نهيـــت الشوق.... تستاهلون (الجديد) يا منتدى العجمان

[ابن سرحان]

تستاهلون الجديد......!!!


لكن..


اتمنى انه يستاهلكم...؟؟؟

ذكرت الوصل في تالي مساي.. وذعذع النسناس=ونهيت الشوق عن طاري الملاقى.. وانطفى جمره
وجيت الشعر (أرد الدين له).. واثني له القرطاس=يا كم جاني تحت أمري.. وكم جيته تحت أمره
وذكرتك يالقريب.. المستريب.. المرهف.. الحساس=وسريتك يا (شقا) قاف القصيد.. ويا بعد عمره
الا يا نخلة عن عذقها العالي.. يحول الياس=وانا والله علمي عاما الاول.. ذقت من تمره
لاآبوها صدةٍ.. ساقت سهاد عيونك النعاس=ولا عادت ليلةٍ.. خلت دموع العين منهمره
دخيل الليل.. والرمش الظليل.. وقدك المياس=دخيل الشفه اللي ما طغت.. من حمرها الحمره
مدام ان صوتك الدافي لفى.. عقب البطا والياس=ومدام انك بعد طول الجفا.. دقيتي النمره
دخيلك لا تلوميني.. على السجات والهوجاس=ترى حالي من اسباب الجفا والصد.. مندمره
واذا قصدك على طيبي.. وترحيبي.. وحب الناس=(عوايد شايبٍ).. يا جعل ربي يطوٌل فى عمره
تبين الصدق.. مدام الصدق منجاة وسلامة راس=ترى ما انكرت شوقي لك.. ولا هو انطفى جمره

اخيكم


نايف بن ناصر بن سرحان

[ابن راعي الفحمه]

بن سرحان


صح لسانك يالجزل ولاهنت علي الابيات الرائعه



تقبل تحيات اخوك


ابن عسكر

[العبرةالحائـرة]

دخيلك لا تلوميني.. علـى السجـات والهوجـاس
ترى حالي من اسباب الجفـا والصـد.. مندمـره


صح لسانك ياخوي ناصر

[حزم الجلاميد]

هلابك وغلا



ابن سرحان قصيده رائعه



والرائع الحبك الموجود فيها من معاني مرسومه رسم






وايضا التقيد في المفردات حرفة فنان خطير وليس بشاعر عادي




يمر مرور الكرام




اتمنى لك التوفيق والسداد






حزم الجلاميد

[محمد سالم الشاعر]

صح اللسانك يا بن سرحان.... رائعه.... لا عابت يمينك

[الباشا]

صح السانك

يا نايف

ابدعت كما هي عادتك

سلم فكرك وسلمت يمناك

[محمد أبو زيد]

الا يا نخلة عن عذقهـا العالـي.. يحـول اليـاس
...................................... وانا والله علمي عاما الاول.. ذقـت مـن تمـره
لاآبوها صدةٍ.. ساقـت سهـاد عيونـك النعـاس
...................................... ولا عادت ليلةٍ.. خلـت دمـوع العيـن منهمـره
دخيل الليل.. والرمش الظليـل.. وقـدك الميـاس
...................................... دخيل الشفه اللي ما طغت.. من حمرهـا الحمـره



الله الله الله الله يابن سرحان



وتستاهل الطيب ياشاعر



صح الله لسانك وكلك ولاهنت



وفي إنتظار الجديد

[الطرقي]

ابن سرحان..


صح لسانك مليووووون..


قصيدة رائعه من رائع..


ننتظر القادم



الطرقي

[ffahad]

اللة اللة اللة
القصيدة روعة وانت اروع يعطيك العافية على ما ابدعت بة
سجل اعجابى ومتابعتى







دخيلك لا تلوميني.. علـى السجـات والهوجـاس
ترى حالي من اسباب الجفـا والصـد.. مندمـره
واذا قصدك على طيبي.. وترحيبي.. وحب النـاس
(عوايد شايبٍ).. يا جعل ربي يطـوٌل فـى عمـره
تبين الصدق.. مدام الصدق منجـاة وسلامـة راس
ترى ما انكرت شوقي لك.. ولا هو انطفى جمـره

[عسّاف]

واذا قصدك على طيبي.. وترحيبي.. وحب النـاس=
(عوايد شايبٍ).. يا جعل ربي يطـوٌل فـى عمـره

صح لسانك وقصيدة جميلة من شاعر أجمل ،،،

أخـوك عسّـــــــــــــــــاف