ياجرير

[ناصر بن فالح]

سلامي سلامٍ فيه حشمه وتقدير =على اهل الوفى والطيب وأهل المروه

تقدمت والدنيا يأبن عمي بخير =وانا ماني بخابر جريرٍ مفوه

[جرير]

هلا مرحبابك يازبون المخاسير=عدد نوض براقٍ لمع وسط نوَه
تقدمت والدنيا يابن عمي إتسير=وارسطو يصوَت غير ماشب ضوه

[ناصر بن فالح]

يدوم البقى والوَرد عكس المصادير=وكلٍ ليامن ورد يدلي بدلوه

صرفت الذهب ولاصرفت القصادير =انا خابرك يامدعي فالنبوه

[جرير]

دخلنا بسوقك غير مابه تباشير=ولا حدنا ندخل ياكود العنَوه
اثر عقلك صغَير تحسبنك إزهير=ومن اول سلامك بس مسه وقوَه

[ناصر بن فالح]

ترانا حذفنا الدلو في قاعه البير=وبين قصاك وبان قبله دنوه

دموعك تفيض وتملي العين وتحير =وتلعن ابو خير الزمن قبل سوه

[جرير]

رويَس الظبي لاما يشوق المناعير=ولا يجذب المشكل ليا صار توَه
اثر صدق لك ريش وتزهبت للطير=وما طار طير الا يهون علوَه

[الجبرتى]

ارسطووو وجرير 2006

الله يعطيكم العافيه وصح السنتكم يا شعار

[ناصر بن فالح]

الله الله

[جرير]

الجبرتي

الله يعافيك وصح بدنك

لاهنت على المرور

[الجبرتى]

المشاركة الأصلية كتبت بواسطة ارسطووو

يدوم البقى والوَرد عكس المصادير=وكلٍ ليامن ورد يدلي (بدلوه)

يا ارسطوو توقع وانتبه للمحاذير=ولا يصبح الطاروق تالى مشوّه