النصيحه

[الخالدي الهذلي]

باسم العظيم مفرج الهم والباس=عالم خفايا كل خافي ونيه
لي خمسة اشهر كنني فوق محماس=مابين كر وفر واكثر شويه
افزع مع الطيب واعامله باحساس=والا الردي ماله غلاوه عليه
امشي وطبعي دايمن رافع الراس=ماتنقلب شمسي مع الغيم فيه
سليل شيخن للعواريف نبراس=حزام ربعه كل ماجات هيه
وانا بدربه والنشامه من الساس=ساسن جويدن مايبي له زكيه
ماني من اللي ينقل الهرج دساس=مبداه طيب والخباثه خفيه
اليا نظرته قلت رجال ماخاس=بين صفاته من رجال الحميه
اعطيه سدي لابغيت التوناس=وآخذ برايه لا تعزمت نيه
واثر الرخامه للردي زاد وانفاس=بين بعضها والخوافي رديه
ياقارين خط القلم فوق قرطاس=اخذ النصيحه يوم جاتك هديه
سدك ليا منه غدى عند الانجاس=مثل الذي يرقد وفي الكم حيه
والاكما راعن غشى طرفه نعاس=واستامن ذياب الخلا فالرعيه
حذرا وحذراياعرب قبل مالفاس=بالراس تنزل واتناثر دميه

[عـزام]

الخالدى الهذلى

فى البدايه نرحب بتواجدك معنا والله يحييك.

وابيات اكثر من رائعه

صح السانك واعتلا شانك

بانتظار جديدك

[حمد بن عديمه]

صح الله السانك ,,


اتمناء لك التوفيق ,,

للأمام دوم وليس يوم