|
بنت .... انا من لابةٍ تروي كبود اللي وردها ..!!!
هذه قصيدة رائعة لشاعر مبدع من شعراء الدواسر المعاصرين لن اتحدث عنه او
اصف مدى قوة شاعريته او مدى جاذبيتها ......
فسوف أترك لكم القراءة والتمتع في قراءتها ....
اقبلت .. كنها تجـر الليـل .. للعالـم .. بيدهـا = طفلةٍ .. ربي كساها الليل .. يمشي مـن وراهـا
طفلةٍ .. ماشفتنـا.. قبلـه .. ولاضنـي ..بعدهـا = اخذت الزين.. الطفولي.. من حلاها..في ..حلاها
فزقلبي .. واقبلت .. والروح .. في غاية سعدهـا = الحظيظ ..اللي سكن.. فـي دارهـا.. والاحماهـا
قلت وينك؟.. قال وينك؟.. قلت عدها .. قلت عدها = قال.. لاتمـزح .. بجـد تحبنـي ؟؟.. والا تباهـا
قلت له ..عد النجوم .. وعدها .. وادبـل عددهـا = مايكفـي.. والله انـه.. مايكفـي ..فـي غلاهـا
جادلاٍ ..ربـي عطاهـا الزيـن.. وآخذته..بيدهـا = اخذت الزين..الطفولي.. من خلاها .. في خلاهـا
لامشت .. مع غيرها.. ماكنها.. الا هي ..وحدهـا = اجمل الخفرات ..معها.. بس .. ماكنهن .. معاهـا
اشهد انها.. من غلاها .. حطت .. بقلبـي وتدهـا = واشهد انها.. واشهد انها.. ماخـذا قلبي..سواهـا
جادلاٍ.. غـضٍ.. غضيضٍ..توهـا زمـت نهدهـا = عودها.. ريان .. ناعم .. والجمـال.. الله عطاهـا
قــــــــــبـــــــــــلـــــــــــت الله لـــــــــــوقـــــــــــفـــــــــــت والا ان مــــــــــــــشـــــــــــــــت والاجــــــــــهــــــــــدهـــــــــــا = قــــــــــبـــــــــــلـــــــــــت الله لــــــــقــــــــبـــــــــلـــــــــت
والا ان بـــــــــــــــعــــــــــــــــد دارة قــــــــــفــــــــــاهـــــــــــا
قبلت الله .. لوقفت .. والا ان مشت.. والا جهدها = قبلت الله .. لقبلت .. والا ان بعـد .. دارة قفاهـا
قلت انا بالحيل .. احبك .. قال قلـي ..وشبعدهـا = قلتنا.. لاتسئلين .. وشوف حالـي.. وش وطاهـا
وش وطاها .. وش وطاها .. وانت من سبت نكدها = لعنبو .حيـك .ودارك .انـت مـن سبـت بلاهـا
بنت.. اعرف ان البيوت تطيح ..لاطاحت عمدهـا = بس انا ..يابنت ..شامـخ ..عزتـي ترفـع بناهـا
بنت .. انا من لابةٍ ..تروي كبـود اللـي وردهـا = لابةٍ ..تعطي حقوق .. لجارها تاسـم عصاهـا(1)
من نصاها فـي ذراهـا .. يامـن بلـذة شهدهـا = بعد امان الله يامـن .. فـي ذراهـا فـي ذراهـا
وفـالقسى .. سمٍ ذراحٍ ..لا.. بعد واشـد وادهـا = نارهم ..نارٍ لضيه ..ويل مـن جـاء فـي نحاهـا
بنت .. انا نفسي عزيزه .. لين تاصل في لحدهـا = عند خالقها ..عسى رب البشـر.. يدمـح خطاهـا
لي شموخ .. ولي طموح .. ومن بغاها ماوجدهـا = شامخٍ ..راسي رفيـع ..وهامتـي محـدٍ وطاهـا
وفزة البنت ..الجمـوح .. بنشـوةٍ تومـي بيدهـا = الفرح عم المشاعـر.. والحـزن كـدر سماهـا!!
كيف فارسها يـروح .. بلحظـة ويتـرك بلدهـا = كيف يرحل عن هواها ..من سقاها.. مـن ظماهـا
مهرة ..صعبه ..وانا احب الصعيبه .. واعتمدهـا = فارس يعرف ..يروض مهرته .. يقصـر خطاهـا
لين جت ..مثل العسيف .. وجيت يومنـي سندهـا = ماسك خطام ..الغلا يـوم الغـلا ..قـام وسقاهـا
واشربت عذبٍ قراح .. ولا تجاوب مـن نشدهـا = الا عن لذة غرام ..وسكـرة الحـب .. وهواهـا
قالت انت تحب مثلي.. قلت عدها .. قلـت عدهـا = قالت المهره .. الاصيلة .. جت تعذر عن خطاهـا
الشاعر : مبارك الدوسري
.................................................. ............
(1) من بعض سلوم الدواسر وسم عصا جارهم بوسم اللي يستجير بهم
ولاحدٍ يعارضه بعد ذلك لمعرفتهم بانه جوير عند صاحب هذا الوسـم
__________________
[align=center]
يومٍ يضيع فيه أسمي وذاتي = تسابقوا دفني عزيزين وأحباب
محمد الغريري
|
07-08-2004, 11:22 PM
العرض العادي
