خير يا طير

[مرسول نجد]

لشاعر الجزاله عبد العزيز ابن مفراص المعاوي

سرْ يا زمن ، يالله عسى الوقت به خير
في وقت ماندري بخيره و شره
ناس(ن) تطيح و ناس تمشي على السير
وناس تبكي من عنى القلب , حره
ذا وقتنا إلي يفهمه فيه تدبير
الله يعين إلي بيجهله مره
اليوم أعبّر , دام بالقلب تعبير
عن الزمان و عن علومه و قدره
وش غيرّك يا وقت , واصبحت لي غير
يالله تجيب الخير و أصرف مضره
وش غيّرك يا وقت ، من دون تفكير
الأيام تمشي والليالي ب مكره
المشكله ما عاد بالناس تفسير
لا جاء القدر ما تنفع الروح حسره
إلي كتبه الله يحصل و ب يصير
سبحانه إلي بيدة الغيث قطره
عبدالعزيز يقول : للعمر تقدير
من قدّرك يا هالزمن طال عمره
الوقت رجعني على الشعر و الزير
وانا اعتزلت النظم قدّام فتره
لأن المواقف تجعل الشاعر إيثير
هايم في بحور القوافي و بحره
وإن قلت لك يا هالزمن خير يا طير
قالوا جميع الناس : للوقت عذره
يالله انا طالبك طلبه من ضمير
تجيب يسر العمر و تزيل عسره
وترحم اعبادك كبير(ن) مع صغير
وتجزي المسلم ب خيره و بأجره
وختامها اصلي على نبي(ن) بشير
عداد ما هلّت في الأرض مطره

[أفتخر أني عجمية]

صح لسانك اخوي

قصيده مميزه
ننتظر إبداعاتك القادمه

[*ابوخالد*]

صح لسانك ولسان شاعرها