوم
شعارنا الله أكبر رايةي رابحه
21-05-2010, 01:50 PM
العرض العادي
