لا تسألوني ليه...أو كيف..أو ليت؟؟؟

[حمود بن فطيس]

اسعد الله جميع اوقاتكم


احبائي اقدم لكم هذه البسيطه وارجو ان تحوز على رضاكم

البارحه في تالي الليل ونيت=ونة خلوج(ن) تو ميت ولدها
ونيت انا من حر مابي وغنيت=والنفس تعبت عقب جابت جهدها
رقيت انا راس الطويله وعديت=جتني هواجيس(ن) تداوا رعدها
ونيت ونفوس الخلايق توابيت=والعين سلال الليالي سهدها
انا اشهد اني في هواها تشقويت=هاضت جروحي والسبب حر يدها
تلحقني الكيه بكيه ولا امسيت=باسبابها عيني لحقها رمدها
لي صاحب(ن) قفى وانا عقبه اقفيت=والنفس طير الحظ عقبه جحدها
عطيته امن الود حلوه وخليت=مر(ن) تشربته وحالي هجدها
ياكثر ماهزيت انا الراس واوميت=الياتذكرت السنين ونكدها
من عقبهم لانيب حي(ن) ولا ميت=من بين خلق الله وروحي وحدها
ادوج في درب(ن) به العام زليت=واذكر مرابيع(ن) لنا في لحدها
ماتت مرابيع(ن) لنا كم تمنيت=فالقلب وعروقه تهاوت عمدها
لا تسألوني ليه...أو كيف..أو ليت=بس المهم حبال وصله عقدها

وسلامتكم


حمود بن فطيس

[مناحي الصميل]

لله درّك يابو حماد


جزل كما تعودنا عليك


صح الله لسانك ملايين

[مــقــدام]

السلام عليكم ورحمة الله وبركاته

لاهنت يا اخي حمود ن فطيس

وصح اللسانك على القصيده الجميله

ولك كل الشكر والتقدير

[سالم الرتيبان]

صح لسانك ابو حماد جزله من راسن جزل
تقبل اعجابي ومتابعتي
اخيك سالم الرتيبان

[حمود بن فطيس]

المشاركة الأصلية كتبت بواسطة مناحي الصميل

لله درّك يابو حماد


جزل كما تعودنا عليك


صح الله لسانك ملايين

صح بدنك يالسنافي ولاهنت على مرورك المتواصل



تقبل تحيات مودعك


حمود بن فطيس

[الــحـشـاشـــه]

روووعــــه ..ماشاالله !
صح لـسـانك ولا تـحرمـنا من جديدك ... موفق انشاالله ..

تقبل تـحياتي

[مسفر بن حمران]

اخوي حمود صح لسانك ولاهنت على القصيده الجزله وما هي بغريبه عليك تقبل تحياتي اخوي العزيز

[حمود بن فطيس]

المشاركة الأصلية كتبت بواسطة مــقــدام

السلام عليكم ورحمة الله وبركاته

لاهنت يا اخي حمود ن فطيس

وصح اللسانك على القصيده الجميله

ولك كل الشكر والتقدير

وعليكم السلام ورحمة الله وبركاته

ولاانت يالسنافي

صح بدنك ولاهنت على مرورك الطيب


تقبل تحيات مودعك


حمود بن فطيس

[رحال الامارات]

صح لسانك ياحمود اشهد انك ابدعت

[زمانك]

صح الله السانك ياحمود وتسلم على القصيده الجزله

وبنتضار جديدك






تحيه اعجاب لمن يستحق الاعجاب...