(((قاااااااااااااااااااضي المحكمه)))

فلاح ال مخلص · #1 26-09-2005, 11:50 PM

ابعدوني عن جنوب الجزيره والشمال= وصلوني صوب ديرة حبيب مهتويه
واتركوني في طرف منطقة سمح القبال = ودي اسلم على الحي واسلم عليه
واحد من بدة الخلق عندي راس مال= مايفرط فيه ولا يفرط في ذويه
واحد ماله شبيه ولله الكمال = ياشبيه صويحبي روح ما مثله شبيه
كل ما قفيت كنه يناديني تعال = وان نويت القرب منه شكى من والديه
وان بكى يبكي من البعد والوصل المحال =وان ضحك يضحك مثل ضحك بيضان الوجيه
عيبه انه يعطي الناس في مدحي مجال = وان طغى مدحي على غيرته يفرك يديه
قد نصحته من دروب الهوى والليل طال = واترجى اللي بلاني بحبه يبتليه
وانفتح باب المشاريه يامال الزوال= لافتح بابه من الناس مخلوق نبيه
قلت خلي بعض الالفاظ يابنت الحلال= الهوى ماهو بلعبه نبيعه نشتريه
له مكان تنقصر منه هقوات الرجال = وانت اصلا بنت يابنت والعلم احفظيه
واقطعت هرجي وانا من جدال في جدال= قالت اطلع من حياتي كذا من غير ليه
كاتب في وصف بدريه ونوف ومنال = وين راحو جاوب الحين يالرجل النزيه
ان سالتك وين راحو تقول امن الخيال= وان بغيت اقرى لغيرك تقول انه سفيه
صارت ابياتك بعيني اخبال في خبال= وغير شعرك من غلاتك كذا معاد ابيه
قلت يابنت افطني لي قبل رد السوال= الاجابه فيك والقلب واللي فيه فيه
كيف تسالني عن الصد وانت اكبر مثال= مقفي مني وانا اصيح تكفى هيه هيه
هيه ياللي تحسب انك من الناس الثقال= والله اني اثقل من طويق واللي حواليه
وكيف تسالني عن الجد من عم وخال =وانت فيك اصل العروبه ومنطق سبويه
بنت عود مايعود قفى لاقال طال= والنعم وارحب وعاداته اغلى مالديه
وكيف تسالني عن القد ياباهي الجمال =وانت زين الكون في نظرتي وامه وابييه
مهرة يلعب رسنها على يا لال لال= تهت فيها واتحدى المطوع ما يتيه
لانظرها قاضي المحكمه هلل وقال=النظر حرام ياحين تكفي حلليه
لا مشيتي ثم وقفتي وسرتي باعتدال=كنش تقولين رقصني بخفه يابيه
والحواجب موت قوسية مثل الهلال= وكل رمش يقول للرمش سبعني عازوز ايه
مره وهي تنتظرني وتهتز بدلال= والحلا منها يسوقه على العشاق تيه
اركبت جنبي وقالت فلاح ايش المقال= انت تضحك عطني البيت واكتب مايليه
قلت ويش البيت خلي سواليف الهبال= قالت اللي كاتبه يا ولد وين انت فيه
اكتب الله يلعن ام الثقل ماله مجال= مدح والا سب والا كذا والا كذيه
شعرها يادبرة الله يعني الاعتقال= اعتقال يحجب اشعة من وجنتيه
ماحجب نور ام الانوار نفنوف وشال = حكمته يافاردين الريال من الجنيه
من عشقها غصب يخلط حرامه بالحلال = لين يطغى حبها فوق هيبة والديه

بحوور · #2 27-09-2005, 12:03 AM

فلاح ال مخلص

يالله حيــَــه

صــــح كـــــلك مليـــــــوون

ولاهنــــــــت ،،

أختـــــــكـ

هند · #3 27-09-2005, 05:23 PM

الأخ الفاضل ، فلاح
صح لسانك ولاهنت
أبيات رائعه

السؤدد

صقر العجمان · #4 27-09-2005, 05:47 PM

والحواجب موت قوسية مثل الهلال
وكل رمش يقول للرمش سبعني عازوز ايه
مره وهي تنتظرني وتهتز بدلال
والحلا منها يسوقه على العشاق تيه
اركبت جنبي وقالت فلاح ايش المقال
انت تضحك عطني البيت واكتب مايليه

صحححححححححح لساانك يالقرم.

وصف رااااااااااااااااااااااااااااااااااااااااااااائع . من خيالك الوااااااااااااااااااااسع

قلبي . لاتحرمنا من ابدااااااااااااااااااع قلمك ... مشكور يافلاح

لك تحياتي / صقر

(( سهيل )) · #5 27-09-2005, 06:02 PM

ان سالتك وين راحو تقول امن الخيال
وان بغيت اقرى لغيرك تقول انه سفيه
صارت ابياتك بعيني اخبال في خبال
وغير شعرك من غلاتك كذا معاد ابيه
قلت يابنت افطني لي قبل رد السوال
الاجابه فيك والقلب واللي فيه فيه

سلمت وسلم نزف قلمك يالشاعر الغنى عن التعريف
تقبل خالص التقدير وصح لسانك