سمعت لي كلمة مدري وش اقصاها

[آعآتبـڪ بآبتسآمـہ]

سمعت لي كلمة مدري وش اقصاها ..
حزت بنفسي وأنا مانيب هارجها ..

لوكل كلمة إلى جتنا طردناها ..
بعنا الثمينة بسعر مايخارجها ..

لو مرت السمع ماكنا سمعناها..
ونقفل الراس عنها لا يبرمجها ..

ومن يم هذا لهذا مانقلناها ..
والناس واجد وتلقى من يروجها..

من جابها بين خلق الله وداها ..
لو به مراجل ترى نفسه يسمجها ..

ومن عامل الناس في سابق خطاياها ..
يقعد بدار خلا ماداج دايجها ..

في كنة تشوي الجربوع رمضاها ..
وتابس غصون الشجر من حر واهجها..

والناس بالحق حكم الشيخ ما أرضاها ..
ماتقنع الناس لو انك تحججها ..

ياللي تبا الطيبة خذها وعطناها ..
وخل الطريفة طرية لا تثلجها ..

وأقضب طريق الأوادم وامش ممشاها ..
أتبع دروب العرب وأدرج مدارجها..

وأرسم لنفسك حدود ولا تعداها ..
من حط نفسه بدرب الضيق يحرجها ..

وان كان نفسك هواها قام ينحاها ..
حط الأعنة بروس الخيل وأسرجها ..

وفكر بمنكافها قدام مغزاها ..
واضرب حساباتها وتشوف ناتجها ..

وكل بعضده يموح الدلو برشاها ..
وتلقى كبود الضوامي من يبرهجها ..

وان كان توك على صدرك تهجاها ..
حنا ترانا ندرس في مناهجها ..

من يم مصباحها نبعد معشاها ..

لو هي صعيبة إلى انعاجت عدلناها ..
واللي تجي مستقيمة ما نعروجها ..

نهتم في وزنها وابرام معناها ..
ومن الكرستال واللولو نتوجها ..

مثل الجواهر ليا منا نضمناها ..
وسلوكها من جديد الزري ننسجها ..

مخايل تردتدم والصدر منشاها ..
لا دك بالبال داكوك يهيجها ..

وليا أمطرت ضاقت الوديان في ماها ..
تاخذ إلى الحول ما يبست مدالجها..

وان صدت الناس عنا ما أعترضناها..
ما تقفي الناس عنا ونتولجها..

وإن جاتنا الطيبة بالطيب زدناها ..
الطيبة بالعسل والسمن نمزجها ..

وان جاتنا الثانية نصبر ونرفاها..
يمكن إلى فاق راعيها يعالجها..



وان عادها عودة ماعاد ينساها..
من حربة في صميم الصدر نولجها..

مسمومة يبلش الدكتور بدواها ..
مايقنع الخبل لين أنه يلامجها..


ممـــا رآآآآآق ..

[الاصيله]

وان صدت الناس عنا ما أعترضناها..
ما تقفي الناس عنا ونتولجها..

وإن جاتنا الطيبة بالطيب زدناها ..
الطيبة بالعسل والسمن نمزجها ..



يسلموو وبارك الله فيج على النقل الرااقي

تحيااتي لج

[الســـيبيري]

وإن جاتنا الطيبة بالطيب زدناها ..
الطيبة بالعسل والسمن نمزجها ..


صح لسانك ولسان شاعرها
ولاهنتي ع النقل الرائع
تحياتي،،

[*ابوخالد*]

صح لسانك ولسان شاعرها
ولاهنتي على النقل الرائع

[تركي الميموني]

صح لسان شاعرها

أبيات كلها حكم مفيده

والله يكفينا شر هالدنيا

تسلم أيدك على النقل الرائع والمميز

وبأنتظار الجديد والمزيد من روائع قلمك

تقبلي مرور قافلة حروفي

[العــــديم]

نقل راقي ومن العيار الثقيل

صح لسان قايلها
ولاهنتي ع النقل

[أوراد]

صح لسان شاعرها

وتسلمين ع النقل لاهنتي

[آعآتبـڪ بآبتسآمـہ]

المشاركة الأصلية كتبت بواسطة الاصيله

وان صدت الناس عنا ما أعترضناها..
ما تقفي الناس عنا ونتولجها..

وإن جاتنا الطيبة بالطيب زدناها ..
الطيبة بالعسل والسمن نمزجها ..



يسلموو وبارك الله فيج على النقل الرااقي

تحيااتي لج

لاهنتي يالغلا على المرور العسل

تحياتي

[آعآتبـڪ بآبتسآمـہ]

المشاركة الأصلية كتبت بواسطة الســـيبيري

وإن جاتنا الطيبة بالطيب زدناها ..
الطيبة بالعسل والسمن نمزجها ..


صح لسانك ولسان شاعرها
ولاهنتي ع النقل الرائع
تحياتي،،

لاهنت على المرور الطيب

لاخلا ولا عدم

[آعآتبـڪ بآبتسآمـہ]

المشاركة الأصلية كتبت بواسطة *ابوخالد*

صح لسانك ولسان شاعرها
ولاهنتي على النقل الرائع

صح بدنك

ولاهنت على المرور

تحياتي