كان لمسفر بن معلا الفهادي اخو شجاع ومجتهد في خدمة
اخيه مسفر واراد الله لاخي مسفر ان يقتل
غيلة في ارض خف, وقد رثاه مسفر بهذه الابيات:
قال ابن فهاد وبالصدر حسـات
والهم والهاجوس قد سـم حالـي
ياليتني ماجيت روس المصيفات
والذيب سرحان عوى من قبالي
ياذيب شوفك بالخلا لي مراعات
وانا وحيد بالخلا ويـش حالـي
ابكي عضيدي يوم الاخوان فلات
ماقال ذا حقك ولاقـال ذا لـي
ليته كفاني هـم بقعـا ولامـات
وانا كفيته وسـط قبـرٍ هيالـي
لا واعضيدي عند قارة خفا مات
من عاد من عقبه بيرفا خمالـي
يالله ياخلاف شي ٍ الـى فـات
انك تعوضني بحي ٍ غـدا لـي
بي وجد بيضا مفرق ولدها مات
لمست فراشه تالي الليل خالـي
سرى عليهـا عبـرة والتنهـات
قد جربت بالليل حـزن العيالـي
او وجد ثنتين ٍ تلاحن بالاصوات
عهده ولدها يتبع النشـر تالـي
ياويش باسوي الى جات هـدات
ثم افزعوا بضماد وانـا لحالـي
عادات له لاجا الزهم والمحابات
مثل الفحـل لاداس ذودٍ متالـي
ياقلب ترك مامضى خل مافـات
غيرا حك لي في مقبلات الليالي
ياما قطعنـا وادي ٍ مستخفـات
نرقب وعدنا لين يبـدا الهلالـي
ياما حمينا جيشنا في كل هيـات
وياما وياما غيرها قـد جرالـي
وقد ذهب مسفر بعد ذلك يلتمس الخبر عن اخيه وعندما ضاف مسفر
عند احد القبائل بين الاحساء والعقير وجد عند مضيفه ضيوف كثير
من كل جهة , وعرف ((جنبية )) اخيه مع واحد من الضيوف وساله
عنها ولم يظن القاتل ان في هذا المحل البعيد طلاب ثار من قبيلة
المقتول , فاجاب بان هذه الجنبية لواحد من آل فهاد
((حاشه النصيب الله يبعدنا عنهم )) ومابين الاقواس كان رد القاتل .
وعندما ناموا سرى عليه وقتل قاتل اخيه , وفي الصباح اطلبوه
المعازيب بالاثر لاخذ الثار من قاتل ضيفهم ولحقوه باليوم الثالث
في شعيب او ثيلان مع المغرب ونزل عن ذلوله حينما رآهم عن بعد
وصعد راس الجبل في الليل ونجا منهم , وفي الصباح التالي بحثوا
عنه ولم يجدوه وعادوا, وفي الليلة الثانية التجا الى محمد بن سعود
بن رشود راعي البديع الذي زبنه واخفاه وبعد ايام زمله وزهبه ومشاه
بالليل .. وقبل ان يغادر قال مسفر ((ان احتجتني لفزعه او حاجة دنيا.. فاذكرني))
وعطاه اسمه الكامل ومحل اقامته , وبعد مدة احتاجه في حرب جرت
بين فخذين من الدواسر وارسل عليه كتاب فقال مسفر بن معلا للمرسول
الوعد ليلة 14 من الشهر او 15 يظهر لي ورا قصره ويجدني في المكان
الفلاني وعندما ابتداء الموعد الاول ظهر له ووجده فيه وكان اخصامه
قريبين منه فقال من انت ؟ قال انا مسفر .. قال والله انك جيد يامسفر
فاجابه مرتجلاً بهذه الابيات:
قال ابن فهاد ضنا الجود مسفـر
ماجيد الا مـن مـوارث جـود
ولاضبعة تجيب ذيـب مسـرح
ولاثعـل ياتـي ضنـاه فهـود
مانيب من ينسى او يخلف وعيدته
الـى لزمنـي للرجـال اوعـود
ماكل من يقضي للاجناب حاجه
لاجوه من بعـد الديـار وفـود
لو كنت نازح فالركـاب تجينـا
جينا على مثـل النعـام شـرود
جينا من المشرق بركب ضمـر
معنا الخناجر والهنـادي السـود
جينا نضد اللـي يضـد محمـد
فعلـه قديـمٍ والسلـف مـردود
جعل البديع يجيه رايـح مـرزم
والبيض فال محمد بـن رشـود
وسلامتكم
مــــــــنـــــــــــقـــــــــول
24-05-2006, 01:34 AM
سالفة مسفر بن معلا اليامي
العرض العادي
