اتصال 4فجرا

[%الماسه%]

هذه القصة حدثت معي وانا عروس




ثالث يوم من زواجي رن جوالي الساعة4صباحا
ورقم غريب
في البداية طنشت
بعدين خفت يكون اتصال مهم رديت
الو
واحد على الخط يقول صباح الورد
قلت مين انت وايش تبغى
قال صوتك عجبني وابي نتعرف
بسرعة قفلت الخط والظهر حكيت السالفة لزوجي وقالي خير
ونفس الرقم دق في نفس الوقت الساعة4 فجر
صحيت زوجي وقلت له قال ماعليكي منه قلت:تراه ازعجنا يوميا لنا شهر وهو يدق وانت ماتبغاني اقفل الجوال ولاتبغاه عالصامت
قال زوجي :طيعيني وبس
والله استغربت من ردة فعل ابو الشباب
المهم المغازلجي ماشاء الله عليه يوميا عالموعد
ومرة اتصل وقلت لزوجي تراني طفشت
قالي:بس هاتي الجوال
واخذ رقمه واتصل عليه من جواله
فرحت قلت الحين بيغسل شراعه هاهاها
المهم اتصل به زوجي وكان يقوله جزاك الله خير كنت تتصل علي كل يوم على رقم اهلي
وحبيت اشكرك واللي مايشر الناس لايشكر الله
خاف المغازلجي وقال والله اسف
قاله زوجي كتب الله اجرك لاني امام مسجد ووراي صلاة كنت كل يوم اصحى على اتصالك بس هذا رقمي واصلني فيه
استحى الرجل واعتذر بشدة وقفل الخط
بعدها بشوي ارسل
ياطير يخفاق ودي المراسيل احمل سلامي في جناحك وشله
امانتك لاجيت ذيب الرجاجيل في مجلسن كل النشاما تدله
حبه خشم ثم قبل الراس تقبيل حبت غلا واخلاص من صاحبن له
وعاهدنا بعدها بترك هذه الطريق

التعامل والاسلوب الراقي يؤثر ولو بعد حين
تقبلوا تحياتي
الماسه

[●• Ŝђǿǿq •●]

يعطيكِ العآفيَه عَ القصَه ..~

[مُغـتآل]

الأفضل أنه يعود زوجته تصحيه على صلاة الفجر
أشكرك .

[وضاح الوضاح]

حفظك الله وبنات المسلمين من كل سوء وبيض الله وجه زوجك لحلمه

ودعوته للمتصل بالحكمة والموعظة الحسنة وموقفه موقف العظماء لله دره

واللهم اتم هدايته للمزعج تقديري واحترامي

[الأيام الجميلة]

مآآشآآء الله عليه صبور
بس الشيطآآآن شآآآآطر المفروض من أول ينصحه
و مايعتمد عليه بل يعتمد على زوجته بأنهآآآ تصحيه للصلآآآآه
يعطيك العآآآآفيه

[الـعـابـر]

لاهنتي الماسة على القصة

[الكايدي]

شكرا على القصة

[العــــديم]

لاهنتي ع النقل الماسه

[%الماسه%]

يشرفني حضوركم في صفحتي المتواضعه تزيدونها نورا وأشراقا
((شوق _ وضاح الوضاح _مغتال _ الايام الجميله _ العاب _ الكايدي _العديم ))