بسم الله رحمن الرحيم
فالحقيقه انا بقص عليكم قصه او سالفه حصلت معاي انا شخصيأ لما كنت فالعسكريه
انا طبعأ الحين مقدم على الضباط وقدمت استقاله من العسكريه من كثر الاهانات الي جتني وانا
مارضيتها على نفسي
والحمدالله كملت دراستي وجبت شهاده
المهم مالكم فالطول الكلام والمقدمه
ابي اقولكم سالفه مضحكه حصلت معاي
عاد صارت مواقف مضحكه واااااجد بس هذي الي اتذكر منها
طبعأ العسكري او مجند او اي فرد قبل لا يدخل العسكريه ياخذونه الى دوره مدتها اربع او
سته شهور
فالموقف حصل فالدوره
كنا 300 جندي
خلال اسبوعين من بداية الدوره اصبحنا 157 جندي
لان البعض لم يتحمل المشقه ولم يستحمل على الاهانات لان بالفعل الجيش والعسكريه في كل
مجالاتها يمصخرون الي ماعنده شهاده حتى يحس الجندي ويقول بينه وبين نفسه ليش
ماكملت دراستي ومن هالكلام
وفي بعض الضباط اذا طفشان او شي يروح يجينا يضيع وقته علينا يسلي نفسه علينا
شافنا واقفين مصطفين فقال سكوووووووت
واحد معانا ماعرفه بس سمعت انا عنه انه مجنون عقلين منتهي مرره
قاعد يسولف الضابط قاله تعال تعال اطلع
والله ويطلع المجنود اذا ماخانتني الذاكره اسمه
فرج العازمي
قال المدرب ليش تسولف ياعسكري
قاله طفشان
قال المدرب شكنت تسولف عنه
قاله اسولف عن ترقيم البنات
قاله المدرب وهو يبتسم تعرف ترقم يالعسكري؟..؟
قال العسكري اي اعرف
قال المدرب طيب رووح للنخله روح رقمها
كان في نخله قريبه مننا
العسكري اذا كثر الكلام وعصا اوامر المدرب راح يسجن
والله والعسكري راح لنخله بيرقمها قاعد يسولف عليها وحنا قاعدين نضحك عليه
وفجأه العسكري راح يركض عند الطوفه او بمعنى السور والله وينقز فوق راح ينحاش من
العسكريه طق الطوفه منحاش
المدرب يناديه قاله تعال وينحاش والله
وقعد ثلاث او اربع ايام مابان اليوم الخامس والله ويدخل عند المدرب يسلم عليه
قاله المدرب تعال وين كنت يالله ادخل السجن
قاله العسكري بخليك تسجني لكن انا بقولك ليش نحشت او بمعنى هربت من المعسكر
قال المدرب قول لكن لو شنو راح تسجن
قال العسكري طيب اسمع
يقول تذكر لما قلتلي رقم النخله؟
قال المدرب اي اذكر ليش هالسؤال
قاله انا قاعد ارقمها جاني ابو النخله جان انحاش
ههههههههههههههههههههه
المدرب قاعد يضحك يقول حق الضباط وش ذالمنتهي خلاص خلاص روح عند ربعك العساكر
ماراح اسجنك
وفي سالفه ثانيه هم مضحكه
مره واقفين الساعه 12 بالليل فالشتاء وبرد حيل حيل حيل انا والله مرضت
انشهد ان العسكريه اهانه يازييني قبل فالمدرسه
على العموم الحمدالله على الحال والحمدالله اني كملت دراستي وخذيت شهاده
المهم قبل لا تطير السالفه
كنا واقفين مسطفين وفي بعضنا واقفين بس مو مستقيمين بالوقفه قال المدرب شد نفسك انت
وياه وقفو مثل رقم واحد مستقيم مابي مع الوقفه ميله
وهو يزف ويهاوش ساعه صارله يزفنا وحنا حدنا تعابا
ويقول شوفو العسكري متعب العتيبي
شلون واقف مستقيم احسن واحد فيكم هو واقف احسن منكم شاد جسم وواقف مثل رقم واحد
عقاب لكم هو راح ياخذ اجازه وانتم راح تقعدون عندي فالمعسكر
والمدرب حاط ايده على كتف متعب العتيبي يبي يقوله روح انت مجاز
شوي متعب طاح فالارض كلنا تجمعنا عليه نبي نشوف شفيه
اكتشفنا اخر شي ابو الشباب وهو واقف ناااااااااايم
ههههههههههههههههههههه
المدرب لما اكتشف انه ابو الشباب نايم قال كلكم مجازين وهو راح ينور المعسكر بتواجده الموقر
ههههههههههههههه
15-10-2011, 05:21 PM
العرض العادي
