نصيحه
للشاعر / بركات الشريف
والحقيقة حبيت أقدمها لكم لانها من اقرب القصايد لقلبي وروحي فهي نصيحة لكل وقت تنفع ولكل جيل
وصاحبها غني عن التعريف الشريف بركات ابن عبدالمطلب من اشراف مكة .
ان شالله تنال رضا اذواقكم.
بالقاء الشاعر / فيصل السبيعي
--------------------------------------------------------------------------------
يالله ياللي كـل الأمـات ترجيـك
يا واحدٍ ما خـاب حـيٍ ترجـاك
يا مرقبٍ بالصبح ظلّيـت اباديـك
ما واحـدٍ قبلـي خبرتـه تعـلاك
وليت يا ذا الدهر ما اكثر بلاويـك
الله يزودنـا السلامـة مـن أتـلاك
ياللي على العربان عمت شكاويـك
وليت يا دهـر الخطـا ول مقـواك
واليوم هالكانـون غـادٍ شبابيـك
تلعب به الأرياح من كـل شبـاك
يا مالك اسمع جابتي يـوم أوصيـك
واعرف ترى يا بوك بامرك وانهـاك
وصيةٍ مـن والـدٍ طامـعٍ فيـك
تسبق على الساقه لسانـه لعليـاك
أوصيك بالتقوى عسى الله يهديـك
لهـا وتدركهـا بتوفيـق مـولاك
الله بحق أجـدادك الغـر يعطيـك
رضاه مع كل ما تمنى مـن امنـاك
احفظ دبشك اللي عن الناس مغنيك
اللي إلى بان الخلـل فيـك يرفـاك
واعرف ترى مكة ولاها ابن اخيـك
لو تطلبه خمسـة دواويـن معطـاك
اجعل دروب المرجلة مـن معاليـك
وادراج سيّسها على العـز مرقـاك
لا تنسدح عنها وتبغينـي أعطيـك
جميع ما يكفيـك مـا حاصـل ذاك
احذر امر ليعـات أبيهـا لتاليـك
ايضا ويرخص عندها قـدر مـأواك
أدّب ولدك إن كان تبغيه يشفيـك
واستسعفه من بعـد مربـاه بـالآك
أما سمج واستسمجك عند شانيـك
ويفر من فعله صديقـك وشـرواك
وإلاّ بعد جهله ترى هـو بياذيـك
لو زعلـت أمـه لا تخليـه يـالاك
واحذر تضيع كل من هو ذخر فيك
معروفه لا تنساه واوفـه العرفـاك
ترى الصنايع بين الاجواد تشريـك
إلـى طمعـت بركزهـا لا تعـداك
واحذر سرور بغبة البحـر يرميـك
ولا عنده افلس من تجزعك وابكاك
واوف الرجال حقوقها قبل تعنيـك
لا تعتمـد بالعفـو فالحـق يقفـاك
وهرج النميمة و القفا لا يجي فيـك
واياك وعرض الغافل ايـاي وايـاك
تبدي حديث للناس فيـه تشكيـك
وتهيم عند الناس بالكذب واشـراك
واذا نويت احـذر تعلـم بطاريـك
كم واحد تبغي به العرف واغـواك
واحذر شماتة صاحب لك مصافيـك
والى جرا لك جاريٍ قـال لـولاك
ولا تحسب إن الله قطـوعٍ يخليـك
ولا تفرح إن الله على الخلق بـداك
إن اشتهى حط الطمع فـي تواليـك
لو ما لقيته يا فتـى الجـود يلقـاك
والضيف قـوم لـه حيـن يلفيـك
مما تنوشه يـا فتـى الجـود يمنـاك
اكرم قبالـه فانهـا مـن شواديـك
وابذل له المجهـود مـا دام يعنـاك
واحذر تلاقي الضيف مقرن علابيك
خله محب لـك صديـق إذا جـاك
وأوصيك زلات الصديق إن عثا فيك
ما زال يغطاها الشعر فاحتمـل ذاك
راعه ولو ما شفـت انـه يراعيـك
عساك تكسر نيّتـه عـن معـاداك
واحذر عدوك لو بقا بـي يصافيـك
عود الجنا واطعنـه حينمـا جـاك
لا تامنه فاطلـب مـن الله ينجيـك
ويكفيك ربـك شـر ذولا وذولاك
شفني أنا يابـوك بآمـرك وانهيـك
عن التعرض بين الاثنيـن حـذراك
وإذا حضرت طلايبٍ مع شرابيـك
اسع لهم بالصلح والـلاش يفـداك
ابذل لهم بالطيـب ربـك ينجيـك
لا تجضع الميـزان مـع ذا ولا ذاك
أما الشهادة أدّهـا إن دعـوا فيـك
بيّن عمود الدين لا عميـت اريـاك
بالك تماشي واحـد لـك يرديـك
طالع بني جنسك وفكـر بممشـاك
رابع أصيل فـي زمانـك يشاكيـك
وإلى شاف خملاتك عن الناس غطاك
واحذر عن طرد المجفـي حذاريـك
عليك بالمقبل وخـل مـن تعـداك
ثم العـن الشيطـان ليـاه يغويـك
تـرى إن تبعتـه للشّرابيـك وداك
واوصيك لا تشكي علينا بلاويـك
أنت السبب اخذك عيونك بيمنـاك
واعرف ترى اللي وطا الفهر واطيك
ولا أنت أعز من الجماعة هـذولاك
المسك يا راسي عن الذل واخطيـك
واحذر تكلم يـا لسانـي حـذاراك
والطف بجارك ثم قـم دون عانيـك
وافطن إلْما يعنيك عن ربعة أخـواك
يا ذيب وان جتك الغنم في مفاليـك
فاكمن إلى حيث الرعايـا اتّعـداك
من أولٍ يا ذيـب تفـرس بياديـك
واليوم جا ذيبٍ عن الفـرس عـداك
يا ذيب عاهدني وأعاهدك ما رميـك
مرميك أنا يا ذيب لـو زان مرمـاك
والنفس خالف رايها قبـل ترميـك
ترى لها الشيطان يرمـي بـالادراك
ومن بعد ذا لا تصحب النذل يعديك
وعن صحبة الأنذال حاشاك حاشاك
ترى العشير النذل يخلف طواريـك
وأنا أرجي إنك ما تجي دون آبـاك
والهقوة انك ما تجـي دون أهاليـك
ولا ذكر عود الورد يثمـر بتنبـاك
والحر مثلك يستحي يصحب الديك
وان صاحبه عاعا معاعات الاديـاك
لا تستمع قول الطرف يوم يلفيـك
بالكذب يقضي حاجته كل ما جـاك
من نم لك نم بك ولا فيه تشكيـك
والاَّه قـد أزرا رفيـقـك وأزراك
عندك حكا فينا وعندي حكا فيـك
وأصبحت كارهنا وحنـا كرهنـاك
ما اخطاك ما اصابك ولو كان راميك
واللي يصيبك لو تتقيت ما اخطـاك
مير استمع مني عسـى الله يهديـك
النصح يا مالـك لـك الله مـولاك
عندي مظنـة مـا تمثلتهـا فيـك
واطلب لك التوفيق من عند مـولاك
14-02-2006, 06:04 PM
العرض العادي
