بسم الله الرحمن الرحيم
السلام عليكم ورحمة الله وبركاته,,,
اهدي هذه القصيده الى جميع شمري على وجه الارض واحيي لابتي شمر وافتخربها فقد هاظني شاعر يدعى مساعد بن اربيع الرشيدي
عندما اقتبس اسم (الطنايا ) حينما قال في احدي قصائده التي نشرت في مجله فواصل التي هي ملك طلال الرشيد انه من (الطنايا)
فلن نسمح لاي مخلوق على وجه الارض ان يستعير لقب شمر ألا وهو (الطنايا)فهو تعدي على العادات والتقاليد الاصيله ومن عادات
العرب انها لا تتعدى على مفاخر القبائل الاخرى.فكان لابدمن الرد على هذا الشاعر الذي اودع نفسه من (الطنايا).,,,,
يالله يـا مديـر الليالـي والادوار=يـا عالمـن بالبينـه والخفـيـه
يالواحد الماحـود عـلام الاسـرار=يالله يالمطـلـوب رب الـبـريـه
انت الكريم اللي على الخلق جبـار=يالله يـا عالـم خفـا كـل نـيـه
ويا خالق الجنه ويا خالـق النـار=وبقدرتـك كـل العبـاد إمحصيـه
انت الذي نطلبك يا النافع الضـار=نخشي عـذاب الوقفـه الاخريـه
انت العليم وعالـم سـر وجهـار=وانت الرحيم ورحمتـك واسعيـة
يا مودع بروقة علي كـل الاقطـار=همالهـا فـي ليـلـة سامـريـة
ومن بعد ذكر اللة زينت الاشعـار=مشايل مـن كـل غـش امحميـة
قال الذي من جزل الامثال يختـار=بحر المثايـل قـام يزمـي زميـة
من عليم يجري بالاشعـار زجـار=واليابغيت القيـل نفسـي رضيـة
من منهل عند الطلب يحضر احضار=واليابغيـت القـاف سهـل عليـة
واليا نظمت البيت ياتيك بصخـار=من صح راسي ماستعرتة عريـة
ويا مساعد ربيع تري الوقت غدار=هـذا كلامـي واستمـع للوصيـة
طير الرخم ما يستوي مثل الاحرار=والحـر ماتقنـص بـة الهيتميـة
والبوم بوم وماكر البـوم بالغـار=ولا يجتمـع حـرٍ وبـوم سويـة
ولا كل من طب البحر صار بحـار=ولا كـل عـد تـارده فيـة ميـة
ولا كل من صاب الهدف قيل بيطار=ولا كـل رامـي يـازن البندقيـة
واحذر يطير ابك الغوي ثم تنـدار=ودنياك هـذي يـا فتـي شقلبيـة
واحذرتشتم كل رجـل لـه اذكـار=واحذر تمشى عنـد جـال الركيـه
حنا طنايا مـن نواديـر سنجـار=حنا حـرار طيورهـا الصيرميـه
حنا الطنايا نكرم الضيف والجـار=حنـا الطنايـا لابــة شمـريـه
وحنا الطنايا لاحصل عـج وغبـار=يفرح بنا راعـى الجـواد الونيـه
وحنا الطنايا نركب الجيش وامهار=ونركب على قب تلاصـف احذيـه
وحنا الطنايا يوم روغات الابصـار=نارد على الموت الحمـر والمنيـه
وحنا الطنايا يوم عج الرمـك ثـار=كم شيخ قوم نفرقـه مـن خويـه
وحنا الطنايا يوم هفيات الاعمـار=نجلب عزيز الروح فى كـل هيـه
وحنا الطنايا ليا من صار ما صـار=عدونـا ناطـاه وطـى الحـذيـه
وحنا الطنايـا يـوم وارد مصـدار=حنا هل الطـولات واهـل الحميـه
وحنا الطنايـا مرويـة كـل بتـار=وساع الطعون اليـا بلينـا بسيـه
عدونا كنـه علـى صالـى النـار=ورفيقنـا ارواحنـا لـه هـديـه
وحنا الطنايا كسبنا حص الاوبـار=والسيف من ضربه تفيض الشغيه
وحنا الطنايا لابـة كلهـا افخـار=ربعـى طنايـا لابــة اسلمـيـه
وحنا الطنايا يوم غليات الاسعـار=نشرى بغالـى مـا نـدور شويـه
وحنا الطنايا للعدو سـم وامـرار=وحنا كعـام الضـد والنـار حيـه
وحنا سناعيسن على الطيب صبار=وحنا الطنايا مـن لابـة ضيغميـه
وحنا هل المعروف حنا هل الكـار=حنـا الطنايـا بالسنيـن الهفيـه
وحنا هل الناموس شبابـة النـار=يوم بعض النـاس عرقـه هميـه
وحنا هلى الطولات صلبين الاشوار=حنـا الطنايـا والعلـوم امحكيـه
وحنا الطنايا واشهب الملح دمـار=بكبـود اعدانـا علتـن سقطريـة
وال السعود مطوعـة كـل بـوار=ملوك العرب بالطيب مالـه شديـه
الذيب هو والشاه ترعـى بالاقفـار=من فضل رب العرش صارت فضيه
حكـام قـادات عزيزيـن واخيـار=شيوخ العرب هم عزوة اليعربيـه
انشدك ياقاطـف حليـات الاثمـار=عن ما مضى بعصورهـا الاوليـه
عن واحد قال السموحه والاعـذار=وقاد الضعن فى سهلـة مهمهيـه
وافزع مع ربعى على كل ما صـار=كلـه لعيـن العـزوة الشمـريـه
وصلاة ربى عد هتـاف الامطـار=علـى نبـى نسلـه الهاشمـيـه
الشاعر// محمد بن فيصل بن عبدالعزيز الشمرى
09-05-2007, 10:02 AM
العرض العادي
