الد نيـــــــــــــــــــــــــــــا

[العازف]

السلااام عليكم ورحمة الله وبركااته.....
اول شي اشتقت لكم واناا معكم الله لايحرمني منكم
وثااني شي بهديكم قصيده كتبتهاا عن الدنياا الله يكفيناا ويكفيكم
شرهااا يااارب

يقـــــول :



اشوف انا الدنيا تعكر صفاها = دنيا غريبه ماحسبنى لها حساب

دارت علي من كل صوب(ن) رحاها = واصبحت مغلوب(ن) وانا كنت غلاب

حسبي على الايام مابعد مداها = بغيت اسابق ركبها والامل خاب

عجزت اميز طيبها من رداها = توي عرفت ان الزمن ماله اصحاب

النفس ماتقوى على اللي بلاها = وقلبي من افعال الزمن ياعلي شاب

الناس ترقد ليلها ويهناها = وانا عيوني دمعها دوم سكاب

مدري من الدنيا وش اللي دهاها = لجيت بفتح بابها تقفل ابواب

ياعارفين الوقت وشهو دواها = ينشد اللي من عنا الوقت منصاب

وياالله يالمعبود تجعل عناها = لي رحمة(ن) يوم المخاليق طلاب





وسلااامتكم........

[النـــادر]

الله يعينك , نتمنى يكون علي اللي اسندت له القصيده شاعر ونشوف رده هنا
عموماً صح لسانك والله لا يهينك .

[فلاح بن ملبز]

العازف

صح لسانك...قصيدة رائعه...

ولك جزيل الشكر

[محمد المحلكم]

صح لسانك



قصيده في القمه

[حمد بن سعد المسرع]

ياسلام يالعازف



احسنت وصح لسانك



الله يكفينا واياك شر الدنيا وما فيها




تقبل من اخوك حمد اصدق تحيه

[العازف]

النااادر


لااهنت يالغاالي
وصح بدنك
وشرفتني فديتك

[العازف]

فلااح بن مبلز ارررحب

صح بدنك يالغاالي
مرورك هو الاجمل

[*(النفس طابت)*]

الاخ العازف صح لسانك ولا هنت قصيدتك رائعه جدا بكل ماتحمله هذه الكلمه من معاني والله اعجبتني وكنت اتمنى اني انا كاتبها بس عندي ملاحظه بسيطه في شطر هذا البيت ياليت تتقبلها بصدر رحب
وقلبي من افعال الزمن ياعلي شـاب
كان الافضل والله اعلم ان تقول
وراسي من افعال الزمن ياعلي شاب

وتقبل وافر تقديري واحترامي واعجابي الشديد بهذه القصيده اخوك النفس طابت

[عبدالعزيز.الشامري]

حسبي علـى الايـام مابعـد مداهـا
بغيت اسابق ركبها والامـل خـاب

عجزت اميـز طيبهـا مـن رداهـا
توي عرفت ان الزمن ماله اصحـاب

صح لسانك طال عمرك

أبيات جزلة من شاعر جزل

تقبل فائق التحيات


أخوك / عبدالعزيز الشامري / مملكة البحرين

[حبيسه الحزن]

عزيزي...العــازف
كنت هنا وفيا لكلمتك ووفيا للشعر

وكنت في قمة التألق والجمال

كنت هرما شامخا يتخذ من وروود حدائقه مفردات له

صح لسانك أخي ملاييين واشكرك على المتعة الحقيقية

التي لامستها في نصك الراقي هذا


تحياتي الصافيه........

حبيسه الحــزن