من رافق الدوشان عاف الشعالين.....

[مهرة الصمان]

الأدوح اشكرك على هذه القصيدة التي كنت ابحث عنها طويلآ لاهنت والنعم في مطير وعنزه وباقي االقبايل العريقه


اخواني الأعزاء لماذا غضبتم من الأدوح الأدوح ماجاب شي من عنده كل مسجل بالتاريخ ويعرفه كبار السن والقصيدة ماتقلل من عنزة ولكن شاعر والشاعر يكتب مايرى ويحس فيه فهل هذي جريمة
نجمه تقول كتاباتك يالأدوح دائمآ تصف بالحشمه فهل اللآن قلت الحشمه عندما قال هذه القصيدة
ليش تنظرون الى الموضوع انه تقليل من شأن عنزة لا ياخواني عنزة قبيلة معروفه

ورحم الله امرىء عرف قدر نفسه

لكم مني جزيل الشكر

[راكان العدوان]

الأخ الأدوح مشكور عالموضوع والله لا يهينك

و صح لسانك على قصيدة خلف الاذن (أبا الشيوخ)

لكن في بيت أنا احفظه ودي أسألك عنه و أسأل الإخوان جميعا...ما ادري هو بالقصيدة هذي أو بغيرها ,, أو ماله وجود أصلا..وهو على وزن البيت الأخير في قصيدة خلف الاذن..و يقول

سن اللبن يالردي يقلعه سن=تبرخ مباريخ الجمل و انت ناقه

و في قصيدة اخرى لابن رشيد.. اللي يقول بأولها:

أنا ابن رشيد و ماني بغزالان=مثل النجوم الشاهدة يوم يبدن

و بيت ثاني في القصيدة و انا أعتبره من اعظم ما قيل بالفخر..يقول فيه:

أنا حصان و ما يتغبى الحصاني=و لا يلحق العنان راسي أليا عن

و أظن ابن رشيد قال هذي القصيدة يوم كان هو وابن سعود عند معزب آخر و يوم جا المعزب يقهويهم راح يقهوي ابن سعود..فقال له ابن سعود قهوي ابن رشيد..لأنه اشقر..و و قال لابن رشيد: و إلا لأ يا غزالان؟

فرد ابن رشيد بقصيدته هذي

فياريت ياخوي تفيدني و تزودني بالقصيدة غذا موجودة عندك أو عند أي واحد بالاخوان..

بعض شيبانا قاظبينها بس والله ما حصلي أشوفهم من مدة

*ملاحظة: ابن رشيد و ابن سعود من ملكوك الشعر القديم(شعر الفخر و الغزوات و الكونات) و انا ملاحظ إنه ما في قصيد لهم في منتدياتكم

فياريت إذا كان عند احد من الاخوان متوفر إنه بيدا يتحفنا ببعضه..

و مشكورين الجميع

[نجمه]

اسمحلي اخ راكان على هذه المداخله
في غلط في اول بيت

فنجال طيني منت فنجال صيني
تبرك ماريك الجمل وانت ناقه


كتبها خلف الاذن بقصيدته لابن سبهان في مجلس ابن رشيد
زامل ينشدني وانا وين ويني.............

[راكان العدوان]

المشاركة الأصلية كتبت بواسطة نجمه

اسمحلي اخ راكان على هذه المداخله
في غلط في اول بيت

فنجال طيني منت فنجال صيني
تبرك ماريك الجمل وانت ناقه


كتبها خلف الاذن بقصيدته لابن سبهان في مجلس ابن رشيد
زامل ينشدني وانا وين ويني.............

هلا اختي

بس يمكن انتي ما قريتي مشاركتي صح

أنا أعرف البيت اللي انتي قلتيه و القصة

بس انا بعد سمعت البيت اللي كتبته و حبيت أستفسر عنه

و لا هنتي

[نجمه]

انا اعتذر اخوي راكان
واعتبر مشاركتي لقافه

[راكان العدوان]

لا اختي الله يحييج
و بالعكس انتي كان قصدج النقد البناء

[بن عجمـــــــــــــى]

والف نعم بكلاا االقبيلتين وبرجالهاا
ولا هنت الادوح على ما اوردت

[سطام الشعلان]

السـلام عليـكم ورحمـتـه وبركـآتـه ..

اسـعد الله أوقآتـكم بـكل خـير.. وأتشرف بـطرح أول مشآركـة لي في منتدآكـم الوآقعـي واللذي تبيـّن ليْ من خـلال قرآئتـي لـبعض من الموآضيـع خـلال جولـتي البسيـطـه في ارجآئـه انـه قآئـم على قوآئـم صآدقـه وتخلـوآ من اللـف والدورآن على مـآ قيـل ..

اعذرونيْ على ردي في موضوع قـديـم ولكـن بصرآحـه اول مره اقرآه وبمـآ انـه من الموآضيـع اللتي لـم تحذف ومن الممـكن أن تتـم زيـآرتـهـآ في المستقـبل , حبـيـّت ان اضيـف ردًا على القصيـده وابيـّن بعـض الأمور اللتـيْ طآل فيهآ الجدآل من اخوآني السآبقيـن ولكـن لـم يصـل احـدهم الى السـبب الأصـلـي اللذي طرحـت فيـه هذه القصيـده وهذا مـع احترآمي الشـديـد لهـم جميعًـآ , من مؤيـد ونآفي ومدآفـع ومهـآجـم ومحـآيـد .. وفي النهـآيـة هي سوآلف ورآحـت مع شخصيآتهـآ اللي رآحـت .. ولانـيْ كآتب ردي من بـآب العنصريـه والتعصـّب ولكـن من بـآب لا يصـّح ألا الصحيـح .

في البـدآيـه اوّد القـول ان اللي قيـل عـن سـبب قصيـدة بـن دعسـآن الدويـش في ابـن شعـلان فيـه شيء من الخـطـأ ..

وفـي الوآقـع انآ يوم قرأت الموضوع والقصيـده و ردود الأخوه في هذا المنتدى .. ذهبـت فورًا الى منتدى قبيلة مطير وبحثت عن نفس الموضوع و وجدتـه مـع القصيـده اللتي سبقتهـآ مقدمـه كـ التآلي : ((كان بن شـعلان يعيش معيشـة خاصة . واعتاد على الا يرد على من سـلم عليه بل يوكل ذلك الى رفيقه دلـيم ويقول (( يا دليم قله هلا )) ومن ثـم القصيـده نفسهـآ ..

بـصرآحـه مآ اتوّقـع ان شـخـص عربي بـدوي بسيط تغلـّب عليـه صفـآت الكرم والضيآفـه يفتخر بـمثـل هذه العآده ويوّكل احـدًا لـيرد على ضيوفـه .. وانآ اقول شخص عربي بدوي بسيط فـكـيـف اذا كآن شيـخ ربعـه وقـدوتـهم ويفرح بقدوم العبـد قبل الحـر ويهـّـليّ بالرآعـيْ قبـل الشيـخ .

وأحب ان انـّوه ان دليـم اللي ورد ذكـره هو كآن عبـد ابن شعـلان ولـيـس رفيـقه .. وابـن شعـلان اللي فيـه القصيـدة هو ( النوري بن هزاع بن نـآيـف الشـعلان ) ..

امآ عن سـبب قصيـدة ابن دعسـآن الدويش هي كـ التآلي .. (( جآء ابن دعسآن للشيخ النوري الشعـلان بـهيـئـة الجآلي عن ربعـه والجآلي كمآ هو متعآرف عليه بين القبآئل هو اللي ذابح احد من ربعه ويجلي عند قبيله معروفه وعند شيخ معروف ايضـًا لـيكون هالشيـخ كفؤ للدفآع عن من استجآر بـه .. طبعًـا اول مأ جأ ابن دعسآن رحـّب فيه النوري واستقبله احسن استقبآل وكل فكره ان هالدويشي ذابح شخص من جماعته حسب ما فهـم منـه اول ما جآه .. بس تبيـّن للنوري بعـد كـم يوم من استضآفـته لأبن دعسآن .. انه مو ذابح احد وانمآ لـ سـبب آخر ( اعتذر عن ذكـره لـ ضعـف مصـدر المعلـومـه لدي .. ولكـي ـلا نصبـح في دآئرة يقولون ونـظـلـم حـظـنـآ) ولكن بأختصآر ان هالسـبب اللي تبيـّن لاحقـًا ,, يوحي بـ وقوع فـتـنـه بيـن النوري والدوشآن اذا علـموآ ان بن دعسـآن فـي حمـآيتـه ومن الممـكن ان يصبـح الموضوع تحديًا لهـم او مآ شآبـه .. المهم عندمـآ علـم النوري لاحقـًا عن السـبب الحقيقي لـمجيئ ابن دعسآن وانه لم يقـتـل احـد وان الموضوع غيـر , قرر انـه يخلي ابن دعسآن الدويش يرحـل عنـه بطريقـه غير مبآشرة ( ولو أن النوري يبدولي اختـآر طريقـة ً فيـهـآ نوع من الغرآبـه ,, ولكـن يبدو انـه اراد الـرد على أخـفآء الحقيـقـه من قبـل ابن دعسـآن عليـه بـطريـقة ٍ يرى فيهـآ نوعًا من رد اعتبآر لـه) ,, فـ قآل لـعبـده " دليـم" انـه اذا جآء ابن دويش وسـلـّم رد السـلام انت عني وهو رآح يفهمهـآ ويمشي .. وفعلاً في اليوم التآلي كآن النوري جآلس وعنـده دليـم ودخل ابن دويش وقآل ( قوّ النوري ) .. والنوري مآ رد ينتظر دليم يرد عنـه على حسـب مآ وصـّـآه .. بس صآحبنآ دليـم نسى الموضوع بـحكم انـه مو متعوّد يرد على الضيوف والشيـخ جآلس .. المهم كرر السـلام ابن دويش مره ثآنيه ولم يلقى ردً لا من النوري ولا من دليـم اللذي ـلا زآل ناسي الوصـّـآه .. بالمره الثالثه يوم سلـم ابن دويش غضـّب النوري من تجآهل دليـم وقآل " يآ دليـم قلـّه هـلا " .. عقب هالموقـف فـهـم ابن دويـش الموضوع ودرى ان النوري وصلـّه علـم عن حقيقـة جيتـه ومشى .. وبعـد فتره بعـد مآ عـآد الى ربعـه وعآدت الميآه لـ مجآريهآ قآل ابن دعسآن هالقصيـده بالنوري .. وكأن فعلـت النوري فيـه جآئـت من فراغ او من كبر وشوفـة نفـس على مآ قآل .. ولكن السـبب عكس ذالك والحقيقه هي كمآ ذكرت ولا اتصوّر ان الأنسآن يتقبلهـآ من شيـخ وعقيـد قومـه , لأنـه لو هو فعلا ً بهالأطبآع والصفـآت هذه لمـآ ذاع صيتـه بيـن القبآئـل ولم يلقـّي ولاءً من جمآعتـه وربـعـه .. وفي النهآيـه رحـم الله ابن دعسآن و النوريْ وجميـع اموآت المسلميـن ومآ نردد مثـل هذه القـصص الآ لـنستفيـد من الموآقـف اللـتـيْ تدوّر فيهـآ بحسنـآتهـآ وسيئآتهـآ ..

وآسسسسسـف جدًا علىْ الأطـآلـه .. وآمـل ان تقبلونيْ أخً لكـم على الود والمحبـه


تحيـآتـي للجميـع ..

[الاحرش]

الادوح سلمت يمينك


على ماكتبت ونعم باابناء القبائل كلهم