لو ينادي علينا ما قعد رجل يامي

[هداج تيما]

مساء الخير للجميع
الأخ الكريم عزام تعال عندي لك اعلوم

دوروا لي علي عزام وينه=الله انه علي العالم يعينه
مكرم الضيف ذبّاح السمينه=فيه يا اهل الوفاء ما خاب ظني

يا سلامي وعندي علم واحد بقوله=كيف بعض العرب يقصر علينا السلامي
أبن سفران لامن درهمت به ذلوله=لو ينادي علينا ما قعد رجل يامي

[ابو غالب]

الاخ هداج تيما

مساك الله بالنور

صح لسانك

وفي انتظار عزام

[هداج تيما]

ابو ميار الله يحييك
وهذي الساعه المباركه وجودك يا الشريف

[عـزام]

مرحبا ومسهلا يا هداج


استلم لاهنت...

حاضرن(ن) كل ما نادى المنادى=كان صوّت ضحى والاّ هجادى

وانت ساس الظفر سقم المعادى=فيه يا اهل الوفا ما خاب ظنى

مرحبا عدّ ما عند الخرافى سيوله=من قصر بالمراجل قاصر(ن) ما يلامى


وابن سفران تشهد له جزايل فعوله=دون ربعه يسوق الروح سوق الظوامى

[هداج تيما]

عزام الله يبقيك
استلم

ذيب وأرّبوعك من أدني ذيابه=ولد من للعرب مفتوح بابه
من رجال(ن)يضدون الحرابه =فيه يا اهل الوفاء ما خاب ظني

البقاء عد كوّكب فوق عرضه وطوله=وأن لقيت المهبّل قلت مال الرحامي
والنعم يا السنافي يوم جاكم رسوله=ما بقا فوق تيما ألا الرشاء والمقامي

[عـزام]

استلم يالقرم...

ما على مثلكم زود وتعدى=يا رجال(ن) تضد اللى يضدى

تعجب العين فى يوم التحدى=ربعى اللى بهم ما خاب ظنى

علّم اللى تعزوى للحمل والحموله=ما يشيل الحموله كون صلب العظامى

يوم جانا معه فرقته تضرب طبوله=فرقةٍ ما تميّز من حلال وحرامى

[عيد بن شدقان]

الله الله الله

هداج تيماا
عزام
صح السنتكم
ولاهنتو


متابع

[هداج تيما]

ذياب مشكور يا الطيب
استلم يا عزام

كل منّا علي الثاني تشرّه=وأنت طيّب ولا منّك مضرّه
غير بعض العرب لله درّه=فيه يا اهل الوفاء ما خاب ظني

غير مصلح من العربان ما شفت زوله=بندقه قدم وجهه والفشق و الحزامي
وأنت والطرش دونك صاحبه دوّروله=منّك هاك المسيحي قيل صلّي وصامي

[مصلح]

صح الله لسانكم يا الربع وانا متابع وابي اشوف اخرتها


ضد عزام وضدك يا بو تيما

[منصور بن منيخر]

يا الله صباح خير يا هداج حنا في العشر
واصبح يا هداج
تري عزام ما شد عليك عشاني
وانا ضدك ومع المراقب العام
ومصلح وراك بكلمة راس