@@ كنـا ..وكنـا ..وكنـا.. وكنـا @@

[alaajm]

السلام عليكم ورحمة الله وبركاته

كنا نقول لاتقابلنا السلام عليكم والحين هاااااي هاوز افرى ثنق

كنا نقول فمان الله والله يحفظك والحين نقول تشااااو وباي وتيك كير

كنا نقول هلا حياك الله اقلط والحين نقول اتصل على قبل لا تجي

كنا نتفاخر عندنا جد وجدة بالبيت و الحين صار فيه دار للعجزه والمسنين

كنا نقول تفضلوا للعشاء انتم والأهل والحين نقول ممنوع اصطحاب الأطفال

كنا نتريق ونتغدى ونتعشى جميع والحين زين اجتمعوا اثنين

كنا ناكل مرقوق وجريش والحين مكرونه اسبكتي أو بالباشميل

كان طموحنا ندرس في الجامعه العربيه والحين طموحنا ندرس بالجامعه بس مو العربيه

كنا ندرس كل طالبين بطاوله والحين كل طالب له طاولتين

كان طموحنا نصير طيارين والحين طموحنا وظيفة توكل خبز

كنا نفرح اذا نزل البردي والمطر نشرب منه ونستعذب والحين نروح نقحص ونستانس وندعم ونموت

كنا نفرح اذا قالوا لنا قربت الاجازه والحين نص عيالنا وبناتنا بإجازه على طول

كنا نهرّب الزقاير تهريب والحين اعتدنا إدارة مكافحة المخدرات

كنــــا وصرنــــا .. وليتنا ماصرنــــا

[انتحار]

كنا قطط مغمضه واللحين قطط مفتحه على مر

كنا نقول صدام سيف العرب واللحين نقول صدام كلب العرب

كنا ماندري شالطبخه واللحين كلينا الطبخه

كنا مهــبل واللحين مقـــرد

كنا اي شي صرنا ولا شي

كنا نقلد واللحين نبلد

كنا وكنا وكنا ..وغنوها على طاروق "الكنه"

[بوادر]

كم صرفتنا يد كنا نصرفها %%%%%% وبات يملكنا شعب ملكناه

شمريه والسما ترعد فوقي %%%%%% ويا ويل من داس على طرف ثوبي

[booa7]

والله ما كذبت
والله انك صادق عز الله ان هذا الواقع للاسف
ليتنا نغيره
وليتنا نرجع لايام قبل

الله يعطيك العافيه
ويسلمووو على الطرح الجميل
تحياتي

[مـحمـد]

السلام عليكم ورحمة الله وبركاته

لي وجهة نظر مختلفه نوعا ما ، التطور ومواكبة عصر السرعه امر لا مفر منه ، ولا بأس بتغيير بعض المفاهيم او الالفاظ الى احسن او اختصار بشرط عدم مخالفتها لكتاب الله وسنه رسوله وبعض العادات والتقاليد الممتازه ، ولك كل الشكر عزيزي الكريم .

[alaajm]

انتحار

بوادر

boo7

محمد فهاد


أشكر مروركم جميعاً ويعطيكم العافية على المشاركة بالموضوع..

[saprj]

يعطيك العافية أخوي سالم على هذه الكلمات القيمة

و فعلا أصبحنا نفتقد الكثير من العادات الطيبة التي

دمرتها الحضارة في طريقها .

[تريكي]

لاهنت موضوع جميل وممتع لكن
الماضي لن يعود وسياتي يوم
تتذكر هذي الكلمات علي انهاا
ماضي

تقبل احترامي وتقديري
سالم

[ناصر بن فالح]

الله يعطيك العافيه اخي سالم

بالفعل افتقدنا الكثير لكن مازال هناك مانحن محتفظين به

نسأل الله ان لايحرمنا اياه ايضاَ

كل الشكر لك اخي سالم

[صـــمتا]

كنــــا وصرنــــا .. وليتنا ماصرنــــا

واذا قلت : يقولووون هذا التقدم وتطووور ... انه نقلد الغرب بأي شئ .. وللأسف انهم فعلا يتقدموون كل يوم خطوه لجهنم ..

:
:

اخي الكريم ( سالم )

بارك الله فيك على ما طرحته هنا ..

دمت بوود
لك تقديريــ