على كسب الشرف محدٍ شمتنا .... لو آنـا فيـه ولا منـه متنـا ......!!!!

[جـاركـ الله..!]

بسم الله الرحمن الرحيم

السلام عليكم ورحمة الله وبركاته

اسعد الله جميع اوقاتكم بكل خير .

هاذى القصيدة لى الشاعر / خالد ابن مدعث الدوسري .

وارجو ان تنال اعجابكم وان تحوز علي رضاكم .


على كسب الشرف محدٍ شمتنا
لو آنـا فيـه ولا منـه متنـا
إلى شفنا الرجال اهـل المعـزه
سعوا للعز حنـا ويـش نتنـا
واذا مَنآ بننصـى كـل عليـا
تعدتنـآ المعـالـي مانصتـنـا
وحنـا يالفـى يـوم المزاحـم
بلغنـا ذروة الـعـز وثبتـنـا
وبلغنـا بالبـلاغـه مابلغـنـا
وجزالة موهبتنـا مـن بختنـا
وكشفنا مدعي علـم البلاغـة
لغـات التـرك ماتشبـه لغتنـا
يقولون الجهات اربـع وحنـا
عـن الاربـع تكفينـا جهتنـا
وعلى ما فات لاتطري الحسايف
ثقتنـا يالفـى فـي موهبتنـا
سبحنـا فالمحيطـات وغرفنـا
ونقشنا فالصفا الصـم ونحتنـا
وليا من قدرونا اهـل المعرفـه
على قصار الشوارب ما ألتفتنا
ولو آنا عن علوم الغيب نعلـم
توجهنـا وعرفنـا مصلحتنـا
ورب ضـارةٍ منهـا منـافـع
تجينا ما علمنـا كيـف جتنـا
ياكم من مزنةٍ تردف عجاجـه
ليـا قفـت عجاجتهـا سقتنـا
يقوله يالفى الهفتـاء مجـرب
تجـارب والتجـارب علمتنـا
لـو الانسـان فالدنيـا مخيـر
ربحنـا فأولتـنـا واخرتـنـا
ولو الارزاق توخذ بالسوالـف
قضينا العمـر كلـه ماسكتنـا
ولو الارزاق توخذ بالغصايـب
عصانا في يدينا مـا عصتنـا
تدابير القـدر خيـره وشـره
تحت من بأمره أصبحنا وبتنـا
وحنا جبال مهما الارض قامـت
تزلزل تحتنا ،و تبقـى تحتنـا
وعسى الله ما يعز عروش دارٍ
رفعنا عرشهـا ثـم عرشتنـا
بـلاد" ملكهـا بيديـن ظـالـم
لحفـظ ارواحنـا ياكـل ديتنـا
بلاد" بأكبـر الاسمـاء تسمـوا
واساميهـا الكبيـره سممتنـا
بلاد الظلـم ماطقطـق سماهـا
ورغم أن الدهـر فيهـا نبتنـا
لها وجهٍ مثـل وجـه الليالـي
ويشبـه لـه وجيـهٍ واجهتنـا
وخصيم الوجه الاول وجه ثاني
وجيـهٍ باهتـه ميـر بهتتنـا
ذممهـم ذمتـي منهـا بريـه
دلايلنـا حـلـوفٍ ماحمتـنـا
شرار الكذب وسيوف الطماعه
أراهـا تلـوح فعيـونٍ رأتنـا
وترا اللي صايرٍ معكـم ومعنـا
أضنه صار مـع نـاسٍ تلتنـا
بيوت الـذل لـو تكبـر ذليلـه
ولـو آنـا مدحناهـا هجتـنـا
وبيوت العز لو تصغر عزيـزه
حمـاك الله يـا بْيـوتٍ ربتنـا
وحنا مـن فناجيـل المطيـري
تقهوينـا وهـو ذاق قهوتنـا
انا عيب" علي اصـد وجهـي
ليا من دعـوة الطيـب دعتنـا
وحنا للرجـال اللـي سواتـك
تقلّطهـم عليـنـا شايعتـنـا

وسلامتكم .

تحياتي لكم اخيكمـ / هادي العجمي .

[العــــديم]

تجـارب والتجـارب علمتنـا
لـو الانسـان فالدنيـا مخيـر
ربحنـا فأولتـنـا واخرتـنـا
ولو الارزاق توخذ بالسوالـف
قضينا العمـر كلـه ماسكتنـا

ياسـلام


صح لسان الشاعر / خالد ابن مدعث الدوسري
ولاهنت ع النقل

[جـاركـ الله..!]

صح ابدنك يا العديم ولاهنت علي مروورك العطاارر واللى منور متصفحي

تحياااتي لكـ .

[عبرة وداع]

صح اللسانك ولسان شاعرها

وسلم لنا فكرك واحساسك

وفقك الرحمن وانار بصيرتك لما فيه الخير والصلاح

سلمت ودمت

[جـاركـ الله..!]

لاهنتي يالاخت جفلاء علي مروورش العطاار واللى نور صفحتي

تحيااتي لشش .

[عيون الطنايا]

الله الله
ابيااات راقت لي ؟؟؟
صح لساان شاعرهاا
ولا هنت
تحياتي

[جـاركـ الله..!]

صح ابدنش ياعيون الطنايا ولاهنتي علي المروور اللى اسعدني ونور متصفحي

تحيااتي لش .

[مبارك مقيت]

لاهنت يا هادي علي الطرح الراااائع والمبدع

وتقبل كل ودي واحتراامي .

[جـاركـ الله..!]

لاهنت يابو مقيت علي مروورك العطاار واللى نوور صفحتي فديتكــ

تحيااتي لكـ .