جبرك الوقت ترجعلي جبـرك وجيتنـي ندمـان....دمرك الشوق يا خايـن وجيـت تسابـق ظلالـك

[الخيال الحر]

جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك
عرفت الحب بغيابي وعرفت انك معـي غلطـان
تاكد مـا يشرفنـي طريـق(ن)دربـه وصالـك
تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك
لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك
اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك
تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك
بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي أبا أوفيلك!!
تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك
أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك
ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟
تدل الدرب من دونـي وقدامـك سكـة الأحـزان
توكـل لا تنادينـي ويعينـك الله علـى حـالـك
وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك
غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك
ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

بيــــــــــــــــوت اعجبتني وحبيت انقل ها الابيات iiiii

[ريــــــانـه العــــود]

الخيال الحر



رووووووعه من جد كلمات روووعه
صح لسانك
ولاهنت على هالقصيدة الحلوووة

[@بنت الشيوخ@]

الدمعه ويكفى من العين الدموع *** ولو يفيد إبكاى عينى رضيت أمراظها



مدري شنو اخذ وش اخلي.....رووووعه تسلم يمناااك على النقل

تقبل مروري وتحياتي لك

[الـنايفه]

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك
أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك
ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟
تدل الدرب من دونـي وقدامـك سكـة الأحـزان..

كلمآت ولآروع يعطيك الف عافيه اخوي على النقل..وصح لسآن قآيلهآ,,,

آم خآلد

[مسفر بن حمران]

اخوي الخيال الحر صح لسانك ولسان شاعرها ولاهنت على النقل الجميل وعساك على القوه

[الخيال الحر]

اشكرك اخوووي مسفر
والاخت ام خالد
والاخت بنت الشيوخ
وايضاء ريانه العود
الجمـــــــــــــيع اشكركم

[راكان6161]

الخيال الحر يعطيك العافيه
ومشكور

[المارد الشعري]

صح السان شاعرها وناقلها

الخيال الحر

كالعاده مبدع

لاهنت على الاختيار الرائع

تحياتي

[rimas]

لاهنت يا الخيال الحر النقل الاختيار الرائع
هذه القصيدة للشاعر فيصل الدلوم الرشيدي
وهذه هي كامله:

جبرك الوقت ترجعلي جبـرك وجيتنـي ندمـان=دمرّك الشـوق ياخايـن وجيـت تسابـق ظلالـك
عرفت الحب بغيابي؟ عرفت أنك معـي غلطـان؟=تأكـد مايشرفنـي طـريـق ٍ دربــه وصـالـك
تبي أخضع لأجل عينك وأنا مخضع ومهما كـان=أقـص الـراس قدامـك ولاأخـضـع لأمثـالـك
لعبت بحسبة جروحي وكتبت أمن الحزن عنـوان=(نسيت اللي يحبك موت وصـار الغيـر يحلالـك)
إذا غيري تبي قربه وصرت فـبحـره الغرقـان=نصيحـه لايمـوت الحـب ومـن قلبـي هنيالـك
نسيت أنك تبيع الحب وتجـزا الطيـب بالنكـران=لعلمـك بانـت الصـوره وبانـت نيـة أفعـالـك
(تشب النار) في قلبي وتنسى أني معـك أنسـان=تخالط بالشقى (هيلـك) وصـب الهـم (فنجالـك)
بعد ماأنقلبت الدنيا تجينـي محتـرق!! ولهـان!!=تقول أرجـوك سامحنـي وقلبـي بداخلـه شالـك
تبي قربي؟ أنا حاضر.. ولكن !! بطلبك من شان؟؟=تشوف شلون لي عـزه تـرد الجـرح لأشكالـك
أبي تبكي على شاني .. أبي تصرخ من الحرمان=لوأنـي بآآآخـر الدنيـا.. أبيـك تجـر مـوالـك
أبيك تصير مجنوني ومن شافـك يجـي شفقـان=يقول شلـون؟ علمنـي؟ وشلـي غيّـر أحوالـك؟؟
ترى (هتلر) بعد مجـده تخلـوا عنّـه (الألمـان)=وأنا من بعـد حبـي لـك تركتـك تقعـد لحالـك
تدل الدرب من دونـي وقدمـك سكـة الأحـزان=توكـل لاتنادينـي ويعـيـن الله عـلـى حـالـك
وأنا يكفينـي ذليتـك وحديتـك علـى الهجـران=تقول الموت من بعـدك وأقـول هنـاك أشوالـك
غسلت إيديني من حبك وأبرحل وأهجرك يافـلان=فمـان الله وباقيلـك نصيحـه وخلهـا فـبـالـك
ترى من يضحك (الأول) مصيره باللعب خسـران=وأنا من يضحك (الثانـي) عشـان أحطـم آمالـك

[الخيال الحر]

اخوووووووى
راااكان اشكرك
كل الشكر
على
المرور الممتاز